A A A A A

Good Character: [Caring]


1 TIMOTIYA 5:4
Kambe loko yi ri noni leyi nga ni vana, kumbe vatukulu, a va dyondze eku sunguleni ku hlayisa va yindlu ya vona, ni ku endlela vatswari va vona hilaha va nga endleriwa hakona, hikuva i xilo lexi amukelekaka emahlweni ka Xikwembu.

1 TIMOTIYA 3:15
hambi ndzi nga hlwela, u ta tiva hilaha swi faneleke ku endliwa hakona endlwini ya Xikwembu lexi hanyaka, yi nga mhandze, ni masungulo ya ntiyiso.

YOHANE 8:32
kutani mi ta tiva ntiyiso, kutani ntiyiso wu ta mi tshunxa.”

NHLAVUTELO 17:5
Emombyeni wa yena ku tsariwile vito leri nge: “Swihundla, Babilona lonkulu, mana wa swioswi ni wa manyala ya misava.”

YAKOBO 1:27
Vukhongeri lebyi tengeke, lebyi nga riki na xisandzu emahlweni ka Xikwembu, Tata wa hina, hi loko munhu a kamba swisiwana ni vavasati va tinoni emahlomulweni ya vona a va a tihlayisa, a nga ri na xivati xa misava.

YOHANE 6:54
La dyaka nyama yanga, ni la nwaka ngati yanga, u ni vutomi lebyi nga heriki; kutani ndzi ta n'wi pfuxa hi siku ra makumu.

MARKA 6:3
Xana yeloyi a hi yena muvatli, n'wana Mariya, makwa Yakobo, na Yose, na Yuda, na Simoni xana? Xana vamakwavo va xisati a va kona kwala eka hina-ke?” Kutani va khunguvanyeka ha yena.

YOHANE 14:6
Yesu a ku eka yena: “Hi mina ndlela, ni ntiyiso, ni vutomi; a ku na munhu la nga taka eka Tatana, loko ku nga ri ha mina.

GENESA 1:1-7
[1] Eku sunguleni Xikwembu xi tumbuluxile tilo ni misava.[2] Misava a yi nga ri na xivumbeko, a yi nga ri na nchumu, kambe munyama a wu funengeta xibakabaka; Moya wa Xikwembu a wu hungela ehenhla ka mati.[3] Kutani Xikwembu xi ku: “Ku vonakala a ku ve kona!” Ku vonakala ku va kona![4] Kutani Xikwembu xi vona leswaku ku vonakala ku sasekile. Xikwembu xi hambanyisa ku vonakala ni munyama.[5] Xikwembu xi thya ku vonakala nhlekanhi, ni munyama xi ku, i vusiku. Kutani ku va madyambu, ku va nimixo, ri va siku ro rhanga.[6] Kutani Xikwembu xi ku: “Mpfhuka a wu ve kona exikarhi ka mati, wu hambanyisa mati ni mati.”[7] Xikwembu xi endla mpfhuka, xi hambanyisa mati ya le hansi ka mpfhuka, ni mati ya le henhla ka mpfhuka. Kutani swi va tano.

1 TIMOTIYA 5:8
Loko un'wana a nga hlayisi varikwavo, ngopfu va yindlu ya yena, u landzurile ku pfumela, u tlula hi ku biha la nga pfumeriki.

VAGALATIYA 1:19
A ndzi vonanga wumbe wa vaapostola van'wana, loko a nga ri Yakobo, makwavo wa Hosi.

MALAKIYA 1:11
Hikuva ku suka eku humeni ka dyambu, ku ya fika eku peleni ka rona, vito ra mina hi lerikulu exikarhi ka matiko, ni swivandleni hinkwaswo magandzelo ma ta hisiwa, ni switlhavelo swi tiseriwa vito ra mina, ma nga magandzelo lama tengeke; hikuva vito ra mina ri ri rikulu exikarhi ka matiko, ku vula Yehovha wa mavandla.

GENESA 2:7
Kutani Yehovha Xikwembu a vumba munhu hi ntshuri wa misava, a huhutela etinhompfini ta yena ku hefemula ka vutomi, ka va loko munhu a endliwe xivumbiwa lexi hanyaka.

