A A A A A

Good Character: [Boldness]


TIMHAKA 4:29-31
[29] Kutani sweswi, Hosi, languta ku xungeta ka vona, u nyika malandza ya wena ku vula rito ra wena, va nga chavi nchumu;[30] u tshambuluta voko ra wena leswaku ku ta endliwa ku hanyisiwa, ni swikombiso, ni masingita hi vito ra Yesu, nandza wa wena la hlawuriweke.”[31] Kuteloko va khongerile, xivandla lexi va hlengeletaneke eka xona, xi tsekatseka, kutani hinkwavo va tala Moya lowo Kwetsima, kutani va vula rito ra Xikwembu hi ku tiya.

2 VAKORINTO 3:12
Hikwalaho-ke, leswi hi nga ni ku langutela loko tano, hi vulavula hi ku tshemba lokukulu;

TIMHAKA 14:3
Hambiswiritano, va xwa kona masiku layo tala, va vulavula va tshembile Hosi; kambe a yi ri karhi yi tiyisa rito ra tintswalo ta yona hi ku endla swikombiso ni masingita hi mavoko ya vona.

TIMHAKA 13:46
Kutani Pawulo na Barnaba va va byela, va tiyisa, va ku: “A swi fanela leswaku rito ra Xikwembu ri byeriwa n'wina eku sunguleni; kambe leswi mi ri alaka, mi tiavanyisile lava nga fanekelangiki hi vutomi lebyi nga heriki, maswivo, hi hundzukela eka vamatiko.

TIMHAKA 19:8
Kutani Pawulo a nghena esinagogeni, a vulavula a nga chavi, a hlamulana ni Vayuda hi tin'hweti tinharhu, a va khorwisa etimhakeni ta ku fuma ka Xikwembu.

FILEMONI 1:8
Hikwalaho, hambi ndzi nga pfumeleriwa ngopfu hi Kriste ku ku lerisa leswi fanelaka,

TIMHAKA 18:26
A sungula ku vulavula esinagogeni, a nga chavi. Kuteloko Akwila na Prisila va n'wi twile va n'wi tekela eka vona, va n'wi dyondzisa swinenenene ndlela ya Xikwembu.

MARKA 15:43
ku ta Yosefa wa Arimatiya, wanuna wa huvo, la tlhariheke, loyi a languteleke ku fuma ka Xikwembu na yena; a kanya mbilu, a nghena eka Pilato, a kombela ntsumbu wa Yesu.

TIMHAKA 28:31
a vula ku fuma ka Xikwembu, a dyondzisa ni ta Hosi Yesu hi ku tiya hinkwako, a nga siveriwi ha nchumu.

TIMHAKA 4:29-30
[29] Kutani sweswi, Hosi, languta ku xungeta ka vona, u nyika malandza ya wena ku vula rito ra wena, va nga chavi nchumu;[30] u tshambuluta voko ra wena leswaku ku ta endliwa ku hanyisiwa, ni swikombiso, ni masingita hi vito ra Yesu, nandza wa wena la hlawuriweke.”

SWIVURISO 28:1
Lowo biha u tsutsuma hambi a nga landziwi, Kambe lowo lulama u tsakile kukota xinghalana.

GENESA 18:23-32
[23] Kambe Abrahama a tshinela, a ku: “Xana kunene u ta lovisa la lulameke swin'we ni la hombolokeke?[24] Kumbe xana va kona lava lulameke va ntlhanu wa makume emutini? Xana u nga wu lovisa kunene, u nga ka u nga wu rivaleri hikwalaho ka lava ntlhanu wa makume lava nga kumeka eka wona xana?[25] A swi ve kule na wena ku lovisa la lulameke swin'we ni la hombolokeke, swi va leswaku la lulameke a endliwa leswo nge u hombolokile! A swi ve kule na wena! Loyi a avanyisaka misava hinkwayo, a nga ka a nga avanyisi hi ku lulama xana?”[26] Yehovha a ku: “Kungakuloko ndzi kuma eSodoma vanhu va ntlhanu wa makume lava lulameke exikarhi ka muti, ndzi ta rivalela muti hinkwawo hikwalaho ka vona.”[27] Abrahama a tlhela a ku: “Waswivo, ndzi tiyisile mbilu, ndzi vulavula ni Hosi, mina ndzi nga ntshuri ni nkuma![28] Kumbe eka lava ntlhanu wa makume lava lulameke, ku ta pfumaleka va ntlhanu; xana u nga herisa muti hinkwawo hikwalaho ka vanhu lava ntlhanu?” Kutani a ku: “A ndzi nga wu herisi loko ndzi va kuma va ri mune wa makume na ntlhanu lava lulameke.”[29] Abrahama a engeta a vulavula, a ku: “Kumbe va ta kumeka va ri mune wa makume ntsena.” Kutani a ku: “Ndzi nga ka ndzi nga swi endli hikwalaho ka lava mune wa makume.”[30] Kutani a ku: “Hosi yi nga tshuki yi holova loko ndzi vulavula: Kumbe va ta kumeka va ri makume manharhu ntsena?” Kutani a ku: “Ndzi nga ka ndzi nga swi endli loko ndzi va kuma va ri makume manharhu kona.”[31] Kutani a ku: “Waswivo, ndzi tiyisile mbilu ku vulavula ni Hosi: kumbe va nga kumeka va ri makume mambirhi ntsena?” Kutani a ku: “Hikwalaho ka lava makume mambirhi ndzi nga ka ndzi nga wu herisi.”[32] A engeta a ku: “Hosi yi nga karihi loko ndza ha vulavula kambe: Kumbe va nga kumiwa va ri khume ntsena?” Kutani a ku: “Ndzi nga ka ndzi nga wu herisi hikwalaho ka lava khume.”

