Instagram
English
A A A A A

Life: [Guilt]
VAHEVERU 10:22
a hi tshineleleni hi mbilu leyinene, ni ku pfumela loku hetisekeke, timbilu ta hina ti basisiwile, ti nga ha ri na mapfalo layo biha,

YAKOBO 2:10
Hikuva mani na mani la nga ta hlayisa milawu hinkwayo, kambe a khunguvanyeka eka wun'we, u ta va ni nandzu wa hinkwayo.

VAHEVERU 10:2
Loko swi nga ri tano, xana ingi va nga tshikanga ku ma humesa, hikuva vagandzeri lava ngi va hlantswiwile kan'we va nga ka va nga ha vi na ripfalo ra swidyoho swa vona.

DEUTERONOMA 5:17
“ ‘U nga tshuki u dlaya.

TIPISALEMA 32:1-6
[1] Ku katekile munhu loyi ku rivaleriweke ku dyoha ka yena, Loyi swidyoho swa yena swi funengetiweke![2] Ku katekile munhu loyi Yehovha a nga n'wi hlayeriki ku biha ka yena, Loyi ku nga riki na mano embilwini ya yena![3] Loko ndzi miyerile, marhambu ya mina a ma gudlagudla, Hi ku konya ka mina hi siku hinkwaro.[4] Hikuva nhlekanhi ni vusiku voko ra wena ri tshama ri ndzi tikela, Matimba ya mina ma hundzuka ku oma ka ximumu.[5] Ndzi ku tivisile xidyoho xa nga, A ndzi fihlanga ku homboloka ka nga; Ndzi te: “Ndzi ta tivula ka Yehovha ku dyoha ka mina,” Kutani u hlangurile nandzu wa xidyoho xanga.[6] Hikwalaho, un'wana ni un'wana la ku rhandzaka U ta ku khongela hi nkarhi lowu u kumiwaka ha wona; Hambi mati lamakulu loko ma hundza, ma nga ka ma nga n'wi fikeri.

YEREMIYA 51:5
Hikuva Israele na Yuda a va tshikiwanga hi Xikwembu xa vona, a nga Yehovha wa tinyimpi; kutani tiko ra Vakalediya ri tele milandzu emahlweni ka Mukwetsimi wa Israele.

HOSIYA 5:15
Ndzi ta suka, ndzi tlhelela exivandleni xa mina, ndzi tshama kona, va kondza va titwa swidyoho swa vona, va lava mombo wa mina. Ekhombyeni ra vona, va ta ndzi lava.

LEVHITIKA 5:14-19
[14] Yehovha a byela Muxe, a ku:[15] “Loko munhu a endla xilo lexi nga faneriki, a dyoha ku nga ri ha vomu, hi ku tshama ni xilo lexi hlawuleriweke Yehovha, u ta tisela Yehovha gandzelo ra ku riha; ri va khuna leri nga riki na xivati, leri hlawuriweke entlhambini, leri u ri ringaniseke hi mali ya tixikele, hi mpimo wa xikele ya vukwetsimelo; hi rona gandzelo ra ku riha.[16] U ta humesa mali ya lexi a xi tekeke xi ri xa vukwetsimelo; kambe a engetela hi vuntlhanu bya swona, a swi nyika muprista; kutani muprista u ta n'wi phahlela mhamba hi khuna leri humesiwaka ku va gandzelo ra ku riha, kutani u ta rivaleriwa.[17] “Loko munhu a dyohile, a endle xilo lexi nga pfumeleriwiki hi nawu wa Yehovha, kambe a nga swi tivi, u ta va ni nandzu, u ta rhwala nandzu wa yena.[18] U ta tisela muprista ku riha nandzu wa yena, khuna leri nga riki na xivati, leri hlawuriweke entlhambini wa yena, leri u ri ringaniseke; muprista u ta n'wi phahlela mhamba hikwalaho ka nandzu lowu a nga wu kuma a nga swi tivi, kutani u ta rivaleriwa.[19] Hi rona gandzelo ra ku riha, ra munhu loyi u dyoheleke Yehovha.”

