A A A A A

Additional: [Helping the Poor]


VAGALATIYA 2:10
ntsena va hi khongoterile leswaku hi tsundzuka swisiwana, kutani leswo, ndzi swi xiyile ku swi endla.

MATEWU 19:21
Yesu a ku eka yena: “Loko u rhandza ku va la hetisekeke, famba u ya xavisa leswi u nga na swona, u avela swisiwana kwalaho u ta va ni xuma etilweni, kutani u ta, u ndzi landza.”

LUKA 12:33-34
[33] Xavisani leswi mi nga na swona, mi nyika swisiwana; mi tilavela mikwama leyi nga hlakariki, ni xuma ematilweni lexi nga heriki, lexi khamba ri nga xi yiviki, ni laha tinsumba ti nga onhiki;[34] hikuva laha xuma xa n'wina xi nga kona, timbilu ta n'wina, na tona, ti ta va kona.

LUKA 14:12-14
[12] Kambe a ku eka loyi a n'wi vitaneke: “Loko u endla nkhuvo wa xifihlulo, kumbe wa xisalelo, u nga tshuki u vitana vanakuloni, kumbe vamakwenu, kumbe maxaka ya wena, kumbe lava fuweke lava u akeke na vona; swi nga ri leswaku kumbe na vona va ku vitana, va etisa swa wena.[13] Kambe loko u endla nkhuvo, vitana vapfumari, ni swilema, ni lava khwitaka, ni lavo fa mahlo;[14] kutani u ta kateka, hikuva va pfumala swa ku ku etisela swona, hikuva u ta etiseriwa hi siku ra ku pfuka ka lava lulameke.”

LUKA 6:20-21
[20] Kutani Yesu a tlakusa mahlo, a languta vadyondzisiwa va yena, a ku: “Mi katekile n'wina swisiwana, hikuva ku fuma ka Xikwembu ku le ka n'wina.[21] Mi katekile n'wina mi nga ni ndlala sweswi, hikuva mi ta xurhisiwa. Mi katekile n'wina mi rilaka sweswi, hikuva mi ta tsaka.

2 VAKORINTO 8:9
Hikuva mi tiva tintswalo ta Hosi ya hina Yesu Kriste, hikuva loko a ri karhi a fuwile, u tiendle xisiwana hikwalaho ka n'wina, leswaku mi kuma ku fuwa evusiwaneni bya yena.

YAKOBO 2:5
Yingisani, vamakwerhu lava rhandziwaka: Xana Xikwembu a xi hlawulanga swisiwana swa misava leyi, leswaku va va vafuwi eku pfumeleni, ni vadyandzhaka va ku fuma loku Xikwembu xi ku tshembiseke lava xi rhandzaka xana?

MARKA 14:7
Hikuva, loko swi ri swisiwana, mi ta va na swona hi masiku, kutani mi ta tiva ku swi endlela swinene siku mi swi rhandzaka, kambe mina ndzi nga ka ndzi nga vi na n'wina hi masiku.

SWIVURISO 19:17
La tsetselaka xisiwana u lomba Yehovha, Kutani Yehovha u ta hakela ku endla ka yena.

SWIVURISO 22:9
Munhu wa tintswalo u ta kateka, Hikuva u pfuna xisiwana hi swakudya swa yena.

SWIVURISO 14:31
La xanisaka xisiwana u sandza muendli wa xona, Kambe la nga ni vunene eka xisiwana, wa n'wi dzunisa.

SWIVURISO 28:27
La pfunaka vapfumari a nga ka a nga pfumali, Loko a ri loyi a tipfalaka mahlo, u ta talela hi ku rhukaniwa.

DEUTERONOMA 15:11
Hikuva mupfumari a nga ka a nga tshiki ku va kona etikweni; hikwalaho ndzi ku nyikaka nawu lowo namuntlha, ndzi ku: ‘U ta pfulela makwenu ni xisiwana, ni mupfumari la nga etikweni ra wena voko ra wena.’

SWIVURISO 21:13
La tisivaka tindleve leswaku a nga twi mikosi ya swisiwana, U ta rila na yena, kambe a nga ka a nga tsundzukiwi hi munhu.

LUKA 6:38
Hananani, mi ta hananiwa; va ta mi nyika exifuveni hi mpimo lowukulu, lowu congiweke, lowu hlunguhliweke, lowu halakaka; hikuva ku ringanisa loku mi ringanisaka van'wana hakona, mi ta ringanisiwa hakona na n'wina.”

