A A A A A

Good Character: [Courage / Brave]


1 TIKRONIKA 28:20
Davhida a engeta a ku eka Solomoni, n'wana wa yena: “Tiya mbilu u tiya, u endla hakona! U nga chavi, u nga heli mbilu, hikuva Yehovha, Xikwembu, Xikwembu xa mina, u ta va na wena, a nga ka a nga ku tshiki, a nga ka a nga ku rivali, mitirho hinkwayo ya ntirho wa yindlu ya Yehovha yi ko yi hela.

1 VAKORINTO 15:58
Hikwalaho, vamakwerhu lava rhandziwaka, tiyani swinene, mi nga tsekatsekeni, mi tirhela Hosi hi masiku, mi ri karhi mi swi tiva leswaku mitirho ya n'wina yi nga ka yi nga hundzuki swahava eHosini.

DEUTERONOMA 31:6-8
[6] Tiyisani mbilu, mi tiya! Mi nga chaveni, kambe mi nga chavisiwi hi vona, hikuva Yehovha, Xikwembu xa wena, a famba emahlweni ka wena, a nga ka a nga ku siyi, a nga ka a nga ku tshiki.”[7] Kutani Muxe a vitana Yoxuwa, a ku eka yena emahlweni ka Vaisraele hinkwavo: “Tiyisa mbilu, u tiya, hikuva hi wena la nga ta nghena ni tiko leri etikweni leri Yehovha a hlambanyeleke vatata wa vona ku va nyika rona, hi wena, kambe loyi u nga ta va nyika rona leswaku va ri fuma.[8] Yehovha u ta famba emahlweni ka wena, u ta va na wena; a nga ka a nga ku tshiki, a nga ka a nga ku siyi; u nga chavi, u nga heli mbilu.”

VAEFESA 6:10
Loko swi ri tano, tiyani eHosini ni le matimbeni ya yona lama nga tsandziwiki ha nchumu.

ESAYA 54:4
“U nga chavi, u nga ka u nga vi na tingana, u nga tshutshali, hikuva u nga ka u nga soriwi; hikuva u ta rivala tingana ta vuntshwa bya wena, kutani u nga ka u nga tsundzuki xisandzu xa vunoni bya wena.

YOHANE 14:27
“Ndzi mi siyela ku rhula, ndzi mi nyika ku rhula ka mina; a ndzi mi nyiki hilaha misava yi nyikaka hakona Timbilu ta n'wina ti nga tshuki ti kanakana, naswona mi nga chavi.

TIPISALEMA २७:१
Yehovha i ku vonakala ka mina, ni ku hlayiseka ka mina: Ndzi nga tshukisiwa hi mani? Yehovha i khokholo ra vutomi bya mina: Ndzi nga rhurhumela emahlweni ka mani xana?

TIPISALEMA 56:3-4
[3] Esikwini ra ku chava ka mina ndzi titshembela wena.[4] Eka Xikwembu, ndzi ta twarisa rito ra xona; Ndzi tshemba Xikwembu, a ndzi chavi nchumu; Xana a nga ndzi endla yini la nga nyama ntsena?

2 TIMOTIYA 1:7
Hikuva Xikwembu a xi hi nyikangi moya wa vutoya, kambe i moya wa matimba, ni wa rirhandzu, ni wa vutlhari.

YOXUWA 1:9-11
[9] Xana a ndzi ku lerisanga ndzi ku: ‘Tiya mbilu, u tiya: u nga chavi, u nga tsemeki nhlana; hikuva Yehovha, Xikwembu xa wena, xi na wena hinkwako laha u nga ta ya kona.’ ”[10] Kutani Yoxuwa a lerisa tindhuna ta tiko, a ku:[11] “Fambani exikarhi ka mixaxa, mi lerisa tiko, mi ku: ‘Longani, hikuva loko ku hundzile masiku manharhu, mi ta pela Yordani loyi, ku ya teka tiko leri Yehovha, Xikwembu xa n'wina, a mi nyikaka rona ku ri fuma.’ ”

ESAYA 41:10-13
[10] U nga chavi, ndzi na wena. U nga tshuki hikuva ndzi Xikwembu xa wena. Ndza ku tiyisa, ndza ku lwela, ndzi ku khoma hi voko ra mina ra xinene leri hlulaka.[11] Vonani! Va ta chava, va va ni tingana hinkwavo lava ku karihelaka, va ta herisiwa, va ta lova hinkwavo lava kanetanaka na wena;[12] u ta va lava, kutani u nga ha va kumi lava nga ku pfukela; va ta herisiwa va hundzuka swahava, lava nga valala va wena.[13] Hikuva ndzi Xikwembu xa wena la tiyisaka voko ra wena ra xinene, la ku byelaka: U nga chavi, ndza ta ku ta ku lamulela.

1 VAKORINTO 16:13
Hitekani, mi tiya eku pfumeleni, mi endlisa hi vununa, mi tinyika matimba;

TIPISALEMA २७:१४
Langutela Yehovha, u tshama u tiya; Mbilu ya wena a yi tiye! U titshembela Yehovha!

SWIVURISO 3:5-6
[5] Tshemba Yehovha hi mbilu ya wena hinkwayo, U nga titshembi ku tlhariha ka wena.[6] U n'wi nghenisa emakungwini ya wena hinkwawo, U ta lulamisa tindlela ta wena.

TIPISALEMA २३:१-४
[१] Yehovha i murisi wa mina: ndzi nga ka ndzi nga pfumari nchumu.[२] U ndzi wisisa emadyelweni ya rihlaza, U ndzi fambisa ekusuhi ni mati layo rhula;[३] U hanyisa moya wa mina, U ndzi fambisa etindleleni leto lulama, Hikwalaho ka vito ra yena.[४] Ni loko ndzi famba enkoveni wa ndzhuti wa rifu, A ndzi chavi ku biha ni kun'we, hikuva u na mina: Nhonga ya wena ni xongotelo ra wena, hi swona leswi ndzi tiyisaka.

MARKA 5:36
Kambe Yesu, kakuloko a twa leswi vuriwaka, a ku eka hosana ya sinagoga: “U nga chavi, pfumela ntsena.”

VAFILIPIYA १:२८
na swona mi nga tshuki mi chavisiwa ha nchumu hikwalaho ka lava kanetaka; eka vona i xikombiso xa ku lova ka vona, kambe ha n'wina, i xa ku hlayiseka; kutani leswo swi huma eka Xikwembu;

TIPISALEMA 112:7
A nga ka a nga chavi mpfumawulo lowo biha; Mbilu ya yena yi tiyile, yi titshembela Yehovha.

YOXUWA १:६
Tiya mbilu, u tiya hikuva hi wena la nga ta fumisa tiko leri misava leyi ndzi hlambanyeleke vatata wa vona ku va nyika yona.

TIPISALEMA 31:24
Tiheni matimba; timbilu ta n'wina a ti tiye, N'wina hinkwenu lava langutelaka Yehovha!

Tsonga Bible
© Bible Society of South Africa. All rights reserved