LEVHITIKA 7:1-10
[1] “ ‘Nawu wa gandzelo ra ku riha hi wolowo: i xilo lexi kwetsimaka ngopfu.[2] Exivandleni lexi va tlhavaka timhamba leti hisiwaka, hi kona ku nga ta tlhaviwa xifuwo xa mhamba ya ku riha; va ta xuva ematlhelo ya alitari hi ngati ya yona,[3] va pambula mafurha hinkwawo, ni ncila, ni mafurha ya mpambana,[4] ni tinswo timbirhi, ni mafurha ya tona lama namarheleke ematsheveni, ni mpambana wa xivindzi, wona, va ta wu tsema kusuhi ni tinswo.[5] Muprista u ta swi hisa ealitarini, ri va gandzelo leri hiseriwaka Yehovha. I mhamba ya ku riha.[6] Vavanuna hinkwavo va vaprista va ta dya yona. Va ta yi dya exivandleni lexo kwetsima; i xilo lexi kwetsimaka ngopfu.[7] Mhamba ya ku riha ya fana ni mhamba ya nandzu; yi ni nawu wun'we na yona. Xifuwo xa mhamba xi ta va xa muprista la nga tirha ntirho egandzelweni.[8] “ ‘Muprista la tlhaveke xifuwo xa gandzelo leri hisiwaka, u ta tshama ni dzovo ra xifuwo lexi a nga xi tlhava.[9] Swilo hinkwaswo swa magandzelo leswi nga swekiwa exitikweni, hambi ku ri embiteni, hambi ku ri exirhengeleni, swi ta va swa muprista la tirhaka egandzelweni.[10] Kambe mihlengo hinkwayo leyi nga pfuviwa hi mafurha, hambi yi ri leyi omeke, yi ta va ya vana hinkwavo va Aroni, ku nga hlawuriwi.

GENESA 26:10
Abimeleke a ku: “U hi endlile yini? Kungakuloko ngi un'wana a teke nsati wa wena, i ngi u hi kokele enandzwini.”

TINHLAYO 5:5-10
[5] Yehovha a byela Muxe, a ku:[6] “Byela vana va Israele, u ku: ‘Loko munhu a dyohele warikwavo, hambi a ri wanuna, hambi a ri wansati, u dyohele na yena Yehovha; ni loko munhu loyi a ri ni nandzu wa xilo xihi ni xihi,[7] u ta tivula nandzu wa yena kutani u ta tlherisela swilo hinkwaswo leswi a swi kumeke, ku nga ri hi ku lulama, a swi engetela hi ku avanyisa ka vuntlhanu, a nyika loyi a n'wi dyeleteke.[8] Kutakuloko munhu loyi a nga ri na mudyandzhaka la tivaka ku amukela swilo leswi dyeletiweke, swi ta nyikiwa Yehovha, eka muprista, swin'we ni khuna ra ku riha, leri va nga ta phahlela lowa nandzu mhamba ha rona.[9] Hinkwaswo leswi pamburiweke eka swilo leswi hlawuriweke, leswi vana va Israele va swi tisaka eka muprista, swi ta va swa yena.[10] Swilo leswi hlawuriweke swa un'wana ni un'wana swi ta va swa yena; leswi nyikiweke muprista, swi ta va swa yena.’ ”

LEVHITIKA 5:1-5
[1] “ ‘Loko munhu a hlambanyile a ri mbhoni, kutani loyi a nga mbhoni la hlambanyisiweke loko a nga vuri leswi a swi voneke, kumbe leswi a swi tivaka, u ta rhwala nandzu wa yena.[2] Kumbe loko munhu a khumba a nga swi tivi, xilo lexi yilaka, kukotisa ntsumbu wa xiharhi, hambi wu ri ntsumbu wa xifuwo, hambi wu ri ntsumbu wa xikokovi, u tinyamisile, u ni nandzu.[3] Loko munhu a khumbile a nga swi tivi thyaka ra munhu, hambi ri ri rihi ni rihi leri nyamisaka, kutakuloko u swi tiva, u ni nandzu.[4] Loko munhu a tiboha ntsena hi nomu, kutani a hlambanya leswaku a ta endla swo biha kumbe swo saseka hi mukhuva wokari ni wokari, hambi a nga swi tivanga; kutakuloko a swi tiva; u ni nandzu.[5] Munhu loyi a nga ni nandzu lowo tano, u ta tivula nandzu wa yena;

