A A A A A

Bad Character: [Bitterness]


TIMHAKA ٨:٢٣
hikuva ndzi vona leswaku u tele nyongwa leyi bavaka ngopfu, ni ku bohiwa hi ku homboloka.”

VAKOLOSA 3:8-13
[8] Kambe sweswi, na n'wina, cukumetani swilo leswo hinkwaswo, ku nga ku kariha, ni ku kanetana, ni mona; ku lumbeta, ni marito ya tingana swi nga tshuki swi huma emilon'wini ya n'wina.[9] Mi nga tshuki mi hembelana, leswi mi hluvuleke munhu wa khale ni mitirho ya yena,[10] mi va mi funengele munhu lontshwa la dzuvulaka eku tiveni, hi xifaniso xa la n'wi tumbuluxeke.[11] Laha a ku na Mugriki, ni loko a ri Muyuda, ni loko ri ri nkwerha, ni loko ri ri khuna, ni loko a ri mubarbari, ni loko a ri Muskita, ni loko a ri hlonga la fuyiweke, ni loko a ri la nga fuyiwangiki, kambe Kriste i hinkwaswo eka hinkwavo.[12] Funengelani hakona, leswi mi nga vahlawuriwa va Xikwembu, vakwetsimi ni varhandziwa, ku tiyingisa ka tintswalo, ni vunene, ni ku titsongahata, ni ku olova, ni ku yingisela;[13] yingiselanani mi rivalelana, loko un'wana a ri ni mholovo ni un'wana; kukota Kriste a mi tweleke vusiwana, endlisani sweswo na n'wina.

EKLESIASTA ٧:٩
U nga tshuki u hatlisa ku kariha embilwini ya wena, hikuva vukari byi salela exifuveni xa xihunguki.

VAEFESA 4:26
Kungakuloko mi kariha, mi nga tshuki mi dyoha; dyambu ri nga peleli vukari bya n'wina;

EZEKIELE ٣:١٤
Moya wu ndzi tlakula, wu ndzi susa, kutani ndzi tifambela hi ku vaviseka ni ku kariha; kambe voko ra Yehovha a ri tirha ehenhla ka mina hi matimba.

ESAYA 38:17
Waswivo, mahlomulo yanga ma tirhile ku hlayiseka ka mina; hi rirhandzu ra wena u humesile moya wa mina esirheni ra swahava; hikuva u cukumetile swidyoho swa mina hinkwaswo endzhaku ka wena.

YOBO ٧:١١
“Loko swi ri tano ndzi nga ka ndzi nga tipfali nomu, Kambe ndzi ta vulavula hi gome ra mbilu ya mina, Ndzi ta humesa ku bava ka moya wa mina.

YOBO 10:1
“Mbilu ya mina yi phiriwile hi vutomi bya mina! Ndzi fanela ku nyika ku dzumadzuma ka mina nkarhi, Ndzi vulavula eku vavisekeni ka moya wa mina.

YOBO ٢١:٢٥
Kasi un'wana u fela emasangwini ya moya wa yena, A nga nantswangi ku tsaka.

MARKA 11:25
Kungakuloko mi yima mi khongela, rivalelani loyi mi nga va ni mhaka na yena leswaku na yena Tata wa n'wina la nga ematilweni, a mi rivalela ku dyoha ka n'wina.

SWIVURISO 10:12
Rivengo ri pfuxa timholovo, Kambe rirhandzu ri funengeta ku dyoha hinkwako.

SWIVURISO ١٤:١٠
Mbilu yi titivela ku vava ka yona, Ni ku tsakisisa ka yona ku nga ka ku nga kumiwi hi un'wana.

SWIVURISO 15:1
Ku hlamula lokunene ka rheleta vukari, Kambe ku vulavula loku tlhavaka ku pfuxa timholovo.

SWIVURISO 17:25
Xihunguki xa n'wana u khomisa tata wa yena tingana, U dyisa mbitsi la n'wi velekeke.

VARHOMA ٣:١٤
“Milon'wini ya vona ku tele tinhlambha ni ku bava.”

MATEWU ٦:١٤-١٥
[١٤] Hikuva kungakuloko mi rivalela vanhu ku dyoha ka vona, Tata wa n'wina la nga ematilweni, u ta mi rivalela, na n'wina;[١٥] kambe loko mi nga rivaleli vanhu ku dyoha ka vona, Tata wa n'wina, na yena, a nga ka a nga mi rivaleri ku dyoha ka n'wina.

YAKOBO 1:19-20
[19] Hikwalaho, vamakwerhu lava rhandziwaka, munhu un'wana ni un'wana a a ve la chivirikaka ku yingisa a hlwela ku vulavula, a hlwela ni ku kariha;[20] hikuva ku kariha ka munhu a ku tirhisani ni ku lulama ka Xikwembu.

VAHEVERU 12:14-15
[14] Hisekelani ku va ni ku rhula ni hinkwavo, ni ku kwetsima, loku, kungakuloko munhu a ku pfumala, a nga ka a nga voni Hosi;[15] mi tilangutela leswaku ku nga tshuki ku va na un'we la titsonaka tintswalo ta Xikwembu, rimitsu ro bava ri nga tshuki ri mi hlukela, ri mi pfilunganya, kutani lavo tala va onhaka ha rona.

VAEFESA 4:31-32
[31] Ku vilela hinkwako, ni ku hlundzuka hinkwako, ni ku kariha hinkwako, ni pongo hinkwaro, ni ku hlevana hinkwako, ni mona hinkwawo, a swi susiwe exikarhi ka n'wina,[32] kambe mi yingiselana mi tsetselelana, mi rivalelana, kukotisa leswi Xikwembu, na xona, xi mi rivaleleke ha Kriste.

Tsonga Bible
© Bible Society of South Africa. All rights reserved