A A A A A

Life: [Health]


1 VAKORINTO 6:19-20
[19] Xana a mi swi tivi leswaku miri wa n'wina i tempele ya Moya lowo Kwetsima, lowu nga kona eka n'wina, lowu mi wu nyikiweke hi Xikwembu,[20] ni leswaku a mi tifumi? Hikuva mi kutsuriwile hi nxavo lowo nonon'hwa; dzunisani Xikwembu hakona emirini wa n'wina, ni le moyeni wa n'wina leswi nga swa Xikwembu.

3 YOHANE 1:2
Murhandziwa, ndzi rhandza leswaku u kateka etimhakeni hinkwato, u tsaka emirini wa wena, kukotisa leswi moya wa wena wu tsakeke.

1 VAKORINTO 10:31
Kambe hambi mi dya, hambi mi nwa, hambi mi endla yini na yini, endlani hinkwaswo ku dzunisa Xikwembu.

1 TIMOTIYA 4:8
Hikuva ku titiyisa emirini swa pfunanyana; kambe vukhongeri byi pfuna hinkwako, byi ni ku tshembisa ka vutomi bya sweswi ni ka lebyi nga ta ta.

SWIVURISO 17:22
Mbilu leyi tsakeke i murhi lowu tiyisaka, Kasi moya lowu dyaka mbitsi wu omisa marhambu.

SWIVURISO 31:17
U tiboha xifungha hi matimba, U tiyisa mavoko ya yena.

VAEFESA 5:18
Kutani mi nga tshuki mi pyopyiwa hi vhinyo, hikuva yi ni vuhunguki, kambe mi tala Moya,

SWIVURISO 20:1
Vhinyo i musandzi, byalwa i pongo, Hinkwavo lava tinyiketaka ka swona a va na vutlhari.

DEUTERONOMA 7:12-15
[12] “Kungakuloko mi yingisa ku lerisa loku, ni loko mi ku hlayisa, ni loko mi endla hakona, Yehovha, Xikwembu xa wena, u ta ku hlayisela ntwanano ni tintswalo, leswi a swi hlambanyeleke vatata wa wena;[13] u ta ku rhandza, a ku katekisa, a ku andzisa, u ta katekisa vana va khwiri ra wena, ni mihandzu ya masimu ya wena, ni mavele ya wena, ni swakunwa swa wena, ni mafurha ya wena, ni ku tswala ka tihomu ni tinyimpfu ta wena, emisaveni leyi a hlambanyeleke vatata wa wena ku ku nyika yona.[14] U ta tlula hi ku kateka matiko hinkwawo; ku nga ka ku nga vi na mhika eka rikwenu, hambi a ri wanuna, hambi wansati, hambi swi ri swifuwo emitlhambini ya wena.[15] Yehovha u ta hlongola vuvabyi hinkwabyo ekule na wena; a nga ka a nga ku vavisi hi xin'we xa swivabyi leswo biha swa Egipta, leswi u swi tivaka, kambe u ta vavisa ha swona hinkwavo lava ku vengaka.

YEREMIYA 33:6
Vona, ndzi ta wu bohelela ndzi wu wongola, ndzi va horisa, ndzi va nyika ndzalo ya ku rhula, ni yo tsaka;

TIMHAKA 27:34
Ndza mi khongotela leswaku mi dya swakudya; hi swona leswi mi fanekelaka leswaku mi hanya; hikuva a ku na un'we eka n'wina la nga ta lahlekeriwa hi nsisi, hambi wu ri wun'we, wa nhloko ya yena.”

DEUTERONOMA 28:53
Eku hlaseleni ni le ku xanisekeni loku valala va wena va nga ta ku xanisa hakona, u ta dya mihandzu ya khwiri ra wena, yi ri nyama ya vana va wena va varisanyana ni va vanhwanyana lava Yehovha, Xikwembu xa wena, a nga ta ku nyika vona.

LEVHITIKA 11:1-4
[1] Yehovha a byela Muxe na Aroni, a ku eka vona:[2] “Byelani vana va Israele, mi ku: ‘Swifuwo leswi mi nga ta swi dya exikarhi ka swifuwo hinkwaswo leswi nga la emisaveni hi leswi:[3] Leswi hanyaka hinkwaswo leswi nga ni swinyondzwana, ni leswi hlampfunhaka, mi ta dya swona.[4] Kambe leswi mi nga ka mi nga swi dyi, hi leswi: leswi hlampfunhaka ntsena, ni leswi nga ni swinyondzwana ntsena, kukota kamela leyi hlampfunhaka kambe a yi na swinyondzwana; ya yila eka n'wina;

NHLAVUTELO 14:12
Hilaha ku nga kona ku tiyisela ka vakwetsimi, va nga lava hlayisaka ku lerisa ka Xikwembu, ni ku pfumela eka Yesu.

SWIVURISO 16:24
Marito yo saseka i xihlenga xa vulombe, Ma tsakisa moya, ma hanyisa marhambu.

SWIVURISO 4:20-22
[20] N'wananga, yingisisa marito ya mina, U xiya timhaka ta mina.[21] Ti nga suki emahlweni ya wena, U ti hlayisa embilwini ya wena;[22] Hikuva i vutomi eka hinkwavo lava ti kumaka, I ku tsaka ka miri hinkwawo wa vona.

SWIVURISO 3:7-8
[7] U nga tivoni vutlhari, Chava Yehovha, u papalata swo biha;[8] Wu ta va murhi enkaveni wa wena, Ni mongo emarhambyini ya wena.

EKSODA 15:26
“Loko u yingisa rito ra Yehovha, Xikwembu xa wena, u endla leswi lulameke emahlweni ka yena, loko u rhiya ndleve eku leriseni ka yena, kutani u hlayisa milawu ya yena hinkwayo, ndzi nga ka ndzi nga ku tiseli makhombo lama nga wela Vaegipta; hikuva hi mina Yehovha muongori wa wena.”

Tsonga Bible
© Bible Society of South Africa. All rights reserved