A A A A A

Mwari: [Hutachiona / Zvirwere]


Isaya 26:20
Ʋuyai ʋanhu ʋaŋgu, pindai muimba yenyu yomukati, mupfige mikoʋa yenyu shure kwenyu; muʋande ŋguʋa ɗuku, kuȿikira kutsamŋa kwapfuʋura.

Jeremiya 25:32-33
[32] Ɀanzi naJehova wehondo: Tarirai, ɀakaipa ɀicaɓuɗa kunorumŋe rudzi ɀicienda kunorumŋe rudzi, neɗutu guru remhepo ricamutswa kumigumo yenyika.[33] Nezuʋa iro ʋakaʋurawa naJehova ʋacaʋa’po kubva kunomumŋe mugumo wenyika kuȿikira kunomumŋe mugumo wenyika; haʋaŋgacemŋi, kana kuʋuŋganidzwa, kana kuʋigwa; ʋacaʋa mupfudze pasi pose.

2 Makoronike 7:13-14
[13] Kana ndiciŋge ndadziʋira kuɗeŋga, kuti mvura irege kunaya, kana ɀimŋe ndiciŋge ndaraira mhashu, kuti dzipedze nyika, kana ɀimŋe ndiciŋge ndatuma ɗenda pakati paʋanhu ʋaŋgu;[14] kana ʋanhu ʋaŋgu, ʋakatumidzwa nezita raŋgu, ʋakaɀininipisa, ʋakanyeŋgetera nokutȿaka ciso caŋgu, nokurega nzira dzaʋo dzakaipa; ipapo ndicanzwa kuɗeŋga ndicaʋakaŋganwira ɀiʋi ɀaʋo, nokupodza nyika yaʋo.

Zvakazarurwa 6:3-8
[3] Wakati azarura cisimbiso cecipiri, ndikanzwa cisikwa cipenyu cecipiri ciciti: Ʋuya![4] Ipapo rimŋe biza rakaɓuɗa riri dɀuku; wakaŋga akaritaȿa akapiwa simba kuti abvise rugare panyika, kuti ʋaʋurayane; akapiwa munondo mukuru.[5] Wakati azarura cisimbiso cecitatu, ndikanzwa cisikwa cipenyu cecitatu ciciti: Ʋuya! Ndikatarira, ndikaʋona biza ɗema; wakaŋga akaritaȿa wakaŋga aneciyereso muruʋoko rwake.[6] Ndikanzwa inzwi pakati peɀisikwa ɀipenyu ɀinna, riciti: Ciyero ceɀiyo cicateŋgwa nedenari, neɀiyero ɀitatu ɀebari nedenari; usatadzira mafuta newaini.[7] Wakati azarura cisimbiso cecinna, ndikanzwa inzwi recisikwa cipenyu cecinna riciti: Ʋuya![8] Ndikatarira, ndikaʋona biza rakacenuruka; wakaŋga akaritaȿa, zita rake Rufu; ʋuye Hadesi rakamuteʋera. Iʋo ʋakapiwa simba pamsoro pececinna cenyika, kuti ʋaʋuraye nomunondo, nenzara, norufu, neɀikara ɀenyika.

1 Samueri 5:6
Asi ruʋoko rwaJehova rwakatambudza ʋeAshdodi, akaʋaparadza nokuʋaroʋa namamota, iʋo ʋeAshdodi nenyika yaʋo.

2 VaKorinte 4:7
Asi fuma iyi tinayo mumidziyo yevu, kuti ʋukuru bgesimba bguʋe bgaMŋari, bgurege kuʋa bgeɗu.

Ekisodho 20:3
Usaʋa naʋamŋe ʋamŋari kunze kwaŋgu.

James 4:10
Muɀininipise pamberi paShe, agokukudzai.

Mateu 6:24
Hapano munhu uŋgaɓatira ʋatenzi ʋaʋiri; nokuti ucaʋeŋga mumŋe, akaɗa mumŋe; kana ucanamatira mumŋe, akaɀidza mumŋe. hamuŋgaɓatiri Mŋari neFuma.