LEVHITIKA 5:15-16
[15] “Loko munhu a endla xilo lexi nga faneriki, a dyoha ku nga ri ha vomu, hi ku tshama ni xilo lexi hlawuleriweke Yehovha, u ta tisela Yehovha gandzelo ra ku riha; ri va khuna leri nga riki na xivati, leri hlawuriweke entlhambini, leri u ri ringaniseke hi mali ya tixikele, hi mpimo wa xikele ya vukwetsimelo; hi rona gandzelo ra ku riha.[16] U ta humesa mali ya lexi a xi tekeke xi ri xa vukwetsimelo; kambe a engetela hi vuntlhanu bya swona, a swi nyika muprista; kutani muprista u ta n'wi phahlela mhamba hi khuna leri humesiwaka ku va gandzelo ra ku riha, kutani u ta rivaleriwa.

LEVHITIKA 4:2-3
[2] “Byela vana va Israele, u ku: ‘Loko munhu a tlula wun'wana wa milawu ya Yehovha ku nga ri ha vomu, eswilweni leswi nga faneriki ku endliwa, ni loko a endlile xin'wana xa swona:[3] Loko a ri muprista la kwetsimisiweke hi mafurha loyi a dyoheke, a tisele tiko nandzu hikwalaho ka xidyoho lexi a xi endleke, u ta humesela Yehovha nkunzi leyi nga riki na xivati, ri va gandzelo ra nandzu.

LEVHITIKA 4:13
“ ‘Kungakuloko nhlengeletano hinkwayo ya Israele yi dyohile ku nga ri ha vomu, ni loko mhaka leyi, yi nga tiviwi hi nhlengeletano, loko va tlurile wun'wana wa milawu ya Yehovha hi ku endla xin'wana xa swilo leswi nga faneriki ku endliwa, kutani va tilavele nandzu;

LEVHITIKA 4:27
“ ‘Loko a ri munhu ntsena la nga dyoha ku nga ri ha vomu, a tlule nawu wun'wana wa Yehovha hi ku endla leswi nga faneriki ku endliwa, u ni nandzu;

TIPISALEMA 32:1-5
[1] Ku katekile munhu loyi ku rivaleriweke ku dyoha ka yena, Loyi swidyoho swa yena swi funengetiweke![2] Ku katekile munhu loyi Yehovha a nga n'wi hlayeriki ku biha ka yena, Loyi ku nga riki na mano embilwini ya yena![3] Loko ndzi miyerile, marhambu ya mina a ma gudlagudla, Hi ku konya ka mina hi siku hinkwaro.[4] Hikuva nhlekanhi ni vusiku voko ra wena ri tshama ri ndzi tikela, Matimba ya mina ma hundzuka ku oma ka ximumu.[5] Ndzi ku tivisile xidyoho xa nga, A ndzi fihlanga ku homboloka ka nga; Ndzi te: “Ndzi ta tivula ka Yehovha ku dyoha ka mina,” Kutani u hlangurile nandzu wa xidyoho xanga.

ESAYA 6:7
Kutani yi khumba nomu wa mina hi rona, yi ku: “Vona, kala leri, ri khumbile milomu ya wena, hikwalaho ku homboloka ka wena ku susiwile, xidyoho xa wena xi rihiwile.”

1 YOHANE 1:9
Loko hi tivula swidyoho swa hina, Xikwembu xa tshembeka, xi lulamile ku hi rivalela swidyoho, ni ku hi hlantswa ku homboloka hinkwako.

VARHOMA 8:1
Kutani sweswi, a ka ha ri na ku avanyisiwa eka lava nga ka Yesu Kriste.

VAHEVERU 9:14
ngopfungopfu ngati ya Kriste la tihumeseke eka Xikwembu hi Moya lowu nga heriki, a ri mhamba leyi nga riki na xivati, yi ta hlantswa mapfalo ya n'wina emitirhweni leyi feke, leswaku mi tirhela Xikwembu lexi hanyaka!

TIPISALEMA 103:12
Hi laha vuxa byi hambaneke ni vupeladyambu, U hambanyisile sweswo ku dyoha ka hina kule na hina.

