A A A A A

Life: [Finding Love]


YOHANE 3:16
Hikuva Xikwembu xi rhandzile misava swonghasi, xi ko xi nyika N'wana wa xona la nga un'we, leswaku un'wana ni un'wana la pfumelaka ka yena, a nga lovi, kambe a va ni vutomi lebyi nga heriki.

1 YOHANE 4:8
Loyi a nga riki na rirhandzu, a nga tivi Xikwembu, hikuva Xikwembu i rirhandzu.

YOHANE 15:3
Nisweswi n'wina mi sasekisiwile, hikwalaho ka rito leri ndzi mi byeleke rona.

1 VAKORINTO 13:13
Sweswi, ku tiyile swilo swinharhu leswi: Ku pfumela, ni ku langutela, ni rirhandzu; kambe lexikulu ngopfu eka swona i rirhandzu.

1 PETRO 4:8
Ku tlula leswi hinkwaswo, tiyani eku rhandzaneni, hikuva rirhandzu ri funengeta swidyoho leswo tala.

1 YOHANE 4:7
Varhandziwa! A hi rhandzaneni, hikuva rirhandzu i ra Xikwembu, kutani un'wana ni un'wana loyi a nga ni rirhandzu ú tswariwile hi Xikwembu, naswona ú tiva Xikwembu.

1 VAKORINTO 13:4-8
[4] Rirhandzu ra tiyisela, naswona ri ni tintswalo; rirhandzu a ri na mavondzo, a ri tinyungubyisi, a ri tikurisi;[5] rirhandzu a ri hanyi hi ndlela yo soleka, a ri tilaveri leswi nga swa rona ntsena, a ri na ximbilwa-mbilwana; rirhandzu a ri na xiveketela xa leswo biha;[6] rirhandzu a ri tsakeli ku homboloka, kambe ri tsakisiwa hi ntiyiso.[7] Ri amukela hinkwaswo, ri pfumela hinkwaswo, ri langutela hinkwaswo, ri tiyisela eka hinkwaswo.[8] Rirhandzu a ri heli, ni siku ni rin'we. Loko ma ri matimba ya hina yo vula Rito, ma ta hundza; na tona tindzimi ti ta nyamalala; hambi byi ri byona vutivi byi ta hundza.

VAEFESA 5:25
N'wina vavanuna, rhandzani vasati va n'wina kukota leswi Kriste na yena a nga rhandza Kereke, kutani ú nyiketile vutomi bya yena hikwalaho ka yona.

1 YOHANE 4:19
Hina hi ni rirhandzu hikuva ku rhangile Xikwembu xi hi rhandza.

VARHOMA 5:8
Kambe Xikwembu xi kombisa erivaleni rirhandzu ra xona eka hina, hileswi Kriste a nga hi fela loko ha ha ri vadyohi.

YOHANE 14:15
“Loko mi ndzi rhandza, mi ta hlayisa milawu ya mina.

1 YOHANE 4:10
Rirhandzu ra kona i rikulu, hikuva a hi hina hi rhandzeke Xikwembu, kambe hi xona xi hi rhandzeke, kutani xi rhumele N'wana wa xona ku va mhamba ya swidyoho swa hina.

VAKOLOSA 3:14
Kutani ehenhla ka leswi hinkwaswo, ku laveka rirhandzu, ri nga rona leri ri bohaka swilo hinkwaswo swi twanana hi ku hetiseka.

1 VAKORINTO 16:14
Hinkwaswo leswi mi swi endlaka, a swi endliwe hi rirhandzu.

2 TIMOTIYA 2:22
Chava ku hluriwa hi ku navela loku telaka lavantshwa, u kongoma ku lulama, ni ku pfumela, ni rirhandzu, ni ku rhula, swin'we ni lava khongelaka Hosi hi timbilu leti tengeke.

1 YOHANE 4:16
Hikokwalaho, ha tiva ni ku tshemba rirhandzu leri Xikwembu xi nga na rona eka hina. Xikwembu i rirhandzu, kutani loyi a tshamaka erirhandzwini, ú tshame eka Xikwembu, na Xikwembu xi tshama eka yena.

YOHANE 17:24
Tatana, ndzi lava leswaku hinkwavo lava u ndzi nyikeke vona, va va na mina laha ndzi nga kona; va ta hamba va hlalela ku kwetsima ka mina loku u ndzi nyikeke kona, hikuva u ndzi rhandzile misava yi nga si tumbuluka.