MATEWU 5:42
Nyika la kombelaka ka wena, u nga fularheli la rhandzaka ku kombela eka wena.

YAKOBO 1:27
Vukhongeri lebyi tengeke, lebyi nga riki na xisandzu emahlweni ka Xikwembu, Tata wa hina, hi loko munhu a kamba swisiwana ni vavasati va tinoni emahlomulweni ya vona a va a tihlayisa, a nga ri na xivati xa misava.

LEVHITIKA 19:9-10
[9] “ ‘Kutakuloko mi tshovela etikweni ra n'wina, u nga fiki emakun'weni ya nsimu ya wena hi ku tshovela, u nga ka u nga rholeli leswi seleke eku tshoveleni ka wena.[10] U nga tshuki u kha leswi seleke evhinyeni ya wena, ni ku rholela mihandzu leyi weke ensin'wini ya wena U ta swi tshikela xisiwana ni muluveri. Hi mina Yehovha, Xikwembu xa n'wina.

1 YOHANE 3:17
Kambe kungakuloko munhu a ri ni swilo swa vutomi bya misava, kutani a vona makwavo a pfumala, kutani a n'wi pfalela mbilu ya yena, rirhandzu ra Xikwembu ri nga tshamisisa ku yini eka yena?

DEUTERONOMA 15:7-8
[7] “Kutakuloko un'wana wa vamakwenu xi ri xisiwana emutini wun'wana wa wena, etikweni leri Yehovha, Xikwembu xa wena, a ku nyikaka, u nga tshuki u nonon'hwisa mbilu ya wena, ni ku pfalela makwenu wa xisiwana xandla xa wena,[8] kambe u ta n'wi pfulela xandla xa wena, u n'wi lomba leswi ringanaka hinkwaswo leswi a swi pfumalaka.

MATEWU 25:31-46
[31] “Siku N'wana wa Munhu a nga ta ta eku kwetsimeni ka yena, ni tintsumi ta yena leto kwetsima ti ri na yena hinkwato, hilaha a nga ta tshamisa exiluvelweni xo kwetsima xa yena.[32] Kutani matiko hinkwawo ma ta hlengeletiwa emahlweni ka yena, u ta hlawula van'wana eka van'wana, kukotisa murisi loko a hlawula tinyimpfu eka timbuti.[33] U ta veka tinyimpfu evokweni ra yena ra xinene, timbuti, tona, eka lera ximatsi.[34] “Hilaha Hosi yi nga ta byela va le vokweni ra yena ra xinene, yi ku: ‘Tanani n'wina lava katekisiweke hi Tatana, amukelani ndzhaka ya ku fuma, leyi mi nga lunghiseriwa kaharhi loko misava yi tumbuluka;[35] hikuva a ndzi ri ni ndlala, mi tshama mi ndzi fihluta, a ndzi ri ni torha, mi ndzi siyele ndzi nwa; a ndzi ri muendzi, mi ndzi rhurhele;[36] a ndzi swerile, mi ndzi funengetile; a ndzi vabya, mi tile mi ta ndzi kamba; a ndzi ri ekhotsweni, mi tile eka mina.’[37] “Hi kona lava lulameke va nga ta n'wi hlamula, va ku: ‘Hosi, hi rini hi tshamaka hi ku vona u ri ni ndlala hi ku fihluta, ni loko u ri ni torha hi ku siyela u nwa?[38] Hi rini hi nga ku vona u ri muendzi, hi va hi ku rhurhela, ni loko u swerile, hi ku funengeta?[39] Hi rini hi nga ku vona u vabya, kumbe u ri ekhotsweni, hi ya eka wena?’[40] Hosi yi ta va hlamula, yi ku: ‘Ndzi vurisile ndzi ri eka n'wina: Leswi loko mi swi endlile eka lontsongo wa vamakwerhu, mi swi endlele mina.’[41] “Kutani u ta ku eka lava nga evokweni ra yena ra ximatsi: ‘Sukani ha mina, n'wina lava rhukaniweke; yanani endzilweni lowu nga timekiki, lowu lunghiseriweke Diyavulosi ni tintsumi ta yena;[42] hikuva a ndzi ri ni ndlala, a mi ndzi fihlutanga; a ndzi ri ni torha, a mi ndzi siyelanga ndzi nwa;[43] a ndzi ri muendzi, a mi ndzi rhurhelanga, a ndzi swerile, a mi ndzi funengetanga; a ndzi ri evuvabyini ni le khotsweni, a mi tanga mi ta ndzi kamba.’[44] “Hilaha, na vona va nga ta hlamula, va ku: ‘Hosi, hi rini hi tshamaka hi ku vona u ri ni ndlala, ni loko u ri ni torha, ni loko u ri muendzi, ni loko u swerile, ni loko u vabya, ni loko u ri ekhotsweni, hi nga ku pfunanga?’[45] Hilaha a nga ta va hlamula, a ku: ‘Ndzi vurisile ndzi ri eka n'wina: Loko mi nga swi endlanga eka un'wana wa lavatsongo, a mi swi endlanga, ni le ka mina.’[46] Kutani valavo va ta ya eku biweni loku nga heriki; kambe lavo lulama va ta ya evutomini lebyi nga heriki.”