2 VAKORINTO 5:17
Hikwalaho, loko munhu a ri eka Kriste, i xivumbiwa lexintshwa; swa khale swi herile; hinkwaswo swi sasekisiwile.

VARHOMA 3:21-23
[21] Kambe sweswi, handle ka nawu, ku lulama ka Xikwembu ku kombisiwa ku nga loku tiyisiwaka hi nawu ni vaprofeta;[22] ku lulama ka Xikwembu i ku pfumela eka Yesu Kriste, loku nga ka hinkwavo, ni le henhla ka hinkwavo lava pfumelaka;[23] a ku na ku hambana kwalaho hikuva hinkwavo va dyohile, kutani a va faneriwi hi ku kwetsima ka Xikwembu,

2 VAKORINTO 5:21
Hlanganani na Xikwembu! Hikuva la nga tivangiki xidyoho, Xikwembu xi n'wi endle xidyoho hikwalaho ka hina, hi ta hlayiwa ha yena lava lulameke emahlweni ka Xikwembu.

MIKIYA 7:19
Xi ta tlhela xi hi tsetselela, xi kandziyela ku dyoha ka hina, u ta hoxela swidyoho hinkwaswo swa hina eswidziveni swa lwandle.

1 YOHANE 3:19-20
[19] Hi tiva hakona leswaku hi vantiyiso, kutani hi tiyisa timbilu ta hina emahlweni ka yena.[20] Hikuva loko timbilu ta hina ti hi avanyisa Xikwembu i xikulu eka timbilu ta hina, kambe xi tiva hinkwaswo.

VARHOMA 6:23
Hikuva hakelo ya vudyoho i rifu, kambe ku nyika ka tintswalo ta Xikwembu, i vutomi lebyi nga heriki, ha Yesu Kriste, Hosi ya hina.

ESAYA 43:25
“Hi mina, hi mina ntsena loyi a hlangulaka ku dyoha ka wena hikwalaho ka mina, kutani ndzi nga ka ndzi nga ha anakanyi swidyoho swa wena.

NHLAVUTELO 12:10
Kutani ndzi twa rito lerikulu etilweni, ri ku: “Sweswi, ku fikile ku hlayiseka, ni matimba, ni ku fuma ka Xikwembu xa hina; ni matimba ya Kriste wa xona; hikuva muhehli wa vamakwerhu, loyi a nga va hehla emahlweni ka Xikwembu xa hina vusiku ni nhlekanhi, u cukumetiwile.

2 VAKORINTO 7:10
Hikuva ku khomiwa hi tingana hi mukhuva lowu rhandziwaka hi Xikwembu ku humesa ku tisola loku nga ni ku hanya ku nga loku nga soriwiki; kambe ku khomiwa hi tingana hi mukhuva wa misava, ku humesa rifu.

VAHEVERU 4:16
Hikwalaho, a hi tshineleleni hi ku tshemba xiluvelo xa tintswalo, leswaku hi ta tweriwa vusiwana, hi kuma tintswalo, hi ta pfuniwa enkarhini lowu lulameke.

VARHOMA 8:31-39
[31] Xana hi ta ku yini etimhakeni teto xana? Loko Xikwembu xi hi yimela, i mani la nga lwaka na hina xana?[32] Xona lexi nga tsetselelangiki N'wana wa xona wa xiviri, kambe xi n'wi tshikele hina hinkwerhu, xana xi nga ka xi nga hi nyiki ha yini swilo hinkwaswo na yena xana?[33] Lavo Xikwembu xi tihlawuleleke vona, i mani la nga va vekaka nandzu xana? Xikwembu hi xona lexi va vulaka lava lulameke. La nga va avanyisaka i mani?[34] Kriste, loyi a feke, a engeta a pfuka, hi yena la nga evokweni ra xinene ra Xikwembu; hi yena kambe la hi khongelelaka.[35] I mani la nga hi hambanyisaka ni rirhandzu ra Kriste xana? Xana i ku karhateka, kumbe maxangu, kumbe ku xaniseka, kumbe ndlala, kumbe vusweti, kumbe mhangu, kumbe fumu?[36] Kukotisa loko ku tsariwile leswaku: “Hi dlayiwa hi masiku hinkwawo hikwalaho ka wena, hi ringanisiwa ni tinyimpfu leti tlhaviwaka.”[37] Kambe eka leswo hinkwaswo, hi hlula hi ku tlurisa ha loyi a hi rhandzeke.[38] Hikuva ndza swi tivisisa ngopfu leswaku, hambi ku ri ku fa, hambi ku ri ku hanya, hambi ti ri tintsumi, hambi ku ri ku fuma loku ka matimba, hambi swi ri leswi nga kona sweswi, hambi swi ri leswi nga ta ta,[39] hambi swi ri leswi nga ehenhla, hambi swi ri leswi nga ehansi, hambi xi ri xivumbiwa xin'wana; ndzi ku: Ku hava lexi nga tivaka ku hi hambanyisa ni rirhandzu ra Xikwembu, leri nga kombisiwa ha Yesu Kriste, Hosi ya hina.

