Instagram
English
A A A A A

Bad Character: [Conflict]
VAHEVERU 10:32
Anakanyani masiku lama hundzeke lawa, kungateloko mi voningiwile, mi nga tiyisela eku lweni lokukulu ni le ku vavisekeni.

SWIVURISO 15:18
Munhu wa ximbilwa-mbilwana ú pfuxa madzolonga, kasi loyi a tiyiselaka swilo, ú miyeta ku holova.

SWIVURISO 16:28
Munhu wa mbilu yo biha, ú pfuxa madzolonga, loyi a hlevaka, ú lwisa vanghana.

SWIVURISO 28:25
La nga ni makolo, ú vanga madzolonga, kasi munhu loyi a tshembaka HOSI Xikwembu, ú ta dya a xurha.

MATEWU 18:15
“Loko makwenu a ku dyoherile, yana u ya n'wi komba ku hoxa ka yena, mi ri vambirhi ntsena; loko a ku yingisa, u ta va u vuyisile makwenu.

1 TIMOTIYA 3:15
leswaku loko ndzi tshuka ndzi hlwela, u ta swi kota ku tiva hilaha munhu a nga hanyaka hakona loko a ri endyangwini wa Xikwembu, yi nga kereke ya Xikwembu lexi hanyaka, mhandze leyikulu ni xiseketelo xa leswi nga ntiyiso.

YOHANE 8:32
naswona mi ta tiva ntiyiso, kutani ntiyiso wu ta mi ntshunxa.”

MATEWU 5:23-24
[23] Hikwalaho, loko u humesa mhamba ya wena alitarini, kutani u tsundzuka kwalaho leswaku makwenu ú ni mhaka na wena,[24] siya mhamba ya wena kwala alitarini, kutani u rhanga u ya rivalelana ni makwenu; hi kona u nga ta ta, u ta humesa mhamba ya wena.

YOHANE 6:54
Loyi a dyaka nyama ya nga ni ku nwa ngati ya nga, ú ni vutomi lebyi nga heriki, kutani mina ndzi ta n'wi pfuxa hi siku ra makumu.

MARKA 6:3
Xana yoloyi a hi yena muvatli, n'wana Mariya, ni makwa Yakobo, na Yosi, na Yuda, na Simoni ke? Xana vamakwavo va yena va xisati a hi na vona kwala ke?” Kutani va vilela swinene hikwalaho ka yena.

VAEFESA 5:25
N'wina vavanuna, rhandzani vasati va n'wina kukota leswi Kriste na yena a nga rhandza Kereke, kutani ú nyiketile vutomi bya yena hikwalaho ka yona.

VAHEVERU 12:14
Ringetani hi matimba ku hanya hi ku rhula ni vanhu hinkwavo, mi ringeta ni ku hlawuleka, hikuva ehandle ka ku hlawuleka a ku na munhu na un'we la nga ta vona Hosi.

MATEWU 18:15-17
[15] “Loko makwenu a ku dyoherile, yana u ya n'wi komba ku hoxa ka yena, mi ri vambirhi ntsena; loko a ku yingisa, u ta va u vuyisile makwenu.[16] Kambe loko a nga ku yingisi, teka vanhu vambirhi, kumbe un'we, leswaku mhaka hinkwayo yi tiyisiwa hi milomo ya timbhoni tinharhu, kumbe timbirhi.[17] Loko a ala ku va yingisa, byela nhlengeletano; loko a ala ku yingisa na yona nhlengeletano, eka wena a a kotise muhedeni ni muluvisi.

YAKOBO 5:16
Hikokwalaho, byelanani ku dyoha ka n'wina, mi khongelelana leswaku mi ta hanya. Xikhongelo xa munhu wo lulama xi ni matimba ngopfu, xa tirha.

VAGALATIYA 1:19
Kambe a ndzi vonananga na un'we wa vaapostola lavan'wana, ehandle ka Yakobo makwavo wa Hosi.