VaFiripi 4:6
Musafuŋganya pamsoro pecinhu cimŋe; asi paɀinhu ɀose, mikumbiro yenyu ŋgaiziʋiswe Mŋari nokunyeŋgetera nokukumbira, pamŋe cete nokuʋoŋga.

Mapisarema 103:2-3
[2] Rumbidza Jehova, mŋeya waŋgu, Urege kukaŋganwa mikomborero yake;[3] Iye, unokaŋganwira ɀakaipa ɀako ɀose; Unoporesa kurwara kwako kwose;

Numeri 11:31-33
[31] Ɀino mhepo yakabva kunaJehova, ikaʋuyisa ɀihuta, ɀaibva kuguŋgwa, ikaɀikandira pamisasa kumatiʋi ose, ɀikaita rwendo rwezuʋa rimŋe kurutiʋi rumŋe, norwendo rwezuʋa rimŋe ɀe kunorumŋe rutiʋi rwemisasa, nomurwi wakakwirira makubiti maʋiri pamsoro penyika.[32] Ɀino ʋanhu ʋakasimuka zuʋa iro rose, noʋusiku ubgo bgose, neramaŋgwana rose, ʋakaʋuŋganidza ɀihuta. Wakaʋuŋganidza ɀishoma wakaʋuŋganidza mahomeri anegumi, ʋakaɀinika kumatiʋi ose emisasa.[33] Nyama yakaŋga iciri pakati pameno aʋo, isati yatseŋgwa, kutsamŋa kwaJehova kukamukira ʋanhu, Jehova akaroʋa ʋanhu nehosha yakaipa kwaɀo.

Ekisodho 9:8-11
[8] Ɀino Jehova akati kunaMosesi naAroni: Torai tsama dzamaɗota ecoto, Mosesi aakushire kuɗeŋga pamberi paFarao.[9] Acashanduka guruʋa rakatsetseka panyika yose yeEgipita, aciita mamota anoputika semhoni paʋanhu napaɀipfuwo ɀose ɀeEgipita.[10] Iʋo ʋakatora maɗota ecoto, ʋakamira pamberi paFarao, Mosesi akaakushira kuɗeŋga, akaita mamota anoputika semhoni paʋanhu napaɀipfuwo.[11] Ɀino ŋaŋga dzakaŋga dzisiŋgagoni kumira pamberi paMosesi nokuɗa kwamamota, nokuti mamota akaŋga ari paŋaŋga napaʋaEgipita ʋose.

James 1:2-6
[2] Hama dzaŋgu, muti mufaro ɓedzi kana muciwira mumiidzo mizhinji;[3] muciziʋa kuti kuidzwa kwokutenda kwenyu kunoɓereka kutsuŋgirira.[4] Asi kutsuŋgirira ŋgakuʋe neɓasa rakakwaniswa, kuti mukwane, mururame kwaɀo, musiŋgashaiwi cinhu.[5] Ɀino kana mumŋe wenyu acishaiwa kucenjera ŋgaakumbire kunaMŋari, unoŋgopa ʋose asiŋgazotuki; ucapiwa hake.[6] Asi ŋgaakumbire nokutenda, asiŋganyunyuti napaɗuku; nokuti munhu unonyunyuta wakaita sefuŋgu reguŋgwa rinosundwa nemhepo ricimutswa‐mutswa.