VARHOMA 3:26
a swi ri leswaku xi kombisa ku lulama ka xona emikarhini ya sweswi, leswaku xi va lexi lulameke loko xi ri karhi xi khanisa la nga ni ku pfumela eka Yesu.

VARHOMA 14:23
Kambe la dyaka hi ku kanakana, u le ku avanyisiweni, hikuva a nga dyi hi ku pfumela, hikuva xilo xin'wana ni xin'wana lexi nga endliwiki hi ku pfumela, i ku dyoha.

YOHANE 3:17
Hikuva Xikwembu a xi rhumanga N'wana wa xona emisaveni ku ta avanyisa misava, kambe hileswaku misava yi ponisiwa ha yena.

SWIVURISO 16:4
Yehovha u lerisile swilo hinkwaswo emakungwini ya yena, Na yena lowo biha, u endleriwe siku ra khombo.

TIMHAKA 3:19
“Hundzukani hakona, mi tlhelela eka Xikwembu, leswaku swidyoho swa n'wina swi hlanguriwa,

1 YOHANE 2:1
Vana vanga, ndzi mi tsalele timhaka leti, leswaku mi nga tshuki mi dyoha; kambe kungakuloko munhu a dyohile, hi ni Muyimeri eka Tatana, a nga Yesu Kriste la lulameke.

GENESA 20:6-16
[6] Kutani Xikwembu xi n'wi byela enorhweni, xi ku: “Ndza swi tivisisa leswaku u endlise sweswo eku lulameni ka mbilu ya wena, hikwalaho-ke, ndzi nga ku sivela ku ndzi dyohela; ndzi nga ku pfumelelangiki ku n'wi khumba.[7] Kutani sweswi, tlherisa nsati wa nuna loyi, hikuva i muprofeta, u ta ku khongelela, u va u hanya. Kambe loko u nga n'wi tlherisi, tiva leswaku u ta fa kunene, wena ni hinkwaswo leswi nga swa wena.”[8] Kutani Abimeleke a pfuka ka hari mixo, a vitana malandza ya yena hinkwawo, a ma ambela marito walawo hinkwawo; kutani vanhu volavo va khomiwa hi ku chava lokukulu.[9] Kavaloko Abimeleke a vitana Abrahama a ku eka yena: “U hi endle yini? Kumbe ndzi ku onhele kwihi, leswi u nga vangela mina ni tiko ra mina nandzu lowonghasi? U ndzi endlele mhaka leyi nga faneriki ku endliwa.”[10] Abimeleke a engeta a ku eka Abrahama: “U anakanyile yini leswi u nga endlisa sweswo?”[11] Kutani Abrahama a ku: “A ndzi ku kumbe, ku chava Xikwembu ku hava etikweni leri, kutani va ta ndzi dlaya hikwalaho ka nsati wa mina.[12] Kasi na kona, i makwerhu kunene, n'wana wa tatana, ntsena a hi n'wana wa manana, kambe i nsati wa mina.[13] Kuteloko Xikwembu xi ndzi tsendzelekisile ekule ni yindlu ya tatana, ndzi te eka yena: ‘Vona, u ta ndzi pfunisa sweswo: Hinkwako laha hi yaka kona, u nge: i makwerhu.’ ”[14] Kavaloko Abimeleke a teka swifuwo leswitsongo ni leswikulu, ni makhumbi ya xinuna ni ya xisati, a nyika Abrahama, a n'wi tlherisela na Sara nsati wa yena.[15] Kutani Abimeleke a ku: “Waswivo, tiko ra mina hi leri, aka laha u ku rhandzaka.”[16] Ni ka Sara, a ku: “Waswivo, ndzi nyikile makwenu khume ra madzana ya macheleni, xi ta va xisirhelo emahlweni ya wena eka hinkwavo lava nga na wena, kutani u ta va la lulameke emahlweni ka hinkwavo.”