YOHANE 3:3-5
[3] Yesu a hlamula, a ku eka yena: “Kunenenene ndzi ri eka wena: Loko munhu a nga tswariwi ra vumbirhi, a nga ka a nga voni ku fuma ka Xikwembu.”[4] Nikodema a ku eka yena: “Xana munhu loko a dyuharile, a nga tswarisiwa ku yini? Xana a nga tlhela a vuyela ekhwirini ra mana wa yena, a tlhela a tswariwa xana?”[5] Yesu a hlamula, a ku: “Kunenenene ndzi ri eka wena: Loko munhu a nga tswariwi hi mati ni Moya, a nga ka a nga ngheni eku fumeni ka Xikwembu.

VAHEVERU 12:14
Hisekelani ku va ni ku rhula ni hinkwavo, ni ku kwetsima, loku, kungakuloko munhu a ku pfumala, a nga ka a nga voni Hosi;

NHLAVUTELO 17:18
Loko a ri wansati loyi u n'wi voneke, i muti lowukulu lowu fumaka tihosi ta misava.”

MATEWU 16:18
Kambe ndzi ri eka wena: U Petro (hileswaku ribye), ehenhla ka ribye rero, ndzi ta aka kereke ya mina, kutani tinyangwa ta xivandla xa vafi ti nga ka ti nga yi hluli.

GENESA 1:1
Eku sunguleni Xikwembu xi tumbuluxile tilo ni misava.

EKSODA 15:3
Yehovha i nhenha ya matimba, Vito ra yena i Yehovha.

NHLAVUTELO 17:9
Hilaha ku fanelaka ku va ku twisisa loku nga ni vutlhari: Tinhloko ta ntlhanu na timbirhi, i tintshava ta ntlhanu na timbirhi leti wansati a tshameke ehenhla ka tona;

VAFILIPIYA 4:6-7
[6] Mi nga tshuki mi kanakana ha nchumu; kambe etimhakeni hinkwato, tivisani ku pfumala ka n'wina eka Xikwembu hi ku khongela, ni ku kombela, mi va mi khensa;[7] kutani ku rhula ka Xikwembu loku tlurisaka ku twisisa hinkwako, ku ta hlayisa timbilu ta n'wina, ni miehleketo ya n'wina eka Yesu Kriste.

VAGALATIYA 4:19
Vana vanga, n'wina lava ndzi mi velekaka eku vavisekeni, Kriste a ko a vumbiwa endzeni ka n'wina!

1 PETRO 3:15
kambe mi hlawula Hosi, a nga Kriste, etimbilwini ta n'wina, mi tilunghisa hi masiku ku tihlamulela hi musa ni xichavo eka hinkwavo lava mi vutisaka ku tshemba ka n'wina;

NHLAVUTELO 17:1
Ntsumi yin'wana ya leta ntlhanu na timbirhi leti tameleke swimbitana swa ntlhanu na swimbirhi yi ta, yi vulavula na mina, yi ku: “Tana, ndzi ta ku kombisa ku avanyisiwa ka muoswi lonkulu, la tshamiseke ehenhla ka mati layo tala,

MATEWU 18:15-18
[15] “Loko makwenu a dyohile, yana u n'wi laya mi le swenu; loko a ku yingisa, u ta va u kumile makwenu.[16] Kambe loko a nga ku yingisi, yana ni un'wana, hambi va ri vambirhi; leswaku ku vulavula hinkwako ku tiyisiwa hi milomu ya timbhoni timbirhi kumbe tinharhu.[17] Kuteloko a nga va yingisi, byela nhlengeletano; loko a nga yingisi nhlengeletano, eka wena a a kotise muhedeni ni muluvisi.[18] Kunene ndzi ri eka n'wina: Hinkwaswo leswi mi nga ta swi tsimba la emisaveni swi ta tsimbiwa ni le tilweni; ni hinkwaswo leswi mi nga ta swi tshunxa la emisaveni, swi ta tshunxiwa netilweni.