Zvakazarurwa 9:15-19
[15] Ipapo ʋatumŋa ʋanna ʋakasunuŋgurwa, ʋakaŋga ʋakagadzirirwa ŋguʋa, nezuʋa, nomŋedzi, negore, kuti ʋaʋuraye cetatu caʋanhu.[16] Kuwanda kwehondo dzaʋataȿi ʋamabiza kwakaŋga kuri ɀuru ɀeɀuru ɀamazana maʋiri; ndikanzwa kuʋereŋgwa kwaʋo.[17] Saiɀoɀo ʋo ndakaʋona mabiza pakuratidzwa kwaŋgu, naʋakaŋga ʋakaataȿa, ʋaneɀidzitiro ɀecifuʋa ɀakaita seɀomŋoto, neɀehiasinto, neɀesurferi; nemisoro yamabiza yakaŋga yakaita semisoro yeshumba; nomumiromo yawo makaɓuɗa mŋoto, noʋutsi nesurferi.[18] Cetatu caʋanhu cakaʋurawa namaɗambudziko awa matatu, anoti, mŋoto noʋutsi nesurferi, ɀakaɓuɗa mumiromo yawo.[19] Nokuti simba ramabiza riri mumiromo yawo, nomumiswe yawo; nokuti miswe yawo yakaita senyoka, inemisoro; anokuʋadza nayo.

Mako 13:32-37
[32] Asi kana riri zuʋa iro neŋguʋa iyo, hakuna‐unoɀiziʋa, kunyaŋge ʋatumŋa ʋokuɗeŋga, kunyaŋge Mŋanakomana, asi Ƃaɓa.[33] Cenjerai, murinde, nokunyeŋgetera; nokuti hamuziʋi kuti ŋguʋa icaȿika rini.[34] Ɀakaita somunhu wakaenda kuneimŋe nyika, akasiya imba yake, akapa ʋaranda ʋake simba, mumŋe nomumŋe ɓasa rake, akaraira murindi womukoʋa kuti arindire.[35] Naiɀoɀo rindai, nokuti hamuziʋi musi mŋene weimba waanoʋuya nawo, kana maɗeko, kana pakati poʋusiku, kana pakurira kwehuku, kana maŋgwanani;[36] kuti arege kuʋuya kamŋe‐kamŋe, akakuwanai muʋete.[37] Ɀandinokuʋudzai imi, ndinoʋudza ʋose, ndiciti: Rindai!

Mapisarema 91:2-14
[2] Ndicati pamsoro paJehova: Ndiye ʋutiziro bgaŋgu nenhare yaŋgu; Iye Mŋari waŋgu, wandinoʋimba naye.[3] Nokuti iye ucakurwira parugombe rwomuteyi weshiri, Napahosha inoʋuraya ɀikuru.[4] Iye ucakufukidza nemhineŋga yake, Ucatizira pasi pamapapiro ake; Ɀokwaɗi yake inhoʋo huru neɗuku.[5] Hauŋgatyi cinhu cinovundusa ʋusiku, Kana museʋe unofurwa masikati;[6] Kana hosha inofamba murima, Kana kuparadza kunoʋuraya masikati.[7] Kurutiʋi rwako kucawa ʋanegumi ramazana, Nezana ramazana paruʋoko rwako rworudyi; Asi haɀiŋgasweɗeri kwauri.[8] Ucaŋgoɀitarira hako nameso ako, Ukaʋona muɓayiro waʋakaipa.[9] Nokuti imi Jehova, muri ʋutiziro bgaŋgu! Iwe wakaita Wokumsoro‐soro ʋugaro bgako.[10] Hapana cakaipa ciŋgakuwira, Ʋuye hapanehosha icasweɗera patente rako.[11] Nokuti iye ucaraira ʋatumŋa ʋake pamsoro pako, Kuti ʋakuceŋgete panzira dzako dzose.[12] Ʋacakusimudza pamaʋoko aʋo, Kuti urege kugumbusa rutsoka rwako pabge.[13] Ucatsika pamsoro peshumba neciʋa; Mŋana weshumba nenyoka ucaɀitsikirira pasi.[14] Ɀaakandiɗa, ndicamurwira; Ndicamuisa pakakwirira, nokuti wakaziʋa zita raŋgu.