ESAYA 53:10
Xikwembu xi rhandzile ku n'wi tshova hi vuvabyi; loko a ta va a endlile vutomi bya yena mhamba ya swidyoho, u ta vona vatukulu, u ta lehisa masiku ya yena, kutani ntirho wa Yehovha wu ta kateka emavokweni ya yena.

LUKA 15:18-19
[18] Ndzi ta pfuka, ndzi ya eka tatana, ndzi ta ku eka yena: “Tatana, ndzi dyohele tilo na wena,[19] a swi ndzi faneri ku tshama ndzi vuriwa n'wana wa wena; u ndzi endla kukota un'wana wa malandza ya wena.” ’

MATEWU 18:21-35
[21] Hilaha Petro a n'wi tshinelelaka, a ku: “Hosi, makwerhu loko a ri karhi a ndzi dyohela, ndzi ta n'wi rivalela kangani xana? Ku ta va kantlhanu na kambirhi xana?”[22] Yesu a ku eka yena: “Ndzi ri eka wena, ku nga vi kantlhanu na kambirhi, kambe a ku ve ka makume ya ntlhanu na makume mambirhi, lama hlayiwaka eka ntlhanu na kambirhi.[23] “Hikwalaho ku fuma ka le tilweni ku fana ni hosi leyi rhandzeke ku kambela malandza ya yona.[24] Kuteloko a sungule ku hlaya, ku tisiwa ka yena un'wana la nga ni nandzu wa titalenta ta dzana ra madzana;[25] kambe, hikuva a pfumale lexi a nga rihaka ha xona, hosi ya yena yi lerisa leswaku a a xavisiwe ni nsati wa yena, ni vana va yena, ni hinkwaswo leswi a nga na swona, nandzu wu ko wu hela.[26] Kambe nandza yeloyi a khinsama, a khongela, a ku: ‘Hosi, wanga ndzi lehisela mbilu, ndzi ta ku rihela hinkwaswo.’[27] Kutani hosi ya nandza loyi yi n'wi rivalela nandzu.[28] Kambe nandza loyi, loko a huma ehandle, a hlangana ni nandzakulobye loyi ngi a ri ni nandzu eka yena wa tidenari ta dzana; kavaloko a n'wi khoma, a n'wi kametela, a ku: ‘Riha nandzu wa wena!’[29] Nakulobye a wa emilengeni ya yena, a n'wi khongela, a ku: ‘Ndzi rhutelele, ndzi ta ku rihela hinkwaswo.’[30] Yeloyi a ala, a ya n'wi susumetela ekhotsweni, a kondza a riha nandzu wa yena hinkwawo.[31] Kutani vanakulobye va malandza, loko va vona leswi endliweke, va khomiwa hi tingana ngopfu, va ya byela hosi ya vona hinkwaswo leswi endliweke.[32] Kavaloko hosi yi vita nandza loyi, yi ku eka yena: ‘Nandza wa mona, a ndzi ku tshikele nandzu wa wena hinkwawo, hikuva u ndzi khongele;[33] xana a swi nga ku faneri, na wena, ku tsetselela nakuloni kukotisa leswi ndzi nga, ku tsetselela xana?’[34] Kutani hosi ya yena yi n'wi karihela yi n'wi nyika maphorisa a kondza a riha nandzu wa yena hinkwawo.[35] Mi ta endlisiwa sweswo hi Tatana wa le tilweni, loko un'wana ni un'wana wa n'wina a nga rivaleli makwavo ku dyoha ka yena hi mbilu hinkwayo ya yena.”

Tsonga Bible
© Bible Society of South Africa. All rights reserved