Instagram
English
A A A A A

Life: [Temptation]
YAKOBO 1:13-18
[13] Ku nga tshuki ku va na munhu loyi, kungakuloko a ringiwa, a ku: “Ndzi ringiwa hi Xikwembu,” hikuva Xikwembu a xi ringiwi hi ku biha hikwalaho, na xona, a xi ringi munhu.[14] Kambe munhu un'wana ni un'wana u ringiwa hi ku navela ka yena, a ri karhi a kokiwa ni ku phasiwa hakona.[15] Kutani ku navela, loko ku xurhile, ku tswala xidyoho, kutani xidyoho, loko xi hetisekile, xi tswala rifu.[16] Mi nga tshuki mi tixisa, vamakwerhu lava rhandziwaka;[17] ku nyika hinkwako loku sasekeke, hambi ku ri ku ha hinkwako loku hetisekeke, ku ta hi le henhla, ku xika hi le ka Tata wa ku vonakala, loyi a nga riki na ku hundzuka, hambi wu ri ndzhutinyana kona.[18] Hi ku rhandza ka yena, u hi velekile hi rito leri tiyeke, leswaku hi va swirhangana swa swivumbiwa swa yena.

LUKA 22:40
Kuteloko va fikile kona, a ku eka vona: “Khongelani leswaku mi nga ngheni emiringweni.”

YOHANE 8:6
Va vurisa sweswo ku n'wi ringa, ni ku kuma leswi va nga ta n'wi hehla ha swona. Kambe Yesu a korhama a tsala ehansi hi ritiho.

MATEWU 6:13
U nga hi yisi emiringweni, kambe u hi lwela eka lowo biha.’

LUKA 11:4
Hi rivalele milandzu ya hina, hikuva na hina hi rivalela hinkwavo lava hi dyoheleke: U nga hi yisi emiringweni.’ ”

LUKA 4:13
Diyavulosi, kuteloko a hetile ndzingo hinkwawo, a n'wi tshika, nkarhi wun'wana wu kondza wu fika.

1 VAKORINTO 7:2
Kambe, hikwalaho ka vuoswi, wanuna un'wana ni un'wana a a ve ni nsati wa yena, ni wansati un'wana ni un'wana a a ve ni nuna wa yena.

1 VAKORINTO 10:13
A mi si humelela hi ndzingo lowu nga ringaniki munhu. Kambe Xikwembu xa tshembeka, xi nga ka xi nga pfumeri leswaku mi humeleriwa hi ndzingo lowu mi hlulaka; kambe ndzingo, loko wu ri kona, xi ta mi nyika ni ndlela ya ku huma eka wona, mi ta kota ku wu rhwala.

MATEWU 4:7
Yesu a ku eka yena: “Ku tsariwile kambe va ku: ‘U nga tshuki u ringa Hosi, Xikwembu xa wena.’ ”

MARKA 8:11
Kavaloko Vafarisi va huma, va sungula ku kanetana na yena, va kombela masingita lama humaka etilweni, ku n'wi ringa.

MATEWU 22:18
Kambe Yesu, hi ku tiva mona wa vona, a ku: “Mi ndzi ringela yini, n'wina vakanganyisi?

SWIVURISO 7:25-26
[25] Mbilu ya wena yi nga hambukeli endleleni ya yeloyi, U nga lahleki emitileni ya yena.[26] Hikuva lava tlhaviweke u va wisile lavo tala, Lava a va dlayeke a ti ri tinhenha leto tala.

YAKOBO 4:1-4
[1] Ku lwa ku huma kwihi exikarhi ka n'wina, ni ku hambana ku huma kwihi xana? Xana a ku humi eku naveleni ka n'wina loku lwaka eswirhweni swa n'wina?[2] Ma navela, kambe a mi na nchumu; ma dlaya, mi ni mona, kambe a mi swi koti ku kuma nchumu; mi ni ku hambana ni ku lwa, kambe a mi na nchumu, hikuva a mi komberi;[3] ma kombela, kambe a mi nyikiwi, hikuva mi kombela hi mukhuva lowo biha, leswaku mi ta kuma swa ku korwisa ku navela ka n'wina.[4] Vavanuna ni vavasati va vuoswi, xana a mi swi tivi leswaku ku rhandza ka misava i ku venga Xikwembu xana? Hikwalaho, mani na mani la tinyiketaka eku rhandzeni ka misava u tiendla nala wa Xikwembu.

1 PETRO 4:12
Varhandziwa, mi nga hlamaleni loko ku ri ni ndzilo exikarhi ka n'wina ku ta mi ringa; kukota loko ngi mi humeleriwe hi timhaka leto hlamarisa;

2 PETRO 2:9
naswona, Hosi yi tiva ku kutsula emiringweni lava nga ni xichavo, ni ku hlayisela lavo homboloka ku biwa hi siku ra ku avanyisa;

VAGALATIYA 4:14
kutani a mi ndzi solanga, a mi ndzi alelanga hikwalaho ka miringo ya mina leyi nga enyameni ya mina; kambe mi ndzi amukerile kukotisa ntsumi ya Xikwembu, ni kukotisa Yesu Kriste.

1 VATESALONIKA 3:5
Ndzi ri, hikwalaho ka ku hluriwa hi ku navela, ndzi rhumile Timotiya, a ta tiva timhaka ta ku pfumela ka n'wina; hi ku chava leswaku kumbe muringi u mi ringile, kutani mitirho ya hina yi hundzuke swahava.

1 TIMOTIYA 5:8
Loko un'wana a nga hlayisi varikwavo, ngopfu va yindlu ya yena, u landzurile ku pfumela, u tlula hi ku biha la nga pfumeriki.

1 TIMOTIYA 6:9
Kambe lava rhandzaka ku fuwa, va wela emiringweni, ni le ntlhan'wini, ni le ku naveleni loko tala ka vuphukuphuku loku onhaka, loku nwerisaka vanhu eku loveni ni le ku lahlekeni.

Tsonga Bible
© Bible Society of South Africa. All rights reserved