A A A A A

Good Character: [Honest]


2 VAKORINTO 8:21
hikuva hi lava lexi sasekeke, ku nga ri emahlweni ka Hosi ntsena, kambe ni le mahlweni ka vanhu.

2 TIMOTIYA 2:15
Tiya matimba ku humelela emahlweni ka Xikwembu u ri la nga amukeriwaka, ni mutirhi la nga riki na tingana, la phamelaka hi ku lulama rito ra ntiyiso.

VAKOLOSA 3:9
Mi nga tshuki mi hembelana, leswi mi hluvuleke munhu wa khale ni mitirho ya yena,

VAEFESA 4:25
Hikwalaho-ke, tshikani vunwa, mi vulavula leswi tiyeke, un'wana ni un'wana eka warikwavo, hikuva hi swirho van'wana eka van'wana.

YAKOBO 1:26
Loko un'wana exikarhi ka n'wina a ringanisa leswaku u ni vukhongeri, kutani a nga bohi ririmi ra yena, kambe a tixisa embilwini, vukhongeri bya munhu loyi, i bya hava.

YAKOBO 3:17
Kambe vutlhari lebyi pfaka ehenhla, ku sungula ka byona i ku tenga, byi engeta byi va ni ku rhula, ni ku olova, ni ku yingisela, byi tele tintswalo, ni mihandzu leyinene, a byi tsekatseki, a byi kanganyisi.

LUKA 6:31
Leswi mi rhandzaka leswaku vanhu va mi endlisa xiswona, va endliseni xiswoleswo na n'wina.

MATEWU 5:8
Ku katekile lava nga ni timbilu leti tengeke, hikuva va ta vona Xikwembu.

SWIVURISO 10:9
La fambaka hi ku lulama u famba hi ku rhula, Kambe la homboloxaka mafambele ya yena u ta tiviwa.

SWIVURISO 11:3
Vunene bya lava lulameke bya va fambisa, Kambe ku homboloka ka timbabva ka ti lovisa.

SWIVURISO 12:17-22
[17] La vurisaka u humesa swo lulama, Kambe mbhoni ya vunwa yi vulavula swa ku kanganyisa.[18] La vulaka swahava wa tlhava kukota tlhari; Kambe nomu wa lowo tlhariha wa hanyisa.[19] Nomu lowu vulaka ntiyiso, wu tiya makumu, Kambe ririmi ra vunwa i ra nkarhinyana ntsena.[20] Lava kanelaka swo biha, lunya ri le timbilwini ta vona, Kambe lava kanelaka swo rhula va tsaka.[21] La lulameke a nga teli hi khombo; Kambe lavo biha va talela hi nhlomulo.[22] Milomu ya mavunwa i manyala eka Yehovha, Kambe lava endlaka swinene va n'wi tsakisa.

SWIVURISO 14:5
Mbhoni yo tshembeka a yi vulavuri vunwa, Kambe mbhoni yo hemba yi vula mavunwa ntsena.

SWIVURISO 21:3
Ku endla leswinene ni leswo lulama, Swi tsakisa Yehovha ku tlula magandzelo.

SWIVURISO 24:26
La hlamulaka hi marito manene, U ntswontswa munhu enon'wini.

SWIVURISO 28:18
La fambaka eku lulameni u ta hlayiseka; Kambe wa ku homboloka, wa tindlela timbirhi, u ta wa xikan'we.

TIPISALEMA 112:5
Ku katekile munhu la hananaka a va a lomba; A lulamisa timhaka ta yena hi ku anakanya,

1 TIKRONIKA 29:17
Oho! Xikwembu xanga! Ndzi tiva leswaku u kamba mbilu, ni leswaku! U tsakela ku lulama; loko ndzi ri mina, ndzi humesile swilo leswi hinkwaswo hi ku lulama ka mbilu yanga, kutani sweswi, tiko ra wena leri nga kwala, ndzi ri vonile hi ku tsaka loko ri ku humesela mihlengo ya rona.

YOHANE 1:3
Swilo hinkwaswo swi endliwile hi rona, kutani exikarhi ka swilo leswi endliweke, a ku na xilo lexi endliweke handle ka rona.

YOHANE 3:18
La pfumelaka eka yena, a nga avanyisiwi; kambe la nga pfumeriki, wa avanyisiwa, hikuva a nga pfumelangi vito ra N'wana wa Xikwembu la nga tswariwa a ri swakwe.

VAFILIPIYA 4:8-9
[8] Loko swi ri tano, vamakwerhu, hinkwaswo leswi nga ntiyiso, hinkwaswo leswi sasekeke, hinkwaswo leswi lulameke, hinkwaswo leswi tengeke, hinkwaswo leswi rhandzekaka, hinkwaswo leswi khensiwaka, hinkwaswo leswi nga ni vunene ni ku dzunisiwa, leswo hinkwaswo, mi va mi swi anakanya.[9] Hikuva mi dyondzile swona, mi swi amukerile, mi swi yingisile, mi swi vonile eka mina; na n'wina swi endleni, kutani Xikwembu xa ku rhula xi ta va na n'wina.

1 PETRO 3:10-12
[10] Hikuva “la rhandzaka ku hanya ni ku vona masiku ya ku tsaka, a a tshimbise ririmi ra yena ku vula swo biha, ni milomu ya yena ku vulavula hi ku kanganyisa;[11] a a fularhele leswo biha, a endla leswinene, a lava ku rhula, a ku lavisisa.[12] Hikuva mahlo ya Hosi ma languta lava lulameke, ni tindleve ta yona ti yingisela ku khongela ka vona; kambe mombo wa Hosi wu karihela lava endlaka leswo biha.”

SWIVURISO 6:16-20
[16] Ku ni swilo swa ntlhanu na xin'we leswi vengiwaka hi Yehovha, Ndzi ri ntlhanu na swimbirhi lama nga manyala eka yena:[17] I mahlo yo tikukumuxa, ni ririmi ra vunwa, Ni mavoko lama halataka ngati leyi nga riki na nandzu;[18] I mbilu leyi kanelaka swo biha, Ni milenge ya matsambu leyi tsutsumelaka eku biheni.[19] I mbhoni ya vunwa leyi vulaka mavunwa, Ni la pfuxaka timholovo exikarhi ka vamakwavo.[20] N'wananga, hlayisa milawu ya tata wa wena, U nga fularheli dyondzo ya mana wa wena,

Tsonga Bible
© Bible Society of South Africa. All rights reserved