Ruka 21:5-38
[5] Ɀino ʋamŋe ʋakati ʋacitaura pamsoro petembere, kuti yakaŋga yakashoŋgedzwa namabge akanaka neɀipo, iye akati:[6] Kana ɀiri iɀi ɀamunoʋona, mazuʋa acaȿika, asiŋgazoregwi ibge pamsoro pebge, risiŋgazowisirwi pasi.[7] Ɀino ʋakamubvunza, ʋaciti: Mudzidzisi, iɀoɀi ɀicagoʋa riniko? Neciratidzo cicaʋa cipi, kana iɀoɀi ɀoɗo‐kuitwa?[8] Akati: Cenjerai, kuti murege kutsauswa; nokuti ʋazhinji ʋacaʋuya nezita raŋgu, ʋaciti: Ndini Kristu; ŋguʋa yasweɗera. Musaʋateʋera.[9] Kana mucinzwa ɀokurwa, nenyoŋganiso, musavunduka henyu, nokuti iɀoɀi ɀinofanira kumboitwa; asi kuguma hakuȿiki pakarepo.[10] Akati kwaʋari: Rudzi rumŋe rucamukira rumŋe rudzi, noʋushe bgumŋe bgucamukira bgumŋe ʋushe.[11] Kuɗeŋgenyeka kukuru kwenyika kucaʋa’po, nokunedzimŋe nɀimbo nzara nehosha, neɀinotyisa, ʋuye ɀiratidzo ɀikuru, ɀicabva kuɗeŋga, ɀicaʋa’po.[12] Asi iɀoɀi ɀose ɀisati ɀaȿika, ʋacakuɓatai, nokukutambudzai, ʋacikuisai kumasinagoge nomumatoroŋgo, nokukuisai pamberi pamadzimambo naʋaɓati, nokuɗa kwezita raŋgu.[13] Ici cicaʋa capupu kwamuri.[14] Naiɀoɀo simbai mumŋoyo menyu, kuti murege kumbofuŋgisisa pamucapindura napo.[15] Nokuti ndicakupai muromo nokucenjera, kucakonesa ʋaʋeŋgi ʋenyu ʋose kukukundai nokuramba ɀamunoreʋa.[16] Mucaiswa kuʋatoŋgi kunyaŋge naʋaɓereki, naʋanuŋuna, nehama, neshamŋari; ʋamŋe ʋenyu ʋacaʋurawa.[17] Mucaʋeŋgwa naʋanhu ʋose nokuɗa kwezita raŋgu.[18] Asi ruvudzi rumŋe rwomusoro wenyu haruŋgarashiki.[19] Nokutsuŋgirira kwenyu mucawana ʋupenyu bgenyu.[20] Ɀino kana muciʋona Jerusarema rakombga nehondo, ziʋai kuti roɗokuparadzwa.[21] Musi uyo ʋari muJudea ŋgaʋatizire kumakomo; naʋari pakati paro ŋgaʋaɓuɗe; naʋari kuruwa ŋgaʋarege kupinda’mo.[22] Nokuti iwayo ndiwo mazuʋa okutsiʋa, kuti ɀose ɀakanyorwa ɀiitike.[23] Asi ʋacaʋa nenhamo ʋanemimba naʋanomŋisa namazuʋa iwayo, nokuti kutambudzika kukuru kucaʋa’po panyika, nokutsamŋa pamsoro paʋanhu iʋaʋo.[24] Ʋacaparadzwa nomuromo womunondo, nokutapxa kumarudzi ose; Jerusarema ricatsikwa naʋahedeni, kuȿikira ŋguʋa dzaʋahedeni dzazadzika.[25] Ɀiratidzo ɀicaʋa’po pazuʋa napamŋedzi, napanyeredzi; napanyika ʋurombo bgaʋanhu, ʋacikaŋganiswa nokutinhira kweguŋgwa namafuŋgu;[26] ʋanhu ʋacapera nokutya nokutarira ɀinowira nyika; nokuti masimba okuɗeŋga acaɗeŋgenyeka.[27] Ipapo ʋacaʋona Mŋanakomana womunhu aciʋuya negore, nesimba rokubginya kukuru.[28] Asi kana iɀoɀi ɀicitaŋga kuitika, tarirai kumsoro, musimudze misoro yenyu, nokuti kusunuŋgurwa kwenyu kwasweɗera.[29] Ɀino akaʋataurira mufananidzo, aciti: Tarirai muʋonde nemiti yose;[30] Kana yotuŋga, mukaɀiʋona, munoziʋa mumene, kuti ɀino zhezha raʋa pedyo.[31] Saiɀoɀo, nemi ʋo, kana moʋona iɀoɀo ɀoitwa, ziʋai kuti ʋushe bgaMŋari bgaʋa pedyo.[32] Ɀirokwaɀo, ndinoti kwamuri: Rudzi urwu haruŋgatoŋgopfuʋuri, kuȿikira ɀose ɀaitika.[33] Ƌeŋga nenyika ɀicapfuʋura, asi mashoko aŋgu haaŋgatoŋgopfuʋuri.[34] Cenjerai, kuti mŋoyo yenyu irege kuremedzwa nokudyisa nokuɓatwa, nokufuŋganya pamsoro peɀinhu ɀoʋupenyu bguno, kuti zuʋa iro rirege kukuwirai seriʋa.[35] Nokuti ricawira ʋose ʋagere panyika yose.[36] Asi rindai neŋguʋa dzose, mukumbire, kuti mugone kupukunyuka paɀinhu iɀi ɀose ɀinozoitwa, mugomira pamberi poMŋanakomana womunhu.[37] Ɀino waidzidzisa masikati mutembere, asi ʋusiku waiɓuɗa, akandoʋata mugomo rinonzi reMiorivi.[38] Ʋanhu ʋose ʋakaʋuya kwaari mutembere maŋgwanani, kuzomunzwa.

