A A A A A

Additional: [Death Penalty]


VARHOMA 6:23
Hikuva hakelo ya vudyoho i rifu, kambe ku nyika ka tintswalo ta Xikwembu, i vutomi lebyi nga heriki, ha Yesu Kriste, Hosi ya hina.

TIMHAKA 25:11
Loko ndzi endlile swo homboloka eka un'wana, kumbe loko ndzi endlile xin'wana lexi fanelaka rifu, a ndzi ari ku fa, kambe loko swi nga ri tano etimhakeni leti va ndzi hehlaka ha tona, a ku na munhu la nga ndzi nyiketaka vona; ndzi tiveka eka Khezari.”

NHLAVUTELO 21:8
Kambe loko ma ri matoya, ni lava nga pfumelangiki, ni va manyala, ni vadlayi, ni vaoswi, ni vangoma va mavunwa, ni lava khongelaka swifaniso swa swikwembu, ni vahembi hinkwavo, ku averiwa ka vona ku le tiveni leri pfurhaka ra ndzilo ni xivavula; laha, i rifu ra vumbirhi.”

LEVHITIKA 20:10-13
[10] “Kungakuloko wanuna a oswana ni wansati la tekiweke, u oswana ni nsati wa warikwavo, wanuna ni wansati lava oswaneke va ta dlawa.[11] “Loko wanuna a etlela ni nsati wa tata wa yena, u funungula vuhava bya tata wa yena; va ta dlawa havambirhi; ngati ya vona yi le henhla ka vona.[12] “Kungakuloko wanuna a etlela ni n'wingi wa yena, va ta dlawa havambirhi; va onhile ngopfu; ngati ya vona yi le henhla ka vona.[13] “Loko wanuna a etlela ni wanunakulobye, kukotisa loko munhu a etlela ni wansati va endlile havambirhi xilo lexo biha ngopfu, va ta dlawa; ngati ya vona yi le henhla ka vona.

EKSODA 21:12-17
[12] “Loko munhu a dlaye un'wana, na yena, u ta fanela ku dlawa kunene.[13] Loko a nga n'wi dlayanga ha vomu, kambe Xikwembu xi n'wi dlele hi voko ra yena, ndzi ta ku lavela xivandla laha a nga ta balekela kona.[14] Loko un'wana a pfukele un'wana hi matimba ku n'wi dlaya ha vomu u ta n'wi khoma ku n'wi dlaya, hambi a balekele egandzelweni.[15] “La beke tata wa yena kumbe mana wa yena, u ta dlawa.[16] “Loko un'wana a yive munhu ku n'wi xavisa, kutani a kumiwa emavokweni ya yena, muyivi u ta dlawa.[17] “La rhukaneke tata wa yena kumbe mana wa yena, u ta dlawa.

EKSODA 22:19
“Un'wana na un'wana la etlelaka ni xifuwo u ta dlawa.

DEUTERONOMA 22:24
mi ta va humesa havambirhi enyangweni ya muti lowo, mi va khandla hi maribye va fa: wanhwana u ta fa hikuva a nga huwelelanga emutini, ni wanuna u ta fa hikuva u khomisile nsati wa warikwavo tingana. Sweswo u ta susa lowo biha exikarhi ka wena.

DEUTERONOMA 13:5
Muprofeta loyi, hambi mulorhi loyi, u ta dlawa hikuva u susumetile vanhu ku landzula Yehovha, Xikwembu xa n'wina (la mi humeseke etikweni ra Egipta, a va a mi kutsula endlwini ya vukhumbi), a lava ku ku hambukisa endleleni leyi Yehovha, Xikwembu xa wena, a ku leriseke ku famba ha yona, U ta susa lowo biha exikarhi ka n'wina.

LEVHITIKA 24:16
La sandzeke vito ra Yehovha u ta biwa hi rifu; nhlengeletano hinkwayo yi ta n'wi khandla hi maribye. Hambi muluveri, hambi wa tiko, u ta fa hikuva u sandzile vito ra Xikwembu.

DEUTERONOMA 21:18-21
[18] “Kungakuloko munhu a ri ni n'wana la nga yingisiki, la tiarisaka, la nga yingisiki rito ra tata wa yena ni rito ra mana wa yena; ni loko ingi va n'wi layile, kambe a nga va yingisanga;[19] tata wa yena ni mana wa yena va ta n'wi khoma, va n'wi yisa emahlweni ka vakulukumba va muti wa yena, enyangweni ya vuako bya yena;[20] kutani va ta ku eka vakulukumba va muti: ‘N'wana wa hina loyi a tiarisaka, a nga yingisi rito ra hina, i muoswi ni munwi.’[21] Vavanuna hinkwavo va muti wa yena va ta n'wi khandla hi maribye leswaku a fa, hi mukhuva wolowo u ta susa lowo biha exikarhi ka wena kutani Vaisraele hinkwavo va ta swi yingisa, va ta chava.