MALAKIYA 1:11
“Vito ra mina i rikulu exikarhi ka vanhu va misava hinkwayo; endhawini yin'wana ni yin'wana, vanhu va ndzi hisela mirhi ya risuna, va ndzi humesela magandzelo lama tengeke. Hakunene, vito ra mina i rikulu exikarhi ka vanhu va matiko hinkwawo. Ndzi vula sweswo, mina HOSI ya matimba hinkwawo.

VAFILIPIYA 1:30
Sweswi, n'wina na mina hi lwa nyimpi yin'we leyi mi ndzi voneke ndzi lwa yona, leyi mi twaka leswaku ndza ha lwa yona nisweswi.

VAKOLOSA 2:1
Ndzi lava leswaku mi tiva nyimpi leyikulu leyi ndzi yi lwaka hikwalaho ka n'wina va le Lawodikiya, ni hikwalaho ka hinkwavo lava va nga ndzi tiviki hi nghohe.

VARHOMA 12:18
Endlani hinkwaswo leswi mi swi kotaka, hi tlhelo ra n'wina, ku hanyisana ni vanhu hinkwavo hi ku rhula.

YOHANE 14:6
Yesu a ku ka yena: “Hi mina ndlela, ni ntiyiso, ni vutomi; a ku na munhu loyi a taka eka Tatana, loko ku nga ri ha mina.

SWIVURISO 15:1
Ku hlamula hi ndlela yo titsongahata, swi rheleta vukari, kasi ku karihela vanhu, swa byi pfurhisa.

VAEFESA 4:26
Loko mi tshuka mi hlundzuka, mi nga weli eku dyoheni; dyambu ri nga tshuki ri pela ma ha hlundzukile,

YAKOBO 1:19
Tivani leswi, vamakwerhu lava rhandzekaka: Munhu un'wana ni un'wana a a hatlise ku twa, a hlwela ku vulavula, a hlwela ku kariha.

MATEWU 5:9
Ku katekile lava tisaka ku rhula, hikuva va ta thyiwa vana va Xikwembu.

YOHANE 3:3-5
[3] Yesu a n'wi hlamula, a ku: “Ndzi tiyisisile ndzi ri ka wena, a ku na munhu la nga vonaka Mfumo wa Xikwembu, loko a nga tlhelanga a tswariwa ra vumbirhi.”[4] Nikodema a ku ka yena: “Loko munhu a dyuharile, swi nga endlekisa ku yini ku tlhela a tswariwa xana? Xana a nga swi kota ku vuyela endzeni ka mana wa yena, a tlhela a tswariwa ra vumbirhi xana?”[5] Yesu a hlamula, a ku: “Ndzi tiyisisile ndzi ri ka wena, loko munhu a nga tswariwi hi mati ni Moya, a nga ka a nga ngheni eMfun'weni wa Xikwembu.

YAKOBO 1:19-20
[19] Tivani leswi, vamakwerhu lava rhandzekaka: Munhu un'wana ni un'wana a a hatlise ku twa, a hlwela ku vulavula, a hlwela ku kariha.[20] Hikuva vukari bya munhu a byi yisi makungu layo lulama ya Xikwembu emahlweni.

VAGALATIYA 4:19
Vana vanga, ku fana na manana la nga kusuhi na ku veleka n'wana, ndzi twa ku vava nakambe hikwalaho ka n'wina, ku fikela loko xivumbeko xa Kriste xi vonaka exikarhi ka n'wina ...

MATEWU 16:18
Kwalaho ndzi ri ka wena: U ‘Petro’, kutani ehenhla ka ribye reri, ndzi ta aka kereke ya mina; kutani hambi wu ri ntamu wa rifu wu nga ka wu nga yi hluri.

