A A A A A

Additional: [Suicide]


2 SAMIELE 17:23
Kuteloko Ahitofele a vonile leswaku makungu ya yena a ma yingisiwanga, a pana mbhongolo ya yena, a pfuka a famba karikwavo, emutini wa yena, kutani kuteloko a lerisile va yindlu ya yena timhaka ta yena, a tisunga; sweswo a fa, a lahliwa esirheni ra tata wa yena.

ESAYA 41:10
U nga chavi, ndzi na wena. U nga tshuki hikuva ndzi Xikwembu xa wena. Ndza ku tiyisa, ndza ku lwela, ndzi ku khoma hi voko ra mina ra xinene leri hlulaka.

ESAYA 55:11
swi tano ni rito ra mina, le ri humaka enon'wini wa mina: Ri nga ka ri nga tlheleri eka mina ri nga si tirha nchumu, ri nga si endla ku rhandza ka mina, ri nga si hetisa makungu ya mina.

YEREMIYA 29:11
Hikuva mina ndzi tiva mianakanyo ya mina leyi ndzi yi anakanyaka ematshan'weni ya n'wina, ku vula Yehovha, hikuva i mianakanyo yo rhula yi nga ri ya ku biha, ndzi ta mi nyika ku hetelela ka ku saseka ni ku tshemba.

YOHANE 10:10
Khamba a ri ti ntsena, loko ku nga ri ku yiva, ni ku tlhava, ni ku lovisa, mina ndzi tile leswaku tinyimpfu ti va ni vutomi, ti byi kuma hi ntalo.

1 YOHANE 4:4
Loko mi ri n'wina, vana vanga, mi va Xikwembu, kutani mi va hlurile hikuva la nga na n'wina, u tlula hi vukulu la nga emisaveni.

MARKA 16:16
La nga ta pfumela, kutani a khuvuriwa u ta hlayiseka; kambe la nga pfumeriki, u ta avanyisiwa.

TIPISALEMA 55:22
Nyiketa Yehovha timhaka ta wena, u ta ku seketela; A nga ka a nga pfumeli ni siku ni rin'we leswaku la lulameke a tsekatsekisiwa.

VARHOMA 8:1-2
[1] Kutani sweswi, a ka ha ri na ku avanyisiwa eka lava nga ka Yesu Kriste.[2] Hikuva nawu wa Moya wa vutomi lowu nga eka Yesu Kriste, wu ndzi ntshuxile enawini wa vudyoho ni wa rifu.

VARHOMA 8:38-39
[38] Hikuva ndza swi tivisisa ngopfu leswaku, hambi ku ri ku fa, hambi ku ri ku hanya, hambi ti ri tintsumi, hambi ku ri ku fuma loku ka matimba, hambi swi ri leswi nga kona sweswi, hambi swi ri leswi nga ta ta,[39] hambi swi ri leswi nga ehenhla, hambi swi ri leswi nga ehansi, hambi xi ri xivumbiwa xin'wana; ndzi ku: Ku hava lexi nga tivaka ku hi hambanyisa ni rirhandzu ra Xikwembu, leri nga kombisiwa ha Yesu Kriste, Hosi ya hina.

MATEWU 27:3-4
[3] Kutani Yudasi la nga n'wi xenga loko a vona leswaku Yesu u avanyisiwile, a va ni tingana, kutani a tlherisa mali ya makume manharhu eka vaprista lavakulu,[4] a ku eka vona: “Ndzi dyohile hi ku xenga ngati leyi nga riki na nandzu.” Va ku: “Swi na yini ka hina? Tilangutele u ri wena kwalaho.”

TIPISALEMA 34:18-19
[18] Yehovha u kusuhi ni lava nga ni timbilu leti tshovekeke, U ponisa va mimoya leyi khinyekeke.[19] Makhombo ya la lulameke ma tele ngopfu, Kambe Yehovha u n'wi humesa eka wona hinkwawo.

1 SAMIELE 31:3-5
[3] Ku lwa a ku hisa laha ku nga na Sawulo, vacopi va vurha va fika eka yena, kutani a hlongorisiwa ngopfu hi vacopi va vurha.[4] Kutani Sawulo a ku eka mutameri wa matlhari ya yena: “Hlomula banga ra wena u ndzi tlhava ha rona, leswaku lava nga yimbangiki va nga tshuki va ta ndzi tlhava, va tlanga ha mina.” Kambe mutameri wa matlhari ya yena a nga pfumelanga, hikuva a a chavile ngopfu. Kavaloko Sawulo a teka banga ra yena, a titlhava ha rona.[5] Kakuloko mutameri wa matlhari a vona leswaku Sawulo a file, a titlhava na yena hi banga ra yena, kutani a fa na yena.

