A A A A A

God: [Blessing]


LUKA 6:38
Nyikani, mi ta nyikiwa; endzeni ka nkhancu lowu mi wu hakarhaka exifuveni, ku ta cheriwa mpimo lowu tivikanaka, lowu gandliweke, lowu hlunguhliweke, lowu khapaka; hikuva mpimo lowu mi pimelaka van'wana ha wona, mi ta pimeriwa ha wona na n'wina.”

MATEWU 5:4
Ku katekile lava rilaka, hikuva va ta chaveleriwa.

VAFILIPIYA 4:19
Kutani Xikwembu xa mina xi ta mi nyika hi ntalo hinkwaswo leswi mi swi pfumalaka, hi ku ya hi rifuwo ra xona ni ku dzuneka ka xona eka Kriste Yesu.

TIPISALEMA 67:7
Hakunene Xikwembu xi hi katekisile; hinkwako emisaveni, vanhu a va chave xona!

TINHLAYO 6:24-25
[24] “ ‘HOSI a yi mi katekise, yi mi hlayisa;[25] HOSI a yi mi amukele hi ku tsaka, yi mi twela vusiwana;

VAFILIPIYA 4:6-7
[6] Mi nga vileli ha nchumu; kambe etimhakeni hinkwato, khongelani, mi tivisa Xikwembu leswi mi swi pfumalaka, mi kombela mi ri karhi mi nkhensa;[7] kutani ku rhula ka Xikwembu loku tlulaka ku twisisa hinkwako, ku ta hlayisa timbilu ta n'wina ni mianakanyo ya n'wina eka Kriste Yesu.

YAKOBO 1:17
Nyiko yin'wana ni yin'wana leyo saseka ni minkateko hinkwayo leyi hetisekeke, swi ta hi le henhla, swi xika hi le ka Muvumbi wa leswi voningaka, loyi ku nga hava ku hundzuka-hundzuka eka yena, kumbe ku fularhela munhu a sala exinyamini.

YEREMIYA 17:7-8
[7] “Kambe ku katekile munhu loyi a ndzi tshembaka mina HOSI, loyi a tiseketelaka hi mina.[8] Ú fana ni murhi lowu milaka kusuhi ni nambu, lowu timitsu ta wona ti kumaka mati; murhi wa kona a wu chavi dyambu, matluka ya wona a ma vuni, enkarhini wa dyandza a wu omi, a wu tshiki ku veka mihandzu.

ESAYA 41:10
Mi nga chavi, hikuva ndzi na n'wina, mi nga rhurhumeli, hikuva ndzi Xikwembu xa n'wina; ndzi ta mi tiyisa, ndzi mi pfuna, ndzi mi hlulela valala hi voko ra mina.

YOHANE 1:16
Hikwalaho ka ntalo wa rifuwo ra yena, hi kumile hinkwerhu nyiko ya tintswalo hi ku khandzakanya,

GENESA 22:16-17
[16] yi ku: “HOSI yi ri: ‘Ndza hlambanya mina hi xiviri hikwalaho ka leswi u swi endleke: A wu alanga na n'wana wa wena loyi a ngo va un'we.[17] Hikokwalaho, ndzi ta ku katekisa, ndzi ku nyika vatukulu lavo tala ku fana ni tinyeleti etilweni ni sava eribuweni ra lwandle, va ta hlula ni valala va vona.

GENESA 27:28-29
[28] Xikwembu a xi ku wisele mberha yi huma ematilweni, xi ku nyika ni misava leyi noneke, ni mavele ni vhinyo leyo tala.[29] Vanhu a va ku tirhele, vamatiko a va ku nkhinsamele; Vamakwenu a va ve hansi ka wena, vana va mana wa wena a va ku nkhinsamele. Lava ku rhuketelaka, a va rhuketeriwe, lava ku katekisaka, a va katekisiwe.”

TIPISALEMA 1:1-3
[1] Ku katekile munhu loyi a nga amukeriki makungu ya lavo homboloka, loyi a nga landziki mikhuva ya vadyohi, loyi a nga dzumbiki ni lava sandzaka Xikwembu,[2] kambe a tsakela nawu wa HOSI, a wu anakanya vusiku ni nhlekanhi.[3] Ú fana ni murhi lowu mileke etlhelo ka mati lama khulukaka, lowu vekaka mihandzu ya wona hi nguva ya kona, lowu nga dzudzekiki matluka. Eka hinkwaswo leswi a swi endlaka, wa humelela.

TIPISALEMA 23:1-4
[1] We HOSI, u murisi wanga, ndzi nga ka ndzi nga pfumali nchumu.[2] U ndzi fikisa emadyelweni ya rihlaza, u ndzi yisa ematini layo tenga.[3] U hlayisa moya wa mina, u ndzi fambisa etindleleni leto lulama hikwalaho ka vito ra wena.[4] Ni loko ndzi nga famba enkoveni wa xinyami xo chavisa, a ndzi chavi nchumu xo biha, hikuva u na mina: Wa ndzi lwela ni ku ndzi hlayisa.

2 SAMIELE 22:3-4
[3] We Xikwembu, wena ribye ranga leri ndzi chavelaka eka rona, u xitlhangu xa mina, wena la nga ni matimba ya ku ndzi ponisa. U khokholo ra mina ni vutumbelo bya mina, wena muponisi wanga, wena u ndzi ponisaka eka vanhu va tihanyi.[4] A ku dzunisiwe HOSI! Ndzi huwelela yona, kutani ndzi ponisiwa eka valala ya mina.

1 YOHANE 5:18
Ha swi tiva leswaku un'wana ni un'wana la tswariweke hi Xikwembu, a nga ha tshameli ku dyoha, hikuva ú hlayisiwa hi N'wana wa Xikwembu, kutani Lowo biha a nga n'wi khumbi.

TIPISALEMA 138:7
Loko ndzi tikuma ndzi rhendzeriwe hi maxangu, wa ndzi biyelela we HOSI; ni loko valala va ndzi karihela, voko ra wena ra ndzi sirhelela ri ndzi lamulela.

2 VAKORINTO 9:8
Xikwembu xi ni matimba ya ku mi nyika hinkwaswo leswi mi swi pfumalaka, ni ku tlula kwalaho, mi ta kota ku pfuna entirhweni wihi ni wihi lowunene, hikuva minkarhi hinkwayo mi kuma leswi swi mi ringanaka hi matlhelo hinkwawo,

VAFILIPIYA 4:7
kutani ku rhula ka Xikwembu loku tlulaka ku twisisa hinkwako, ku ta hlayisa timbilu ta n'wina ni mianakanyo ya n'wina eka Kriste Yesu.

Tsonga Bible 1989
© Bible Society of South Africa. All rights reserved