MATEWU 18:15-18
[15] “Loko makwenu a ku dyoherile, yana u ya n'wi komba ku hoxa ka yena, mi ri vambirhi ntsena; loko a ku yingisa, u ta va u vuyisile makwenu.[16] Kambe loko a nga ku yingisi, teka vanhu vambirhi, kumbe un'we, leswaku mhaka hinkwayo yi tiyisiwa hi milomo ya timbhoni tinharhu, kumbe timbirhi.[17] Loko a ala ku va yingisa, byela nhlengeletano; loko a ala ku yingisa na yona nhlengeletano, eka wena a a kotise muhedeni ni muluvisi.[18] “Ndzi tiyisile ndzi ri ka n'wina, hinkwaswo leswi mi nga ta swi alela la misaveni, swi ta aleriwa ni le tilweni; ni hinkwaswo leswi mi nga ta swi pfumelela la misaveni, swi ta pfumeleriwa ni le tilweni.

VAEFESA 1:22-23
[22] Kutani Xikwembu xi vekile hinkwaswo ehansi ka minkondzo ya Kriste, xi tlhela xi n'wi nyika eka Kereke, a ri nhloko ya hinkwaswo.[23] Kereke i miri wa yena, yi hetiseka hikwalaho ka yena loyi a hetisisaka swilo hinkwaswo hi matlhelo hinkwawo.

VAEFESA 5:23-24
[23] Hikuva nuna i nhloko ya nsati wa yena, kukota leswi Kriste na yena a nga nhloko ya Kereke, naswona Kriste i muponisi wa Kereke, miri wa yena;[24] kutani, tanihi leswi Kereke yi titsongahataka eka Kriste, vavasati na vona a va titsongahate eka vanuna va vona, etimhakeni hinkwato.

TIMHAKA 4:32
Nhlengeletano ya lava pfumeleke a yi ri mbilu yin'we ni moya wun'we; a ku nga ri na munhu ni un'we loyi a a vula leswaku swilo leswi a nga na swona hambi xi ri xin'we xa swona, i swa yena ntsena; kambe swilo hinkwaswo a va ku, i swa vona hinkwavo.

1 VAKORINTO 1:10
Ndza mi khongotela vamakwerhu, hi vito ra Hosi ya hina Yesu Kriste, ndzi ri: Twananani hinkwenu eku vulavuleni. Ku nga tshuki ku va ni ku avana exikarhi ka n'wina, kambe mi hlangana mi va van'we eku anakanyeni ne makungwini ya n'wina;

YOHANE 12:48
La ndzi fularhelaka, kutani a nga amukeli marito ya mina, ú ni loyi a n'wi avanyisaka; i marito lawa ndzi ma vulaka lawa ma nga ta n'wi avanyisa hi siku ra makumu.

MATEWU 7:12
Hikokwalaho hinkwaswo leswi mi lavaka leswaku vanhu va mi endla swona, va endleni swona na n'wina, hikuva hi swona leswi dyondzisiwaka hi Nawu ni Vaprofeta.

YOHANE 14:28
Mi ndzi twile loko ndzi te eka n'wina: ‘Ndza famba, kutani ndzi ta tlhela ndzi vuya ndzi va na n'wina.’ Loko onge mi ndzi rhandzile, ingi mi tsakile hi leswi ndzi yaka eka Tatana, hikuva Tatana i nkulukumba ku tlula mina.

1 VATESALONIKA 2:2
Hambiloko hi rhange hi xanisiwa ni ku rhuketeriwa le Filipiya, hilaha mi swi tivaka hakona, Xikwembu xa hina xi hi nyikile matimba yo mi tivisa Evhangeli leyi humaka eka xona, hambileswi lavo tala a va ri karhi va lwa na yona.

1 VAKORINTO 13:4
Rirhandzu ra tiyisela, naswona ri ni tintswalo; rirhandzu a ri na mavondzo, a ri tinyungubyisi, a ri tikurisi;

VARHOMA 1:20
Hikuva hi mpfhuka misava yi tumbuluka, leswi nga vonakiki swa Xikwembu, ma nga matimba ya xona lama nga heriki ni vukwembu bya xona, swa vonaka swinene loko ku anakanyiwa mintirho ya xona; hikokwalaho, va hava xo tilandzula ha xona.

Russian Восточный Перевод (CARS) 2003
Central Asian Russian Scriptures (CARS) Copyright © 2003, 2009 by Biblica, Inc.®