Mateu 24:1-35
[1] Ɀino Jesu wakaɓuɗa patembere, akati oenda, ʋadzidzi ʋake ʋakaʋuya kwaari kuzomuratidza dzimba dzetembere.[2] Akapindura, akati kwaʋari: Munoʋona ɀinhu iɀi ɀose here? Ɀirokwaɀo ndinoti kwamuri: Hakuŋgaregwi ibge pamsoro pebge, risiŋgazowisirwi pasi.[3] Wakati agara pagomo reMiorivi, ʋadzidzi ʋake ʋakaʋuya kwaari, ʋari ʋoga, ʋakati: Tiʋudzei, kuti iɀoɀi ɀicagoʋa riniko? Neciratidzo cokuʋuya kwenyu necokuguma kwenyika cicaʋa cipiko?[4] Jesu akapindura, akati kwaʋari: Cenjerai kuti murege kutsauswa nomunhu.[5] Nokuti ʋazhinji ʋacaʋuya nezita raŋgu, ʋaciti: Ndini Kristu; ʋacitsausa ʋazhinji.[6] Mucanzwa ɀokurwa neguhu rokurwa; cenjerai, musavunduka, nokuti iɀoɀi ɀose ɀinofanira kumboitwa, asi kuguma kucigere kuȿika.[7] Nokuti rudzi rucamukira rudzi, noʋushe bgucamukira ʋushe; nenzara dzicaʋa’po, nehosha, nokuɗeŋgenyika kwenyika kunɀimbo zhinji.[8] Asi ɀinhu iɀoɀi ɀicaʋa kutaŋga kwenhamo.[9] Ɀino ʋacakuisai kumaɗambudziko, ʋacakuʋurayai, mucaʋeŋgwa namarudzi ose nokuɗa kwezita raŋgu.[10] Ʋazhinji ʋacagumburwa, ʋacaisana kuʋatoŋgi nokuʋeŋgana.[11] Ʋaprofita ʋazhinji ʋenhema ʋacamuka, ʋacitsausa ʋazhinji.[12] Ruɗo rwaʋazhinji rucatonhora, nokuti kusarurama kucawanda.[13] Asi unotsuŋgirira kuȿikira pakuguma, ucaponeswa.[14] Evaŋgeri iyi yoʋushe icaparidzirwa munyika dzose, ciʋe capupu kumarudzi ose; ipapo kuguma kucaȿika.[15] Naiɀoɀo kana muciʋona nyaŋgadzi yokuparadza, yakarebga nomuprofita Daniere, imire panɀimbo tȿene (unoraʋa ŋgaacerekedze);[16] ɀino ʋari muJudea ŋgaʋatizire kumakomo;[17] uri pamsoro peɗeŋga reimba, ŋgaarege kuɓuruka kuzotora ɀiri mumba make;[18] nouri mumunda, ŋgaarege kudzokera shure kuzotora ŋguʋo yake.[19] Ʋacaʋa nenhamo ʋanemimba naʋanomŋisa namazuʋa iwayo;[20] nyeŋgeterai kuti kutiza kwenyu kurege kuʋa pacando kana nesaɓata.