A A A A A

Sins: [Lust]


EKSODA 20:14
“U nga tshuki u oswa.

TIPISALEMA 101:3
Ndzi nga ka ndzi nga veki leswo biha emahlweni ka mina; Ndza venga mitirho ya vadyohi; Yi nga ka yi nga ndzi namarheli,

MATEWU 5:28
Kambe mina ndzi ri eka n'wina: Munhu, hambi a nga va mani na mani, la langutaka wansati ku n'wi navela, u n'wi oswile embilwini ya yena.

1 VAKORINTO 6:13
“Swakudya, i swa khwiri, kutani khwiri i ra swakudya”; kambe Xikwembu xi ta herisa swona na rona.

2 TIMOTIYA 2:22
Kambe chava ku navela loko biha ka lavantshwa; kambe landza ku lulama, ni ku pfumela, ni rirhandzu, ni ku rhula swin'we ni lava khongelaka Hosi hi timbilu leto tenga.

1 YOHANE 2:16
Hikuva hinkwaswo swa la emisaveni, ku navela ka nyama, ni ku navela ka mahlo ni ku tidzunisa ka vutomi, a swi humi eka Tatana, kambe swi huma emisaveni.

SWIVURISO 6:25
U nga tshiki mbilu ya wena yi navela vubombi bya yena, U nga kokiwi hi tinxiye ta yena.

VAGALATIYA 5:16
Kambe ndzi ri: Fambani hi Moya, kutani mi nga ka mi nga tsakisi ku navela ka nyama;

VARHOMA 8:6
Hikuva ku rhandza ka nyama i rifu, kambe ku rhandza ka Moya, i vutomi ni ku rhula;

YAKOBO 1:14-15
[14] Kambe munhu un'wana ni un'wana u ringiwa hi ku navela ka yena, a ri karhi a kokiwa ni ku phasiwa hakona.[15] Kutani ku navela, loko ku xurhile, ku tswala xidyoho, kutani xidyoho, loko xi hetisekile, xi tswala rifu.

Tsonga Bible
© Bible Society of South Africa. All rights reserved