DEUTERONOMA 17:6
Hi milomu ya timbhoni timbirhi hambi tinharhu, va ta dlaya la faneleke hi rifu; a nga ka a nga dlawi hi nomu wa mbhoni yin'we.

LEVHITIKA 20:27
“Kungakuloko wanuna, hambi wansati, a vutisa swikwembu, kumbe loko va bvumbha, va ta dlawa; va ta khandliwa hi maribye; ngati ya vona yi le henhla ka vona.”

TINHLAYO 15:32-36
[32] Vana va Israele a va ri mananga, kutani va kuma munhu la rhotelaka tihunyi hi siku ra Savata.[33] Lava n'wi kumeke loko a a ri karhi a rhotela tihunyi va n'wi tisa eka Muxe ni ka Aroni, ni ka nhlengeletano hinkwayo.[34] Va n'wi nghenisa ekhotsweni, hikuva lexi va faneleke ku n'wi endla xona a xi nga si vuriwa.[35] Kavaloko Yehovha a ku eka Muxe: “Munhu loyi u ta dlawa nhlengeletano hinkwayo yi ta n'wi khandla hi maribye ehandle ka mixaxa.”[36] Kutani nhlengeletano hinkwayo yi n'wi humesa ehandle ka mixaxa, yi n'wi khandla, kutani a fa, hilaha Yehovha a leriseke Muxe hakona.

LEVHITIKA 20:2-9
[2] “Mani na mani exikarhi ka vana va Israele, hambi exikarhi ka valuveri lava luvelaka eIsraeleni, la nyikaka un'wana wa vana va yena ku n'wi humesela Moloko, u ta avanyiseriwa rifu: vanhu va tiko va ta n'wi khandla hi maribye.[3] Na mina ndzi ta languta munhu loyi, hi vukari, ndzi n'wi susa exikarhi ka tiko ra yena, hikuva u humesele Moloko n'wana wa yena ku nyamisa vukwetsimelo bya mina, ni ku endla xisandzu hi vito ra mina ro kwetsima.[4] Kungakuloko vanhu va tiko va tisiva mahlo ehenhla ka munhu loyi, loko a humesele Moloko vana va yena, va nga n'wi dlayi,[5] mina ndzi ta languta hi vukari munhu loyi ni yindlu ya yena, ndzi n'wi susa etikweni ra yena, swin'we ni hinkwavo lava tinyiketaka vuoswi kukotisa yena, hi ku oswana na Moloko.[6] “Kungakuloko munhu a ya evangomeni ni ka lava hlahluvaka, a oswana na vona, ndzi ta languta hi vukari munhu loyi, ndzi n'wi susa etikweni ra yena.[7] Mi ta tihlawula, kutani mi ta va lava hlawulekeke; hikuva hi mina Yehovha, Xikwembu xa n'wina.[8] Mi ta hlayisa milawu ya mina ni ku yi endla; hi mina Yehovha la mi hlawulaka.[9] “Un'wana ni un'wana la rhukanaka tata wa yena, hambi mana wa yena, u ta dlawa: u rhukanile tata wa yena hambi mana wa yena; ngati ya yena yi le henhla ka yena.

LEVHITIKA 24:17
“La baka munhu, hambi a ri mani na mani, kutani a fa, u ta dlawa.

DEUTERONOMA 17:12
Kambe munhu la nga ta tikurisa, a nga yingisi muprista la yimaka ku tirhela Yehovha Xikwembu xa wena, kumbe muavanyisi, munhu loyi u ta fa. U ta susa lowo biha eIsraeleni.

EKSODA 21:14
Loko un'wana a pfukele un'wana hi matimba ku n'wi dlaya ha vomu u ta n'wi khoma ku n'wi dlaya, hambi a balekele egandzelweni.

GENESA 9:6
Un'wana ni un'wana la nga ta halata ngati ya munhu, ngati ya yena yi ta halatiwa hi munhukulobye; hikuva Xikwembu xi endle munhu hi xifaniso xa xona.

EKSODA 20:13
“U nga tshuki u dlaya.

