A A A A A

Bad Character: [Foolish]


MATEWU 5:22
Kambe mina ndzi ri eka n'wina: Munhu hambi a ri mani na mani, la karihelaka makwavo ntsena u ta fanela ku avanyisiwa; la vulaka makwavo xihunguki, u fanele ku avanyisiwa hi nhlengeletano; la nge eka yena: ‘U ni rihuhu,’ u fanele hi ndzilo wa tihele.

SWIVURISO 1:7
Ku chava Yehovha, i masungulo ya vutivi hinkwabyo; Kambe lavo rivala va tsan'wa vutlhari ni dyondzo.

SWIVURISO 3:35
Lavo tlhariha va ta dya ndzhaka ya xichavo, Loko swi ri swihunguki, ku twala ka swona i tingana.

SWIVURISO 10:8
Munhu wa mbilu yo tlhariha u amukela milawu, Kambe xihunguki hi milomu xi ta suva.

SWIVURISO 10:23
Eka xihunguki, ku dlaya, i ku tlanga, Kambe vutlhari i bya munhu la twisisaka.

SWIVURISO 12:16
Xihunguki xi humesa vukari bya xona, Kambe lowo tlhariha u fihla ku dyoha ka la n'wi dyoheleke.

SWIVURISO 13:20
La fambaka ni tintlhari u ta tlhariha, Kambe la tolovelaka swihunguki u ta onhaka.

SWIVURISO 17:28
Swi tsandza ni rihuhu loko ri miyela, ri nga vuriwa la tlhariheke, Ni la putsamaka nomu i munhu wa ku anakanya.

SWIVURISO 18:2-7
[2] Lexi tsakisaka xihunguki a hi ku fuwa vutlhari, Kambe i ku humesa leswi nga embilwini ya xona.[3] Loko ku humelela xidyohi, xi huma ni swisandzu; Tingana, na tona, ti ta ni ku sola.[4] Ku vulavula ka munhu i xidziva xa mati; Xihlovo xa vutlhari i nambu lowu pfelelaka.[5] A swi saseki ku ya hi nghohe ya mudyohi, Ku kaneta la lulameke eku avanyiseni.[6] Nomu wa xihunguki wu n'wi nghenisa etimholoveni, Kutani ririmi ra yena ri n'wi rhambela nhonga.[7] Nomu wa xihunguki i ku onhaka ka xona, Kambe ririmi ra xona i ntlhamu eka moya wa xona.

SWIVURISO 20:3
Ku tshika mitengo i ku tidzunisa ka munhu, Kambe xihunguki xin'wana ni xin'wana xi tinyiketa vukari.

SWIVURISO 23:9
U nga tshuki u vulavula etindleveni ta xihunguki, Hikuva xi ta sola ku tlhariha ka timhaka ta wena.

SWIVURISO 26:19
La hoxaka swisa, ni miseve, ni rifu, A ku: “A ndzo tlanga ntsena.”

SWIVURISO 28:26
La tshembaka mbilu ya yena i xihunguki, Kambe la fambaka evutlharini u ta hlayiseka.

SWIVURISO 29:9
Munhu wo tlhariha la tengaka ni wa rihuhu, A nga ka a nga voni ku tsaka, hambi a kariha, hambi a hleka.

SWIVURISO 29:11
Xihunguki xi humesa hinkwaswo swa mbilu ya yena, Kambe wa ku tlhariha wa tihlayisa ni ku tikhoma.

TIPISALEMA 14:1
Xihunguki xi te embilwini ya xona: “A ku na Xikwembu!” Va borile; mitirho ya vona yi ni manyala; A ku na la endlaka swinene.

SWIVURISO 14:16
La tlhariheke u ni xichavo, kutani u papalata swo biha, Kambe xihunguki xi honisa ntsena, xi titshemba.

SWIVURISO 15:18
Munhu la karihaka u pfuxa ku hambana; Kambe la hlwelaka ku hlundzuka u tima timholovo.

SWIVURISO 15:20-21
[20] N'wana la yingisaka u tsakisa tata wa yena, Kambe xihunguki xi dyisa mana wa xona mbitsi.[21] Vuhunguki i ku tsaka ka la pfumalaka ku twisisa, Kambe munhu wa ku anakanya u famba hi ku lulama.

SWIVURISO 14:7-9
[7] Hambana ni xihunguki, Hikuva a ku na vutivi emilon'wini ya xona.[8] Vutlhari bya la tlhariheke, i ku twisisa ndlela ya yena, Kambe vuhunguki bya xihunguki ku xisa ntsena.[9] Swihunguki swi sandza milandzu, Kambe eka lavo lulama ku tsakisa ku kona.

Tsonga Bible
© Bible Society of South Africa. All rights reserved