[21] Nokuti neŋguʋa iyo kucaʋa’po kutambudzika kukuru, kusati kwakamboʋa’po kwakaɗaro, kubva pakutaŋga kwenyika kuȿikira ɀino, ʋuye hakucazoʋi’po.[22] Ƌai mazuʋa iwayo asaitapudzwa, hakunenyama yairarama; asi nokuɗa kwaʋakasanaŋgurwa mazuʋa iwayo acatapudzwa.[23] Ɀino kana munhu akati kwamuri: Tarirai, Kristu uri pano, kana apo; regai kutenda.[24] Nokuti ʋacamuka ʋanaKristu ʋenhema, naʋaprofita ʋenhema, ʋacaratidza ɀiratidzo ɀikuru neɀinoshamisa, kuti kana ɀicibvira, ʋatsause naʋakasanaŋgurwa ʋo.[25] Tarirai, ndagara ndakuʋudzai.[26] Ɀino, kana ʋakati kwamuri: Tarirai, uri kurenje, regai kuɓuɗa; Tarirai, uri mudzimba dzomukati, regai kutenda.[27] Nokuti semheni inobva mabvazuʋa, icipenyera kumaʋirira, ndiɀo ɀicaita kuʋuya kwoMŋanakomana womunhu.[28] Apo panomutumbu, ndi’po pacaʋuŋganira magora.[29] Pakarepo, shure kwokutambudzika kwamazuʋa iwayo, zuʋa ricaȿiɓa, mŋedzi haucazobginyi, nyeredzi dzicawa kuɗeŋga, namasimba okuɗeŋga acazunuŋguswa.[30] Ipapo ciratidzo coMŋanakomana womunhu cicaʋonekwa kuɗeŋga; ɀino marudzi ose enyika acacema, aciʋona Mŋanakomana womunhu aciʋuya pamsoro pamakore okuɗeŋga nesimba nokubginya kukuru.[31] Ucatuma ʋatumŋa ʋake nehwamanda huru, ʋacaʋuŋganidza ʋasanaŋgurwa ʋake kunobva mhepo inna, kubva kurutiʋi rumŋe rweɗeŋga kuȿikira kunorumŋe rutiʋi.[32] Dzidzai pamuʋonde mufananidzo wawo: Kana ɗaʋi rawo raʋa nyoro, mashizha acituŋga, munoziʋa kuti zhezha raʋa pedyo.[33] Saiɀoɀo, nemi ʋo, kana moʋona iɀoɀo ɀose, ziʋai kuti waʋa pedyo pamukoʋa.[34] Ɀirokwaɀo ndinoti kwamuri: Rudzi urwu haruŋgatoŋgopfuʋuri kuȿikira iɀoɀi ɀose ɀaitika.[35] Ƌeŋga nenyika ɀicapfuʋura, asi mashoko aŋgu haaŋgatoŋgopfuʋuri.

Shona Bible 1949
© British and Foreign Bible Society 1949, 2018