VARHOMA 13:1-7
[1] Munhu un'wana ni un'wana a a yingise vuhosi; hikuva a ku na vuhosi lebyi nga humiki eka Xikwembu; kutani tihosi leti nga kona, ti vekiwile hi Xikwembu.[2] Hikwalaho la alaka vuhosi, u ala nawu wa Xikwembu, kutani lava wu alaka, va tikokela ku avanyisiwa ehenhla ka vona.[3] Hikuva lava fumaka a va chaviwi hi lava endlaka swinene, kambe va chaviwa hi lava endlaka swo biha. Xana u rhandza leswaku u nga chavi vuhosi? Endla swinene, u ta khensiwa hi byona,[4] hikuva hosi i nandza wa Xikwembu ku ku endlela swo saseka; kambe loko u endla swo biha, u fanele ku chava, hikuva hosi a yi tamelanga fumu ntsena; hikuva i nandza wa Xikwembu, ni murisi la vekiweke ku ba lava endlaka swo biha.[5] Hikwalaho mi fanele ku tiveka ehansi ka vuhosi, ku nga ri hikwalaho ka ku chava ku biwa ntsena, kambe hikwalaho ka ripfalo.[6] Hikwalaho mi humesaka ndzuvo; hikuva tihosi, i vatirhi va Xikwembu lava tiyiselaka entirhweni wa vona hi mikarhi.[7] Nyikani vanhu hinkwavo leswi va fanelaka; la fanelaka ku nyikiwa ndzuvo, mi n'wi ha ndzuvo; la fanelaka ku kungiwa, mi n'wi kunga; la fanelaka ku chaviwa, mi n'wi chava; la fanelaka ku fundzhiwa, mi n'wi fundzha.

YOHANE 8:3-11
[3] Kavaloko vatsari ni Vafarisi va n'wi tisela wansati la khomiweke a endla vuoswi; kuteloko va n'wi vekile exikarhi,[4] va ku eka yena: “Mufundhisi, nsati loyi, u khomiwile evuoswini.[5] Kutani Muxe u hi lerisile enawini ku khandla lavo tano hi maribye; wena-ke, u ri yini?”[6] Va vurisa sweswo ku n'wi ringa, ni ku kuma leswi va nga ta n'wi hehla ha swona. Kambe Yesu a korhama a tsala ehansi hi ritiho.[7] Kutani, hikuva va n'wi sindzisa hi ku n'wi vutisa, a ololoka, a ku eka vona: “La nga riki na xidyoho eka n'wina, a a ve yena la sungulaka ku n'wi khandla hi ribye.”[8] A tlhela a korhama, a tsala ehansi.[9] Kuteloko va twile ku hlamula ka yena, va tshinyiwa hi mapfalo, kutani va tisukela va longolokile, ku sungula hi lavakulu, ku hetelela hi lave ndzhaku; Yesu a sala a ri swakwe; wansati yena a yime xikarhi.[10] Kutani Yesu a ololoka; kakuloko a nga ha voni munhu, loko a nga ri wansati ntsena, a ku eka yena: “Wansati, vahehli va wena va kwihi-ke? Xana a ku na munhu la ku avanyiseke?”[11] A ku: “A nga kona, Hosi.” Kutani Yesu a ku eka yena: “Na mina, a ndzi ku avanyisi; famba, u nga ha tlheli u dyoha.”

MATEWU 5:17
“Mi nga tshuki mi anakanya leswaku ndzi tile ku herisa nawu, hambi va ri vaprofeta; a ndzi tanga ku ta herisa ndzi tile ku ta hetisisa.

GENESA 9:5-6
[5] Kutani ndzi ta rihisela ngati ya n'wina, byi nga vutomi bya n'wina; ndzi ta yi rihisela eka swiharhi hinkwaswo, ni ka vanhu, ndzi ta rihisela vutomi bya munhu un'wana ni un'wana eka voko ra makwavo.[6] Un'wana ni un'wana la nga ta halata ngati ya munhu, ngati ya yena yi ta halatiwa hi munhukulobye; hikuva Xikwembu xi endle munhu hi xifaniso xa xona.

MATEWU 5:38-39
[38] “Mi swi twile leswaku ku vuriwile va te: ‘Tihlo ri rihisiwa hi tihlo, tino hi tino.’[39] Kambe mina ndzi ri eka n'wina: Mi nga tshuki mi alela la mi endlaka swo biha; kambe loko munhu a ku phakata rhama ra xinene, u n'wi hundzukela ni rin'wana.

