A A A A A

Bad Character: [Judgmental]


1 VAKORINTO 4:5
Hikwalaho mi nga tshuki mi avanyisa nchumu, nkarhi wu nga si fika, Hosi yi ko yi vuya; hi yona leyi nga ta humesela eku vonakaleni leswi fihliweke hi swa munyama, ni ku kombisa makungu ya timbilu; kutani enkarhini wolowu, Xikwembu xi ta nyika munhu un'wana ni un'wana ku dzunisiwa loku n'wi ringanaka.

1 VAKORINTO 11:31
Hikuva loko ngi ha tiavanyisa, a hi nga ti avanyisiwa;

2 VAKORINTO 5:10
Hikuva hi ta fanela ku humelela hinkwerhu emahlweni ka xitshamo xa ku avanyisa xa Kriste, leswaku un'wana ni un'wana a ta amukela leswi ringanaka leswi a swi endleke loko a ha ri emirini, hambi swi ri leswo saseka, hambi swi ri leswo biha.

2 PETRO 2:4
Hikuva Xikwembu, loko xi nga tsetselelanga tintsumi leti nga dyoha, Kambe xi ti nyiketa etimpecaneni ta munyama, ti hoxiwa etiheleni; kutani a ti nyiketa leswaku ti hlayiseriwa ku avanyisiwa;

TIMHAKA 17:31
Hikuva xi vekile siku leri xi nga ta avanyisa misava ha rona hi mukhuva lowo lulama, hi wanuna loyi xi n'wi hlawuleleke swona; kutani xi tiyisile eka hinkwavo mhaka leyi, hi ku n'wi pfuxa eku feni.”

EKLESIASTA 12:14
hikuva Xikwembu xa ha ta yisa mitirho hinkwayo eku avanyiseni ni leswi fihliweke hinkwaswo, hambi swi ri leswo biha, hambi swi ri leswo saseka.

VAHEVERU 9:27
Kutani kukotisa loko ku lerisiwe leswaku vanhu hinkwavo va fa kan'we, endzhaku ka swona ku va ku avanyisiwa;

YOHANE 12:48
La ndzi alaka, a nga amukeri marito ya mina, u ni la n'wi avanyisaka; rito leri ndzi nga ri vula, hi rona leri nga ta n'wi avanyisa hi siku ra makumu.

MATEWU 12:36
Hikwalaho ndzi ri eka n'wina: Hi siku ra ku avanyisa, vanhu va ta hlamulela ku vulavula kun'wana ni kun'wana ka vuhava lebyi va byi vuleke;

MATEWU 24:36
“Loko ri ri siku lero ni nkarhi, a ku na loyi a wu tivaka; swi tsandza ni tintsumi ta le matilweni, a ti wu tivi, hambi a ri N'wana; kambe ku tiva Tatana a le swakwe.

TIPISALEMA 50:4
Xi huwelela ematilweni ehenhla, Ni la emisaveni, ku avanyisa tiko ra xona.

TIPISALEMA 96:13
Emahlweni ka Yehovha! Hikuva wa ta, Wa ta ku avanyisa misava; U ta avanyisa misava hi ku lulama, Ni matiko hi vunene bya yena.

NHLAVUTELO 21:4
Xikwembu xi ta hlangula mihloti hinkwayo emahlweni ya vona, kutani rifu a ri nga ha vi kona, a ku nga ha vi na nkosi, hambi ku ri ku kolola, kumbe ku vaviseka, hikuva leswo sungula swi hundzile.”

VARHOMA 2:16
swi ta humelela hi siku leri Xikwembu xi nga ta avanyisa leswi fihliweke swa vanhu ha Yesu Kriste, hilaha Evhangeli ya mina yi vulaka hakona.

EZEKIELE 7:7-8
[7] Khombo ri na wena, wena muaki wa tiko! Nkarhi wu fikile, siku ri le kusuhi; ku nga ri ra ku yimbelela etintshaveni, kambe ra ku vaviseka.[8] Sweswi, ndzi ta hetisa vukari bya mina ehenhla ka wena, ndzi ta byi hetisa kunene, ndzi ta ku avanyisa hikwalaho ka mikhuva ya wena, kutani ndzi ta ku rihisela manyala ya wena hinkwawo.

NHLAVUTELO 20:11-15
[11] Kutani ndzi vona xiluvelo lexikulu lexo basa ni loyi a tshamiseke eka xona. Tilo ni misava swi baleka emahlweni ka mombo wa yena, kutani xivandla xa swona xi nga ha vonaki.[12] Ndzi vona ni vafi lavakulu ni lavatsongo, va yimile emahlweni ka xiluvelo. Kutani tibuku ti hanguluxiwa; ku hanguluxiwa ni buku yin'wana, yi nga buku ya vutomi, kutani vafi va avanyisiwa hi leswi tsariweke etibukwini, ku ri hi mitirho ya vona.[13] Lwandle ri tlherisa vafi va rona; rifu ni xivandla xa vafi, swi humesa vafi lava ngi va ri eka swona; kutani un'wana ni un'wana a avanyisiwa hi mitirho ya yena.[14] Kutani rifu ni xivandla xa vafi swi hoxiwa etiveni ra ndzilo; hi rona rifu ra vumbirhi, tiva ra ndzilo.[15] Kutani un'wana ni un'wana la nga ka a nga kumiwanga a tsariwile ebukwini ya vutomi, a hoxiwa etiveni ra ndzilo.

Tsonga Bible
© Bible Society of South Africa. All rights reserved