YOHANE 13:35
Hinkwavo va ta tiva leswaku mi vadyondzisiwa va mina, loko mi rhandzana.”

MATEWU 5:43-48
[43] “Mi swi twile leswi nga vuriwa, loko va te: ‘U ta rhandza warikwenu, u venga nala wa wena.’[44] Kambe mina ndzi ri ka n'wina: Rhandzani valala va n'wina, mi khongelela lava va mi xanisaka,[45] leswaku mi hundzuka vana va Tata wa n'wina la nge matilweni, hikuva ú tsuvukisa dyambu ra yena ehenhla ka lavo biha ni lavanene, ú nisa mpfula ehenhla ka lavo lulama ni lavo homboloka.[46] Loko mi rhandza lava va mi rhandzaka ntsena, xana mi nga langutela hakelo muni ke? Na vona valuvisi a va endlisi sweswo xana?[47] Ni loko mi xewetana na vamakwenu ntsena, mi tlula van'wana ha yini ke? Na vona vamatiko a va endlisi sweswo xana?[48] Hikwalaho ke, na n'wina mi fanele ku hetiseka, hilaha Tata wa n'wina wa le tilweni na yena a hetisekeke.

1 VAKORINTO 13:1-3
[1] Hambi ndzi nga vulavula tindzimi ta vanhu ni ta tintsumi, kambe ndzi nga ri na rirhandzu, ndzi fana ni xingelengele lexi rilaka, kumbe swiphambati swa nsimbhi loko swi bananisiwa.[2] Ni loko kumbe ndzi ri ni matimba yo vula Rito, ndzi ri ni ku twisisa swihundla hinkwaswo ni vutivi hinkwabyo, ni loko ndzi ri ni ku pfumela hinkwako, ndzi ko ndzi susa tintshava, kambe ndzi nga ri na rirhandzu, a ndzi nchumu.[3] Hambi ndzi nga teka swilo swa mina hinkwaswo ndzi nyika vanhu, ni loko ndzi nga nyiketa miri wa mina leswaku wu hisiwa, kambe ndzi ri hava rirhandzu, a swi ndzi pfuni nchumu.

VARHOMA 13:8
Mi nga tshuki mi va ni nandzu eka munhu na un'we, loko wu nga ri wa ku rhandzana; hikuva, la rhandzaka van'wana, ú hetisisile Nawu.

1 YOHANE 4:7-8
[7] Varhandziwa! A hi rhandzaneni, hikuva rirhandzu i ra Xikwembu, kutani un'wana ni un'wana loyi a nga ni rirhandzu ú tswariwile hi Xikwembu, naswona ú tiva Xikwembu.[8] Loyi a nga riki na rirhandzu, a nga tivi Xikwembu, hikuva Xikwembu i rirhandzu.

1 YOHANE 3:1
Ma nga vona rirhandzu lerikulu leri Tatana a hi rhandzaka ha rona, ku fika laha hi vuriwaka vana va Xikwembu; nisweswi, hi vona. Lexi endlaka leswaku misava yi nga hi tivi, i mhaka ya leswi yi nga n'wi tivangiki.

LUKA 6:35
Kambe n'wina, rhandzani valala va n'wina, mi endlela vanhu leswinene; lombani mi nga languteli ku tlheriseriwa, kutani hakelo ya n'wina yi ta va leyikulu; mi ta va vana va Loyi-a-nge-henhla-henhla, hikuva yena ú ni tintswalo eka lava nga tiviki ku nkhensa ni ka lavo biha.

VARHOMA 12:10
Tolovelanani, mi rhandzana tanihi vamakwavo, mi tlula van'wana hi ku kombana xichavo.

MATEWU 6:24
“A ku na munhu loyi a nga kotaka ku tirhela tihosi timbirhi; hikuva ú ta venga yin'wana, a rhandza leyin'wana. Mi nge koti ku tirhela Xikwembu ni rifuwo ra misava.

