A A A A A

Sins: [Abortion]


1 VAKORINTO 1:27
kambe Xikwembu xi tihlawulele swihunguki swa misava, leswaku swi khomisa va vutlhari tingana; ni leswi tsaneke swa misava, Xikwembu xi tihlawulele swona, ku khomisa vamatimba tingana;

DEUTERONOMA 24:16
“Vatatana va nga ka va nga dlayeriwi vana, ni vana va nga ka va nga dlayeriwi vatatana; un'wana ni un'wana u ta dlayeriwa xidyoho xa yena.

DEUTERONOMA 30:19
“Namuntlha ndzi vitana tilo ni misava, ti va timbhoni ta mina emahlweni ka n'wina, leswaku ndzi vekile emahlweni ka wena vutomi ni rifu, ku kateka ni ku rhukana; hlawula vutomi leswaku u hanya, wena ni vatukulu va wena,

VAGALATIYA 1:15
Kambe siku swi tsakiseke Xikwembu lexi nga ndzi hlawula, ndza ha ri ekhwirini ra manana, xi va xi ndzi vitana hi tintswalo ta xona,

ESAYA 43:25
“Hi mina, hi mina ntsena loyi a hlangulaka ku dyoha ka wena hikwalaho ka mina, kutani ndzi nga ka ndzi nga ha anakanyi swidyoho swa wena.

ESAYA 44:24
U vula sweswo Yehovha, Mukutsuri wa wena, la ku vumbeke ekhwirini ra mana wa wena: “Hi mina Yehovha la endleke swilo hinkwaswo, la andlaleke matilo ni misava, ndzi ri ndzexe.

VAEFESA 1:7
ha yena hi ni ku kutsuriwa hi ngati ya yena, ku nga ku rivaleriwa ka ku dyoha ka hina hi rifuwo ra tintswalo ta xona,

EKSODA 4:11
Kutani Yehovha a ku eka yena: “I mani la endleke nomu wa munhu? Kumbe i mani la endlaka munhu mbheveve, kumbe lowo fa tindleve, kumbe la vonaka, kumbe lowo fa mahlo? Xana a hi mina Yehovha?

ESAYA 64:8
Kambe sweswi, o Yehovha, u tata wa hina; hina hi vumba, wena u loyi a hi vumbeke, hinkwerhu hi ntirho wa mavoko ya wena.

YEREMIYA 1:5
“Ndzi ku tivile ndzi nga si ku vumba ekhwirini ra mana wa wena, kambe u nga si huma enyimbeni, ndzi ku hlawurile, kutani ndzi ku vekile muprofeta wa matiko.”

TIPISALEMA 100:3
Mi pfumela leswaku yena Yehovha i Xikwembu! Hi yena la nga hi endla, a hi hina; Hi tiko ra yena, ni ntlhambi lowu a wu rixaka.

TIPISALEMA 127:3
Vonani, vana va xinuna, i ndzhaka ya Yehovha! Mbhandzu wa khwiri i hakelo.

LUKA 2:6-7
[6] Kakuloko va ha ri kona, masiku ya ku tika ka yena ma hela.[7] Kutani a veleka n'wana wa yena wa mativula, wa wandzisanyana; a n'wi phutsela hi nguvu, a n'wi lata exidyelweni, hikuva a va nga ri na byetlelo endlwini ya vaendzi.

VAEFESA 1:3-4
[3] A ku khensiwe Xikwembu, Tata wa Hosi ya hina, Yesu Kriste, lexi nga hi katekisa hi ku kateka hinkwako ka Moya eka Kriste, ematilweni ya le henhla,[4] hilaha xi hi hlawuleke eka yena, loko misava yi nga si tumbuluka, leswaku hi kwetsima, kutani hi pfumala xisandzu emahlweni ka xona,

1 VAKORINTO 6:19-20
[19] Xana a mi swi tivi leswaku miri wa n'wina i tempele ya Moya lowo Kwetsima, lowu nga kona eka n'wina, lowu mi wu nyikiweke hi Xikwembu,[20] ni leswaku a mi tifumi? Hikuva mi kutsuriwile hi nxavo lowo nonon'hwa; dzunisani Xikwembu hakona emirini wa n'wina, ni le moyeni wa n'wina leswi nga swa Xikwembu.

ESAYA 45:9-11
[9] “Khombo eka loyi a kanetanaka ni muvumbi wa yena! Yi ri mbita exikarhi ka timbita! Xana vumba byi ta ku eka muvumbi: ‘U endla yini?’ Xana lexi u xi tirhaka xi ta ku: ‘U hava mavoko’?[10] Khombo eka la byelaka tata wa yena: ‘U ndzi velekele yini-ke?’ ni ka mana wa yena: ‘U ndzi tswalele yini-ke?’[11] Ku vula sweswo Yehovha, Muhlawuriwa wa Israele ni mutumbuluxi wa yena: ‘Xana va ta ndzi vutisa leswi nga ta ta? Xana mi ta ndzi lerisa swa vana va mina ni swa ntirho wa mavoko ya mina?