1 TIHOSI 16:15-20
[15] Hi lembe ra 27 ra Asa, hosi ya Yuda, Zimri a fuma hi masiku ya ntlhanu na mambirhi eTirisa. Tiko a ri govile emahlweni ka Gibetoni, lowu ngi wu ri wa Vafilista.[16] Kutani tiko leri ngi ri ri emixaxeni ri twa loko va ku: “Zimri u endle ximhuku, na swona, u dlayile hosi.” Kutani, hi siku rolero, Vaisraele hinkwavo lava nga emixaxeni va veka Omri ndhuna ya nyimpi, yi va hosi ya Israele.[17] Kavaloko Omri ni Vaisraele hinkwavo, va suka eGibetoni va ya rhendzela Tirisa.[18] Zimri kakuloko a vona leswaku muti wu tekiwile, a nghena endlwini ya hosi, a hisa yindlu ya hosi ehenhla ka yena;[19] kutani a fa hikwalaho ka swidyoho swa yena leswi a swi endleke hi ku endla leswo biha emahlweni ka Yehovha, a ri karhi a famba endleleni ya Yerobuwamu ni le swidyohweni swa yena, leswi a dyohiseke Israele ha swona.[20] Leswi seleke swa timhaka ta Zimri, ni ximhuku lexi a xi endleke, xana a swi tsariwanga ebukwini ya Tikronika ta tihosi ta Israele xana?

VAAVANYISI 9:50-55
[50] Abimeleke a ya eTebese, a sivelela Tebese, a wu teka.[51] Kambe khokholo lero tiya a ri ri kona exikarhi ka muti, laha vavanuna ni vavasati hinkwavo ni vakulukumba hinkwavo, va muti va nga balekela kona. Kuteloko, va tipfalele kona va khandziya elwangwini ra khokholo.[52] Kutani Abimeleke a tshinelela ekhokholweni, a lwa ka rona, a tshinela ekusuhi ni khokholo leswaku a ri hisa.[53] Kambe wansati a hoxa ribye ro sila enhlokweni ya Abimeleke a n'wi faya rhavarhava.[54] Kutani Abimeleke a hatlisa a vitana jaha, mutameri wa matlhari ya yena, a ku eka yena: “Hlomula tlhari ra wena, u ndzi dlaya, va nga ti tshuka va ku: ‘U dlayiwile hi wansati.’ ” Kutani jaha ri n'wi tlhava a fa.[55] Kutani vavanuna va Israele loko, va vona leswaku Abimeleke a file, va timukela, un'wana ni un'wana ekaya ka rikwavo.

VAAVANYISI 16:25-30
[25] Kutani leswi timbilu ta vona ti tsakeke va ku: “A ku vitaniwe Samsoni a ta tlanga emahlweni ka hina.” Kutani va ya teka Samsoni ekhotsweni, a ta, a tlanga emahlweni ka vona; kambe a va n'wi yimisile exikarhi ka timhandze.[26] Kutani Samsoni a ku eka wandzisanyana la n'wi khomaka hi voko: “Ndzi yimise, ndzi tikhomelela hi timhandze leti tlhivaka yindlu, ndzi tiseketela ha tona.”[27] Kambe yindlu a yi tele hi vavanuna ni vavasati, ni tihosi ta Vafilista a ti ri kona hinkwato swi tsandza ni le lwangwini, a ku ri ni vavanuna ni vavasati, a va lava ku va 3 000, lava langutaka Samsoni loko a tlanga.[28] Kavaloko Samsoni a huwelela eka Yehovha, a ku: “Oho Hosi Yehovha, ndzi anakanye! Oho Xikwembu ndzi nyike matimba namuntlha ntsena, ndzi tirihisela kan'we mahlo ya mina mambirhi eka Vafilista.”[29] Kutani Samsoni a khoma timhandze timbirhi leti tlhivaka yindlu, a tiseketela eka yin'wana hi voko ra xinene, ni ka yin'wana hi lera ximatsi.[30] Samsoni a ku: “Moya wanga a wu fe ni Vafilista!” Kutani a ololoka hi matimba, yindlu yi wela ehenhla ka tihosi ni vanhu hinkwavo lava ngi va ri kona; kutani eku feni ka yena a dlaya lavo tala ku tlula lava a nga va dlaya eku hanyeni ka yena.

Tsonga Bible
© Bible Society of South Africa. All rights reserved