A A A A A

Math Signs: [Number 7]


2 TIHOSI 5:10
Kutani Elixa a n'wi rhumela munhu, a ku eka yena: “Famba u ya hlamba kantlhanu na kambirhi enambyeni wa Yordani, nyama ya wena yi ta hanya, u ta tenga.”

DEUTERONOMA 5:12
“ ‘Anakanya siku ra ku wisa ku ri hlawula, hilaha Yehovha Xikwembu xa wena, xi ku leriseke hakona.

EKSODA 22:30
U ta endlisa sweswo hi homu ya wena, ni nyimpfu ya wena; swi ta tshama ni vamana wa swona hi masiku ya ntlhanu na mambirhi; hi siku ra vuntlhanu na manharhu, u ta ndzi nyika swona.

YOHANE 6:35
Yesu a ku eka vona: “Hi mina vuswa bya vutomi; la taka eka mina, a nga ka a nga twi ndlala, ni la pfumelaka eka mina a nga ka a nga twi torha, ni siku ni rin'we.

MATEWU 26:26
Va ko va ha dya, Yesu a teka xinkwa, kuteloko a khensile, a xi phema, a nyika vadyondzisiwa va yena, a ku: “Tekani mi dya, leswi i miri wa mina.”

TINHLAYO 4:7
Va ta funengeta tafula ra xikombiso hi nguvu ya xivunguvungu, va veka ehenhla ka rona mikambana, ni mindzheko, ni mikamba, ni makhuwana ya ku xuva; swinkwa swa masiku swi ta va ehenhla ka rona;

YOXUWA 6:3-4
[3] Fambani, mi rhendzelekela muti, n'wina vavanuna hinkwenu lami hlomeke, mi rhendzelekela muti kan'we hi ku famba ematlhelweni hinkwawo: u ta endlisa sweswo hi masiku ya 6.[4] Vaprista va 7 va ta rhwala tinanga ta 7 leti pfumaka emahlweni ka areka; siku ra 7 mi ta rhendzelekela muti kantlhanu na kambirhi; kutani vaprista va ta yimba tinanga.

GENESA 2:1-3
[1] Hi kona ku endliwa ka matilo ni misava ni swilo hinkwaswo swa swona.[2] Kutani hi siku ra ntlhanu na mambirhi, Xikwembu xi heta ntirho hinkwawo lowu xi nga wu endla; kutani hi siku ra ntlhanu na mambirhi, xi wisa entirhweni hinkwawo lowu xi wu endleke.[3] Xikwembu xi katekisa siku ra ntlhanu na mambirhi, xi ri hlawula, hikuva hi siku lero, xi wisile entirhweni hinkwawo wa xona, lowu xi nga wu tumbuluxa hi ku wu tirha.

GENESA 9:12-16
[12] Kutani Xikwembu xi ku: “Hi wona mfungho wa ntwanano lowu ndzi wu tiyisaka exikarhi ka mina na n'wina, ni nyama yin'wana ni yin'wana leyi hanyaka leyi nga na n'wina, eka mikarhi leyi nga heriki,[13] ndzi ri ndzi ta tlhoma nkwangulatilo wa mina emapapeni, kutani xi ta va xikombiso xa ntwanano lowu nga exikarhi ka mina ni misava.[14] Ndzi ta ku loko ndzi hlengeleta mapapa ehenhla ka misava, nkwangulatilo wu ta humelela epapeni;[15] kutani ndzi ta tsundzuka ntwanano wa mina lowu nga exikarhi ka mina na n'wina, ni leswi hanyaka hinkwaswo swa nyama yin'wana ni yin'wana, leswaku mati ma nga ha engeti ma hundzuka ndhambi leyi lovisaka swivumbiwa swa tinxaka hinkwato.[16] Nkwangulatilo wu ta va kona epapeni, kutani ndzi ta wu vona, ndzi tsundzuka ntwanano lowu nga riki na ku hela, lowu nga kona exikarhi ka Xikwembu ni leswi hanyaka hinkwaswo swa nyama yin'wana ni yin'wana leyi nga emisaveni.”

Tsonga Bible
© Bible Society of South Africa. All rights reserved