ESAYA 25:4
Hikuva u xichavelo xa lava tsaneke, ni xichavelo xa xisiwana emapfalweni ya xona, ni xisirhelo hi siku ra xidzedze, ni ndzhuti loko dyambu ri hisa, hikuva moya wa vaxanisi wu kotisa xidzedze lexi solovanyaka khumbi.

TIMHAKA 20:35
Ndzi mi kombisile eswilweni hinkwaswo leswaku hi ku tirhisa sweswo, ku fanekele ku pfuniwa lavo tsana, ni ku anakanya rito ra Hosi Yesu, leri a nga ri vula hi xiviri xa yena, loko a te: ‘Ku nyika, i ku kateka loku tlurisaka ku nyikiwa.’ ”

SWIVURISO 29:7
Munhu wo lulama u twisisa timhaka ta xisiwana, Kambe lowo biha a nga na vutivi byo twisisa.

TIPISALEMA 140:12
Ndza tiva leswaku Yehovha u lamulela vaxaniseki, U lulamisela vapfumari.

YEREMIYA 22:16
A avanyisela mupfumari ni xisiwana, a ri ni ku rhula hakona. Xana sweswo a hi ku ndzi tiva xana? Ku vula Yehovha.

1 SAMIELE 2:8
Wa pfuxa mupfumari ethyakeni, Ku va tshamisa ni tihosi, Ni ku va avela swiluvelo swa ntwalo. Hikuva masungulo ya misava i ya Yehovha; U tiyisile misava ehenhla ka wona.

LUKA 3:11
A hlamula a ku eka vona: “La nga ni tinguvu timbirhi a a avele la pfumalaka; ni la nga ni swakudya a a endlise sweswo na yena.”

LEVHITIKA 25:35
“ ‘Kungakuloko makwenu la nga ekusuhi na wena a pfumala, ni loko voko ra yena ri rhurhumela entirhweni, u ta n'wi amukela, hambi a ri muluveri, hambi muendzi leswaku a tshama eka wena.

SWIVURISO 22:22-23
[22] U nga dyeleli xisiwana hi leswi xi nga xisiwana, U nga xanisi wa nhlomulo enyangweni ya muti;[23] Hikuva Yehovha u ta va lamulela, Lava va dyeke u ta va tekela vutomi.

LEVHITIKA 19:15
“ ‘Mi nga tshuki mi voyamisa ku lulama eku avanyiseni ka n'wina; u nga tshuki u ya hi nghohe ku lamulela xisiwana, ni ku languta nghohe ya nkulukumba; u ta avanyisa wa rikwenu hi ku lulama.

SWIVURISO 31:8-9
[8] Nomu wa wena wu ahlamisela timbheveve, U yimela timhaka ta hinkwavo lava tshikiweke.[9] Ahlamisa nomu, u avanyisa hi ku lulama, U yingisa timhaka ta lowa khombo ni xisiwana.”

TIPISALEMA 12:5
“Hikwalaho ka khombo ra swisiwana ni ku rila ka vapfumari, Ndzi ta pfuka sweswi,” ku vula Yehovha; “Ndzi ta ponisa lava xanisiwaka.”

TIPISALEMA 35:10
Marhambu hinkwawo ya mina ma ta ku: “Yehovha, i mani la fanaka na wena, La ponisaka xisiwana eka la n'wi tlulaka hi matimba, La nga ekhombyeni ni swisiwana, eka vawutleri va vona.”

VAEFESA 4:28
Loyi a nga tshama a yiva, a a nga ha engeti a yiva, kambe a a tikarhate ku tirha leswinene hi mavoko ya yena a ta tiva ku nyika eka loyi a nga evusiwaneni.