TIPISALEMA 138:3
Siku leri ndzi nga rila ka wena, u ndzi twile, U ndzi tiyisile, matimba ma nghene emoyeni wa mina.

VAEFESA 3:12
yeloyi hi pfumeleriweke ha yena ku tshinelela Xikwembu hi ku tshemba, hi ku pfumela eka yena.

YOHANE 4:17
Wansati a hlamula, a ku: “A ndzi na nuna.” Yesu a ku eka yena: “Wa vurisa loko u ku: ‘A ndzi na nuna,’

VAHEVERU 10:19
Hikwalaho, vamakwerhu, leswi hi pfumeleriwaka ku nghena evukwetsimelweni hi ngati ya Yesu,

VAHEVERU 4:16
Hikwalaho, a hi tshineleleni hi ku tshemba xiluvelo xa tintswalo, leswaku hi ta tweriwa vusiwana, hi kuma tintswalo, hi ta pfuniwa enkarhini lowu lulameke.

VAHEVERU 13:6
Hikwalaho hi nga vula hi ku tshemba, hi ku: “Hosi i mupfuni wa mina, ndzi nga ka ndzi nga chavi nchumu; munhu a nga ndzi endla yini xana?”

VAEFESA 6:19-20
[19] Na mina, mi ndzi khongelela, leswaku ndzi nyikiwa ku vulavula erivaleni, ndzi ta tiva ku hlavutela vanhu ndzi nga chavi nchumu xihundla xa Evhangeli,[20] leyi ndzi nga ntsumi ya yona, hambi ndzi bohiwile hi timpecana, leswaku ndzi vulavula hi matimba timhaka ta yona, hilaha ndzi fanelaka ku ti vula hakona.

TIMHAKA 4:13
Kuteloko va vona ku tiya ka Petro na Yohane, kasi a va tiva leswaku i vanhu lava nga dyondzangiki, va ri vanhu ntsena, va hlamala; kambe va va tiva leswaku a va tshamile na Yesu.

1 TIMOTIYA 3:13
Hikuva lava tirheleke Kereke swinene va kuma vutshamo lebyinene, ni ku tiya lokukulu eku pfumeleni loku nga eka Yesu Kriste.

1 VATESALONIKA 2:2
kambe, hambi hi rhangile hi twisiwa ku vaviseka, hi xanisiwa eFilipiya, hilaha mi swi tivaka, hi vuya hi tiyisa matimba hi ku tshemba Xikwembu xa hina, ku mi byela Evhangeli exikarhi ka ku lwa lokukulu.

VAFILIPIYA 1:20
hi ku langutela loku tiyeke ka mina, ni ku tshemba loku ndzi nga na kona, leswaku ndzi nga ka ndzi nga khomisiwi tingana ha nchumu; kambe ndzi tivisisa leswaku swi tsandza ni sweswi, ni le mikarhini hinkwayo, Kriste u ta dzunisiwa emirini wa mina, hambi ku ri hi ku hanya, hambi ku ri hi ku fa.

2 TIMOTIYA 1:7
Hikuva Xikwembu a xi hi nyikangi moya wa vutoya, kambe i moya wa matimba, ni wa rirhandzu, ni wa vutlhari.

1 VAKORINTO 16:13
Hitekani, mi tiya eku pfumeleni, mi endlisa hi vununa, mi tinyika matimba;

SWIVURISO 14:26
Exichabyeni xa Yehovha ku ni ku tshemba ka xiviri, Kutani eka vana va yena i xichavelo.

TIPISALEMA 27:14
Langutela Yehovha, u tshama u tiya; Mbilu ya wena a yi tiye! U titshembela Yehovha!

VARHOMA 1:16
Kunene a ndzi na tingana ku vula Evhangeli, hikuva i matimba ya Xikwembu ya ku ponisa mani na mani la pfumelaka, ku sungula hi Muyuda, ku yisa eka Mugriki.