DEUTERONOMA 22:22
“Kungakuloko va kuma wanuna a etlele ni wansati la tekiweke va ta fa havambirhi, wanuna la etleleke ni wansati, na yena wansati. U ta susisa sweswo lowo biha eIsraeleni.

VARHOMA 12:19
Varhandziwa, mi nga tshuki mi tirihisela mi ri n'wina; kambe kendlukelani vukari bya Xikwembu, hikuva ku tsariwe leswaku: “Ku rihisa, i ka mina; hi mina loyi ndzi nga ta rihisa; ku vula Hosi.”

VARHOMA 13:9
Hikuva milawu leyi nge: “U nga tshuki u oswa; u nga tshuki u dlaya; u nga tshuki u yiva; u nga tshuki u lumbeta warikwenu; u nga tshuki u navela swilo swa un'wana”; hambi wu ri nawu wihi ni wihi lowu nga kona, wu katsakanyiwa hi rito leri nge: “Rhandza warikwenu kukota loko u tirhandza.”

MATEWU 7:5
Mukanganyisi, rhanga u pfuta ntsandze lowu nga le tihlweni ra wena, kutani hilaha u nga ta vonisisa swinene ku pfuta xilavi etihlweni ra makwenu.

LEVHITIKA 20:14
“Loko wanuna a teka wansati swin'we ni mana wa yena, i ku dyoha loku chavisaka; va ta hisiwa endzilweni havambirhi leswaku ku dyoha loku ku nga tshuki ku va kona exikarhi ka n'wina.

LEVHITIKA 21:9
Kungakuloko n'wana wa wanhwana wa muprista a tikhomisa tingana hi ku tinyiketa vuoswi, a khomise tata wa yena tingana; u ta hisiwa endzilweni.

LEVHITIKA 24:14-23
[14] “Humesa musandzi ehandle ka mixaxa, kutani hinkwavo lava n'wi tweke va ta tlhandleka mavoko ya vona enhlokweni ya yena, kutani nhlengeletano hinkwayo yi ta n'wi khandla hi maribye.[15] U ta byela vana va Israele, u ku eka vona: Mani na mani la rhukanaka Xikwembu xa yena, u ta rhwala ku biwa ka ku dyoha ka yena.[16] La sandzeke vito ra Yehovha u ta biwa hi rifu; nhlengeletano hinkwayo yi ta n'wi khandla hi maribye. Hambi muluveri, hambi wa tiko, u ta fa hikuva u sandzile vito ra Xikwembu.[17] “La baka munhu, hambi a ri mani na mani, kutani a fa, u ta dlawa.[18] “La baka xifuwo, kutani xi fa, u ta humesa xifuwo xin'wana ematshan'weni ya xona: vutomi byi rihisiwa hi vutomi.[19] “La boxaka mbanga emirini wa un'wana wa rikwavo, u ta endliwa kukotisa leswi a n'wi endleke swona.[20] Ku tshoviwa ku rihisiwa hi ku tshoviwa, tihlo hi tihlo, tino hi tino; mbanga leyi a yi boxeke ka munhu, yi ta boxiwa eka yena.[21] “La dlayaka xifuwo, u ta riha hi xifuwo. La dlayaka munhu, u ta dlawa.[22] “Mi ta va ni nawu wun'we eka hinkwavo; wu ta va wun'we eka muluveri ni ka la tswariweke etikweni; hikuva hi mina Yehovha, Xikwembu xa n'wina.”[23] Kavaloko Muxe a byela vana va Israele timhaka leti, kutani va humesa ehandle ka mixaxa la sandzeke, va n'wi dlaya hi maribye. Vana va Israele va endla hi laha Yehovha a leriseke Muxe hakona.

2 SAMIELE 12:13
Kutani Davhida a ku eka Natani: “Ndzi dyohele Yehovha.” Kutani Natani a ku eka Davhida: “Yehovha u hundzisile xidyoho xa wena; u nga ka u nga fi;

VARHOMA 5:8
Kambe Xikwembu xi kombisile ngopfu rirhandzu ra xona eka hina, hileswaku loko ha ha ri vadyohi, Kriste u hi ferile.

DEUTERONOMA 5:17
“ ‘U nga tshuki u dlaya.

LUKA 23:33
Kuteloko va fikile exivandleni lexi va nge i Ripala, va n'wi vamba kona ni swidyohi; xin'wana xi va evokweni ra xinene, xin'wana eka lera ximatsi.

MATEWU 7:1
“Mi nga tshuki mi avanyisa, mi nga ti avanyisiwa na n'wina;

Tsonga Bible
© Bible Society of South Africa. All rights reserved