VAEFESA 1:22-23
[22] kutani u vekile hinkwaswo ehansi ka milenge ya yena, a tlhela a n'wi veka ehenhla ka hinkwaswo, ku va nhloko ya Kereke,[23] wu nga miri wa yena, ni ku hetiseka ka loyi a hetisisaka hinkwaswo eka hinkwavo.

VAEFESA 5:23
hikuva nuna i nhloko ya wansati, kukotisa leswi Kriste, na yena, a nga nhloko ya Kereke, yena a nga Mukutsuri wa miri;

TIMHAKA 4:32
Kambe vunyingi bya lava pfumeleke a yi ri mbilu yin'we ni moya wun'we ntsena; kutani a ku nga ri na munhu la nga vula leswaku swilo leswi a nga na swona, i swa yena swakwe kambe swilo hinkwaswo a va ku i swa vona hinkwavo.

1 VAKORINTO 1:10
Kambe ndza mi khongotela, vamakwerhu, hi vito ra Hosi ya hina Yesu Kriste, ndzi ri: Vulani mhaka yi ri yin'we: Ku hambana ku nga tshuki ku va kona exikarhi ka n'wina, ntsena mi hlangana eku anakanyeni kun'we, ni le ku ehleketeni kun'we;

YOHANE 12:48
La ndzi alaka, a nga amukeri marito ya mina, u ni la n'wi avanyisaka; rito leri ndzi nga ri vula, hi rona leri nga ta n'wi avanyisa hi siku ra makumu.

YOHANE 14:28
“Mi swi twile loko ndzi te eka n'wina: ‘Ndza famba, kambe ndzi ta vuya eka n'wina.’ Loko ngi ma ndzi rhandza, ingi mi tsakile loko ndzi ya eka Tatana, hikuva Tatana i nkulukumba eka mina.

VAHEVERU 1:14
Xana hinkwato a hi mimoya leyi tirhaka xana, leyi rhumiweke entirhweni, yi rhumeriwa lava nga ta fuwa ndzhaka ya ku hlayiseka xana?

MATEWU 18:10
“Tilanguteleni, mi nga tshuki mi sola un'wana wa lavatsongo lava hikuva ndzi ri eka n'wina, tintsumi ta vona ematilweni ti languta hi masiku mombo wa Tatana la nga ematilweni.

VAEFESA 6:12
Hikuva eku lweni ka hina, a hi lwi na nyama na ngati, kambe hi lwa ni vafumi, ni leswa matimba, ni tihosi hinkwato ta munyama, ni mimoya leyo biha ya swivandla swa le henhla.

YOHANE 3:16
Hikuva Xikwembu xi rhandzile misava swonghasi, xi ko xi nyika N'wana wa xona la nga tswariwa a ri swakwe, leswaku un'wana ni un'wana la pfumelaka eka yena, a nga tshuki a lova, kambe a va ni vutomi lebyi nga heriki.

YOHANE 17:17
Va kwetsimise entiyisweni wa wena; rito ra wena hi wona ntiyiso.

NHLAVUTELO 2:9
Ndzi tiva nhlomulo wa wena, ni vusiwana bya wena (hambi u ri mufuwi), ni ku sandza ka lava tivulaka Vayuda, kasi a hi vona, kambe i sinagoga ya Satana.

TIPISALEMA 68:5
Tatana wa swisiwana ni muyimeri wa tinoni, Hi lexi Xikwembu xi nga xona endlwini leyo kwetsima ya xona.

TIPISALEMA 146:9
Yehovha u lwela vamatiko, U hlayisa xisiwana ni noni; Kambe u hambanyisa ndlela ya vakanganyisi.

VAGALATIYA 2:10
ntsena va hi khongoterile leswaku hi tsundzuka swisiwana, kutani leswo, ndzi swi xiyile ku swi endla.

VARHOMA 3:23
a ku na ku hambana kwalaho hikuva hinkwavo va dyohile, kutani a va faneriwi hi ku kwetsima ka Xikwembu,

Tsonga Bible
© Bible Society of South Africa. All rights reserved