1 TIKRONIKA 28:20
Davhida a engeta a ku eka Solomoni, n'wana wa yena: “Tiya mbilu u tiya, u endla hakona! U nga chavi, u nga heli mbilu, hikuva Yehovha, Xikwembu, Xikwembu xa mina, u ta va na wena, a nga ka a nga ku tshiki, a nga ka a nga ku rivali, mitirho hinkwayo ya ntirho wa yindlu ya Yehovha yi ko yi hela.

1 VAKORINTO 15:58
Hikwalaho, vamakwerhu lava rhandziwaka, tiyani swinene, mi nga tsekatsekeni, mi tirhela Hosi hi masiku, mi ri karhi mi swi tiva leswaku mitirho ya n'wina yi nga ka yi nga hundzuki swahava eHosini.

VAEFESA 6:10
Loko swi ri tano, tiyani eHosini ni le matimbeni ya yona lama nga tsandziwiki ha nchumu.

ESAYA 54:4
“U nga chavi, u nga ka u nga vi na tingana, u nga tshutshali, hikuva u nga ka u nga soriwi; hikuva u ta rivala tingana ta vuntshwa bya wena, kutani u nga ka u nga tsundzuki xisandzu xa vunoni bya wena.

YOHANE 14:27
“Ndzi mi siyela ku rhula, ndzi mi nyika ku rhula ka mina; a ndzi mi nyiki hilaha misava yi nyikaka hakona Timbilu ta n'wina ti nga tshuki ti kanakana, naswona mi nga chavi.

MARKA 5:36
Kambe Yesu, kakuloko a twa leswi vuriwaka, a ku eka hosana ya sinagoga: “U nga chavi, pfumela ntsena.”

VAFILIPIYA 1:28
na swona mi nga tshuki mi chavisiwa ha nchumu hikwalaho ka lava kanetaka; eka vona i xikombiso xa ku lova ka vona, kambe ha n'wina, i xa ku hlayiseka; kutani leswo swi huma eka Xikwembu;

YOHANE 7:26
Kasi vonani, a vulavula erivaleni, a va n'wi hlamuri; xana kumbe tihosi ti n'wi tivile kunene leswaku i Kriste hi xiviri xana?

TIMHAKA 5:29
Kambe Petro ni vaapostola van'wana va hlamula, va ku: “Swa hi fanela ku yingisa Xikwembu, ku tlula vanhu.

YOXUWA 1:7
Tiya mbilu, u tiya swinene, u hiseka ku endla hi nawu hinkwawo lowu Muxe, nandza wa mina a ku leriseke wona; u nga tshuki u hambuka eka wona exineneni, hambi ku ri eximatsini, leswaku u ta kateka eswilweni hinkwaswo leswi u nga ta swi sungula.

EZEKIELE 3:9
ndzi ta ku nonon'hwisa, ndzi ku ringanisa ni dayimani, leswaku u lwa na vona. U nga va chavi, u nga chavisiwi hi mimombo ya vona hambi va ri va yindlu leyi tiarisaka.”

TIMHAKA 9:29
a dyondzisa hi vito ra Hosi Yesu a nga chavi nchumu; a vulavula, a hlamulana ni Vayuda, ni Vahelenista; kambe vona va rhandza ku n'wi dlaya.

VAFILIPIYA 1:1
Pawulo na Timotiya, malandza ya Yesu Kriste, Eka vakwetsimi hinkwavo lava nga eka Yesu Kriste, lava akeke eFilipiya ni ka varisi ni vadiyakoni va Kereke;

1 TIMOTIYA 3:1
Rito leri ri tiyile, leri nge: Munhu loko a tinavelela vurisi, u navela ntirho lowo saseka.

1 VAKORINTO 3:12
Kutani loko un'wana a aka ehenhla ka masungulo walawo hi nsuku, kumbe hi silivhere, hambi ma ri maribye layo saseka, hambi ti ri tihunyi, kumbe byanyi;

VAHEVERU 10:1
Hikuva nawu, leswi wu nga ndzhuti wa leswo saseka leswi nga ta humelela, swi nga riki xifaniso xa xiviri xa timhaka, wu tsandzekile ku hetisisa, ni siku ni rin'we, lava tshinelelaka magandzelo lama humesiwaka hi masiku hi lembe rin'wana ni rin'wana.

1 PETRO 5:10
Kambe Xikwembu xa tintswalo hinkwato, lexi hi vitaneleke eku kwetsimeni ka xona loku nga heriki ha Yesu Kriste, kutakuloko mi twile ku vaviseka hi mikarhinyana, xi ta mi endla lava hetisekeke, xi mi tiyisa, xi mi nyika matimba, mi nga tsekatseki;

Tsonga Bible
© Bible Society of South Africa. All rights reserved