VARHOMA 13:8-10
[8] Mi nga tshuki mi va ni nandzu eka munhu na un'we, loko wu nga ri wa ku rhandzana; hikuva, la rhandzaka van'wana, ú hetisisile Nawu.[9] Hakunene milawu leyi nge: “U nga tshuki u oswa, u nga tshuki u dlaya, u nga tshuki u yiva, u nga tshuki u navela swa van'wana”, hambi yi ri milawu yin'wana hinkwayo, yi katsakanyiwa hi rito leri nge: “Rhandza munhu-kuloni kukota loko u tirhandza.”[10] La nga ni rirhandzu, a nga endleli munhu-kulobye swo biha. Hikokwalaho, rirhandzu ri hetisisa Nawu.

1 VAKORINTO 13:2
Ni loko kumbe ndzi ri ni matimba yo vula Rito, ndzi ri ni ku twisisa swihundla hinkwaswo ni vutivi hinkwabyo, ni loko ndzi ri ni ku pfumela hinkwako, ndzi ko ndzi susa tintshava, kambe ndzi nga ri na rirhandzu, a ndzi nchumu.

LEVHITIKA 19:18
Mi nga rihiseli, naswona mi nga vi na xikhomela; un'wana ni un'wana a a rhandze munhukulobye, kukota loko a tirhandza: Hi mina HOSI.

SWIVURISO 10:12
Rivengo ri pfuxa madzolonga, kambe rirhandzu ri endla leswaku vanhu va rivalelana.

GENESA 2:24
Leswi hi swona swi endlaka leswaku wanuna a siya tata wa yena ni mana wa yena, a ya namarhela nsati wa yena, va endla nyama yin'we.

2 TIMOTIYA 3:16
Matsalwa lawa hinkwawo ma huhutiwile hi Xikwembu, ma pfuna ku dyondzisa, ni ku laya, ni ku ololoxa, ni ku tolovetisa leswo lulama,

SWIVURISO 18:22
Ku kuma nsati, i nkateko, i ku tsakeriwa hi HOSI Xikwembu.

MATEWU 6:33
Rhangani mi tilavela Mfumo wa yena ni ku lulama ka yena, kutani sweswo hinkwaswo mi ta engeteleriwa swona.

TIPISALEMA 12:6-7
[6] Marito ya HOSI ma tengile, ma fana ni silivhere leyi tengisiweke hi ku swekiwa ka 7 embiteni leyi celeriweke ehansi.[7] We HOSI, hi sirhelele, hi lwele minkarhi hinkwayo eka vanhu va manguva lawa,

2 VAKORINTO 6:14
Mi nga rhwaleni mpingu wun'we ni lava nga riki vapfumeri; hikuva ku tirhisana ku kwihi exikarhi ka ku lulama ni ku homboloka xana? Kumbe ku vonakala ku ni ku yelana kwihi ni munyama ke?

MATEWU 19:5
Naswona Mutumbuluxi ú te: ‘Hikwalaho ka swona wanuna ú ta sukela tata wa yena ni mana wa yena, a namarhela nsati wa yena; kutani lavambirhi va ta va nyama yin'we ntsena.’

VARHOMA 4:22
hikwalaho ka mhaka leyi, ú hlayiwile la lulameke hi ku pfumela loku.

NHLAVUTELO 22:19
Ni loko un'wana a nga susa swin'wana eka marito ya vuhlavuteli bya buku leyi, Xikwembu xi ta n'wi sivela ku dya mihandzu ya murhi wa vutomi, ni ku tshama emutini lowo hlawuleka, swi nga swilo leswi hlamuseriweke ebukwini leyi.

SWIVURISO 27:22
Xiphukuphuku, hambi u nga xi kandza ni mavele etshurini, a xi nga pfuki xi hambane ni vuphukuphuku bya xona.

ESAYA 28:25
E-e! Loko a fayeterile mabuwu, ú haxa mbewu ya aneta ni ya kumini, kasi mbewu ya koroni yona u yi byala hi tinxaxa, a byala ni maxalana endhawini ya wona, a teka yin'wana mbewu, a yi byala lomu makumu ka nsimu.

EKSODA 30:34
Kutani HOSI Xikwembu xi ku ka Muxe: “Lava swinun'hweriso leswi: Murhi wa ‘sitakita’, ni wa ‘onika’, ni wa ‘galibanumi’, ni swinun'hweriso leswi cheriwaka eka murhi wa risuna lowo tenga, mirhi leyi hinkwayo yi va ya mpimo wun'we lowu ringanaka.

Tsonga Bible 1989
© Bible Society of South Africa. All rights reserved