EKSODA 21:22-25
[22] “Loko vanhu va lwa, kutani va wisa wansati la tikeke, loko a humeriwa hi khwiri, kambe a nga fi, u ta rihiwa hi hakelo leyi nga ta vekiwa hi nuna wa yena; u ta rihiwa emahlweni ka vaavanyisi.[23] Kambe loko wansati a fa, u ta riha vutomi hi vutomi,[24] tihlo hi tihlo, tino hi tino, voko hi voko, nenge hi nenge,[25] ku tshwa hi ku tshwa, mbanga hi mbanga, mimpfembeti hi mimpfembeti.

TIPISALEMA 139:13-16
[13] Kunene hi wena la vumbeke xisuti xa mina, U ndzi vumbile ekhwirini ra manana.[14] Ndza ku khensa hikwalaho ka mahlori ya xivumbeko xa mina. Mitirho ya wena ya hlamarisa, Moya wa mina wa swi tiva swinene ngopfu.[15] Miri wa mina a wu fihliwanga ka wena, Loko ndzi ri karhi ndzi vumbiwa exihundleni, Ndzi lukeleriwa swirho eku enteni ka misava.[16] Mahlo ya wena ma vonile ku vumbiwa ka swona, Kutani masiku ya mina ma tsariwile hinkwawo ebukwini ya wena; Ma hlayiwile ma nga si va kona.

LUKA 1:41-44
[41] Kuteloko Elizabeta a twa ku xeweta ka Mariya, n'wana a tshukatshuka ekhwirini ra yena, kutani Elizabeta a tala Moya lowo Kwetsima, a tlakusa rito, a ku:[42] “U katekile xikarhi ka vavasati, ku katekile ni n'wana la nga ekhwirini ra wena.[43] Swi endlise ku yini leswaku mana wa Hosi yanga a ta eka mina xana?[44] Hikuva kakuloko rito ra ku xeweta ka wena ri fika etindleveni ta mina, n'wana a tshukatshuka hi ku tsaka ekhwirini ra mina.

EKSODA 20:1-13
[1] Kutani Xikwembu xi vulavula marito walawo hinkwawo, xi ku:[2] “Hi mina Yehovha, Xikwembu xa wena la ku humeseke etikweni ra Egipta endlwini ya vukhumbi.[3] “U nga tshuki u va ni swikwembu swin'wana emahlweni ka mina.[4] “U nga tshuki u tiendlela xifaniso lexi vatliweke, ni loko xi ri xifaniso xihi ni xihi xa swilo leswi nga ehenhla etilweni, ni loko xi ri xa swilo leswi nga ehansi emisaveni, ni loko xi ri xa swilo leswi nga ematini, ehansi ka misava;[5] u nga tshuki u swi khinsamela, ni loko ku ri ku swi tirhela; hikuva hi mina Yehovha, Xikwembu xa wena, xa rilaveta, lexi baka vana hikwalaho ka ku homboloka ka vatswari va vona, ku yisa erixakeni ra vunharhu ni ra vumune eka lava ndzi vengaka;[6] kambe ndzi tsetselela lava ndzi rhandzaka, lava hlayisaka milawu ya mina ku yisa erixakeni ra khume ra madzana.[7] “U nga tshuki u tlanga hi vito ra Yehovha Xikwembu xa wena, hikuva Yehovha a nga ka a nga tshiki nandzu wa la tlangaka hi vito ra yena.[8] “Anakanya siku ra ku wisa ku ri hlawulekisa.[9] U ta tirha hi masiku ya ntlhanu na rin'we, u tirha ntirho wa wena hinkwawo;[10] kambe siku ra vuntlhanu na mambirhi, i siku ro wisa ra Yehovha, Xikwembu xa wena. U nga tshuki u tirha ntirho ni wun'we hi siku lero, hambi u ri wena, hambi a ri n'wana wa wena wa wanuna, kumbe wa wansati; hambi a ri nandza wa wena wa wanuna, kumbe wa wansati; hambi swi ri swifuwo swa wena, hambi a ri muendzi wa wena la nga emutini wa wena.[11] Hikuva hi masiku ya ntlhanu na rin'we, Yehovha u endle tilo ni misava, ni lwandle, ni swilo hinkwaswo leswi nga eka swona; kambe u wisile hi siku ra vuntlhanu na mambirhi. Hikwalaho Yehovha a nga katekisa siku ra ku wisa, a va a ri hlawulekisa.[12] “Xixima tata wa wena ni mana wa wena, leswaku masiku ya wena ma engeteriwa emisaveni leyi u yi nyikiwaka hi Yehovha, Xikwembu xa wena.[13] “U nga tshuki u dlaya.

Tsonga Bible
© Bible Society of South Africa. All rights reserved