A A A A A

Additional: [Abundance]


1 TIMOTIYA 5:8
Loko un'wana a nga hlayisi varikwavo, ngopfu va yindlu ya yena, u landzurile ku pfumela, u tlula hi ku biha la nga pfumeriki.

2 VAKORINTO 9:8
Kambe Xikwembu xi ni matimba ku mi engetelela ku nyika kun'wana ni kun'wana ka tintswalo mi ta kuma leswi mi ringanaka hi masiku ematlhelweni hinkwawo, mi va mi taleriwa hi leswi mi nga ta endla ntirho lowo saseka ha swona, hilaha ku nga tsariwa, va ku:

DEUTERONOMA 29:12
mi yima leswaku mi nghena entwananweni wa Yehovha, Xikwembu xa wena, lowu tiyisiweke hi ku hlambanya, lowu Yehovha, Xikwembu xa wena, xi wu endlaka na wena namuntlha,

VAEFESA 3:20
Kambe eka yena, loyi a nga endlaka ku tlurisa ngopfungopfu hinkwaswo leswi hi nga swi kombelaka, ni leswi hi nga swi ehleketaka hi matimba lama tirhaka eka hina,

EKSODA 34:6
Kutani Yehovha a hundza emahlweni ka yena, a ku: “Yehovha, Yehovha, Xikwembu xa tintswalo ni vunene, lexi hlwelaka ku kariha, lexi teleke tintswalo ni ku tshembeka,

YAKOBO 1:17
ku nyika hinkwako loku sasekeke, hambi ku ri ku ha hinkwako loku hetisekeke, ku ta hi le henhla, ku xika hi le ka Tata wa ku vonakala, loyi a nga riki na ku hundzuka, hambi wu ri ndzhutinyana kona.

YOHANE 10:10
Khamba a ri ti ntsena, loko ku nga ri ku yiva, ni ku tlhava, ni ku lovisa, mina ndzi tile leswaku tinyimpfu ti va ni vutomi, ti byi kuma hi ntalo.

LUKA 6:38
Hananani, mi ta hananiwa; va ta mi nyika exifuveni hi mpimo lowukulu, lowu congiweke, lowu hlunguhliweke, lowu halakaka; hikuva ku ringanisa loku mi ringanisaka van'wana hakona, mi ta ringanisiwa hakona na n'wina.”

LUKA 6:45
Munhu lonene u humesa leswinene exumeni lexinene lexi nga embilwini ya yena; munhu lowo biha u humesa leswo biha exumeni lexo biha xa mbilu ya yena; hikuva nomu wu vulavula hi leswi mbilu yi teleke swona.

MATEWU 6:33
Kambe rhangani mi tilavela ku fuma ka Xikwembu ni ku lulama ka xona kutani leswo hinkwaswo mi ta engeteleriwa swona.

VAFILIPIYA 4:19
Kambe Xikwembu xa mina xi ta mi tatisela hinkwaswo leswi mi swi pfumalaka, hikuva ku fuwa ni ku kwetsima i ka xona, ha Yesu Kriste.

SWIVURISO 3:5-10
[5] Tshemba Yehovha hi mbilu ya wena hinkwayo, U nga titshembi ku tlhariha ka wena.[6] U n'wi nghenisa emakungwini ya wena hinkwawo, U ta lulamisa tindlela ta wena.[7] U nga tivoni vutlhari, Chava Yehovha, u papalata swo biha;[8] Wu ta va murhi enkaveni wa wena, Ni mongo emarhambyini ya wena.[9] Dzunisa Yehovha hi rifuwo ra wena, Ni swirhangana swa hinkwaswo leswi ku taleleke:[10] Kutani switlati swa wena swi ta tala, Swikhuvuto swa wena swi ta khapakhapa hi vhinyo yo tsokombela.

TIPISALEMA 23:5
U ndzi lunghisela tafula emahlweni ka valala va mina, U totile nhloko ya mina hi mafurha, Kutani ndzheko wa mina wa khapa.

TIPISALEMA 36:8
Va xurha hi mafurha ya yindlu ya wena, Kutani u va nwisa enambyeni wa mati yo nandziha ya wena;

TIPISALEMA 37:11
Va musa va ta fuma misava, Va ta titsakela eku rhuleni lokukulu ka vona.

TIPISALEMA 65:11
U tlhandleka lembe hi harhi ya rifuwo ra wena, Ni mafurha ma tshonela emitileni ya wena;

TIPISALEMA 72:16
Ku ta va ni ndzalo ya koro la emisaveni ni le tihlohlorini ta tintshava, Mitshetsho ya rona yi ta hlakahla kukotisa mirhi ya Lebanoni; Lava akeke emitini va ta rhumbuka kukotisa byanyi bya misava.

VARHOMA 15:13
Xikwembu xa ku tshembeka a xi mi tate hi ku tsaka hinkwako, ni ku rhula hinkwako eku pfumeleni, leswaku mi tala hi ku langutela, hi matimba ya Moya lowo Kwetsima.

TIPISALEMA 66:8-12
[8] N'wina matiko, vongani Xikwembu xa hina! Twarisani rito ra ku dzuna ka xona![9] Xi hanyisile mimoya ya hina, A xi pfumelanga leswaku milenge ya hina yi khunguvanyeka.[10] Hikuva wena, Xikwembu, u hi ringile! U hi nyukisile exirhengeleni kukotisa silivhere.[11] U hi kokerile enkukutweni, U vekile ndzhwalo lowo tika eswifungheni swa hina;[12] U khandziyisile vanhu etinhlokweni ta hina; Hi hundzile exikarhi ka ndzilo ni mati. Kambe u hi humesile erivaleni ni le ndzalweni.

Tsonga Bible
© Bible Society of South Africa. All rights reserved