EZEKIELE 16:49
Loko ku ri ku homboloka ka makwenu Sodoma ni vanhwana va yena, va tikurisile, a va hanya endzalweni, a va tirivala, a va nga tweli vusiwana lava nga ekhombyeni ni vapfumari.

ESAYA 58:6-7
[6] Ku titsona swakudya loku ndzi tsakisaka a hi kuloku xana: Ku susa tiketana ta lunya, ku tshunxa mapindza ya vukhumbi, ku tlherisa lava xanisiwaka va tshunxiwile, ni ku tshova mpingu wihi ni wihi?[7] Xana a hi ku phamela loyi a nga ni ndlala vuswa bya wena, a hi ku amukela endlwini ya wena xisiwana lexi nga riki na ekaya xana? Ni loko u vona munhu a swerile, u n'wi funengeta-ke? Ni loko u nga hundzukeri loyi a nga nyama ya wena hi xiviri xana?

SWIVURISO 17:5
La hlekaka xisiwana u sola la n'wi vumbeke, Ni la tsakelaka makhombo ya van'wana a nga ka a nga poni eku biweni.

1 YOHANE 3:17-18
[17] Kambe kungakuloko munhu a ri ni swilo swa vutomi bya misava, kutani a vona makwavo a pfumala, kutani a n'wi pfalela mbilu ya yena, rirhandzu ra Xikwembu ri nga tshamisisa ku yini eka yena?[18] Vana vanga, hi nga tshuki hi rhandzana hi ku vulavula, ni ririmi, kambe a ku ve hi ku endla, ni ntiyiso.

MATEWU 25:40
Hosi yi ta va hlamula, yi ku: ‘Ndzi vurisile ndzi ri eka n'wina: Leswi loko mi swi endlile eka lontsongo wa vamakwerhu, mi swi endlele mina.’

DEUTERONOMA 15:10-11
[10] N'wi nyike hi ku tsaka, kambe kungakuloko u n'wi nyika, mbilu ya wena yi nga tshuki yi vilela; hikuva hikwalaho ka mhaka leyi, Yehovha, Xikwembu xa wena, xi ta ku katekisa emitirhweni hinkwayo ya wena, ni le ku endleni hinkwako ka mavoko ya wena.[11] Hikuva mupfumari a nga ka a nga tshiki ku va kona etikweni; hikwalaho ndzi ku nyikaka nawu lowo namuntlha, ndzi ku: ‘U ta pfulela makwenu ni xisiwana, ni mupfumari la nga etikweni ra wena voko ra wena.’

ESAYA 61:1
Moya wa Hosi, Yehovha, wu le ka mina, hikuva u ndzi totile ku byela swisiwana mahungu ya ku saseka; u ndzi rhumile ku horisa lava nga ni timbilu leti vavisekaka, ku tivisa lava bohiweke leswaku va ta tshunxiwa, ni lava khotsiweke leswaku va ta humesiwa;

VAGALATIYA 6:2
Rhwalelanani mirhwalo, mi ta hetisa sweswo nawu wa Kriste.

VAHEVERU 13:16
Mi nga karhaleni ku endlela vanhu leswinene ni ku hanana, hikuva Xikwembu xi tsakisiwa hi magandzelo layo tano.

VARHOMA 12:13
Pambulelani vakwetsimi loko va pfumala, mi va ni ku gingirika ku amukela vaendzi.

LUKA 3:10-11
[10] Kutani vunyingi byi n'wi vutisa, byi ku: “Loko swi ri tano, hi ta endla yini xana?”[11] A hlamula a ku eka vona: “La nga ni tinguvu timbirhi a a avele la pfumalaka; ni la nga ni swakudya a a endlise sweswo na yena.”

ESAYA 41:17
Swisiwana ni vapfumari va lava mati va nga ma kumi, ririmi ra vona ri omile hi torha. Mina Yehovha, ndzi ta va yingisa, mina Xikwembu xa Israele ndzi nga ka ndzi nga va tshiki.

DEUTERONOMA 15:7
“Kutakuloko un'wana wa vamakwenu xi ri xisiwana emutini wun'wana wa wena, etikweni leri Yehovha, Xikwembu xa wena, a ku nyikaka, u nga tshuki u nonon'hwisa mbilu ya wena, ni ku pfalela makwenu wa xisiwana xandla xa wena,

EZEKIELE 22:29
Loko va ri vanhu va tiko leri, va endla ku xanisa, va titekela hi ku yiva; va xanisa xisiwana ni vapfumari; va xanisa wamatiko ku nga ri hi mfanelo.

Tsonga Bible
© Bible Society of South Africa. All rights reserved