A A A A A

Chechi: [Pentekosti]


Ekisodho 34:22-43
[22] Unofanira kuraŋgarira mutambo wamaviki, weɀitȿa ɀekoroni inokohwiwa, nomutambo wokuʋuŋganidza pakupera kwegore.[23] Ʋarume ʋako ʋose ŋgaʋaʋuye pamberi paShe Mŋari, iye Mŋari waIsraeri, katatu negore.[24] Nokuti ndicadziŋga ndudzi pamberi pako, ndikurise miganhu yako; hakuŋgaʋi nomunhu ucaciʋa nyika yako, kana ucikwira katatu pagore kuti uɀiratidze pamberi paJehova, Mŋari wako.[25] Usaʋuya neropa reciɓayiro caŋgu pamŋe cete neciŋgwa cakaʋiriswa; ʋuye ciɓayiro comutambo wepaseka ŋgacirege kuʋata ʋusiku kuȿikira maŋgwana.[26] Ɀokutaŋga ɀeɀitȿa ɀomunda wako unofanira kuʋuya naɀo kumba kwaJehova Mŋari wako. Usaɓika mbudzana mumukaka wamai ʋayo.[27] Ɀino Jehova akati kunaMosesi: Nyora mashoko iwaya, nokuti ndaita suŋgano newe naʋaIsraeri seɀinoreʋa mashoko iwaya.[28] Akaʋa’ko kunaJehova mazuʋa anamakumi manna noʋusiku ʋunamakumi manna; wakaŋga asiŋgadyi ɀokudya, kana kunwa mvura. Akanyora pamahwendefa mashoko esuŋgano, iyo mirairo inegumi.[29] Ɀino Mosesi wakati aciɓuruka pagomo reSinai, Mosesi akaɓata mahwendefa maʋiri ecipupuriro mumaʋoko ake, Mosesi wakaŋga asiŋgaziʋi, aciɓuruka pagomo, kuti ganda reciso cake rakaŋga ricibginya ɀaakaŋga ataura naye.[30] Ɀino Aroni naʋana ʋaIsraeri ʋose ʋakati ʋaciʋona Mosesi, ʋakaʋona ganda reciso cake ricibginya, ʋakatya kusweɗera kwaari;[31] ipapo Mosesi akaʋaɗana, Aroni naʋakuru ʋose ʋeʋuŋgano ʋakadzokera kwaari, Mosesi akataura naʋo.[32] Pashure ʋana ʋaIsraeri ʋose ʋakasweɗera, iye akaʋaraira ɀose ɀaakaŋga aʋudzwa naJehova pagomo reSinai.[33] Ɀino Mosesi wakati apedza kutaura naʋo akaisa cifukidzo paciso cake.[34] Asi kana Mosesi opinda pamberi paJehova kundotaura naye, waibvisa cifukidzo kuȿikira aciɓuɗa; ɀino woɓuɗa, ndokuʋudza ʋana ʋaIsraeri ɀarairwa.[35] Ʋana ʋaIsraeri ʋakaʋona ciso caMosesi, kuti ganda reciso caMosesi raibginya; ɀino Mosesi wodzosera ɀe cifukidzo paciso cake, kuȿikira opinda kundotaura naye.[36] Ɀino Mosesi wakaʋuŋganidza ʋuŋgano yose yaʋana ʋaIsraeri, akati kwaʋari: Ndiwo mashoko akarairwa naJehova kuti muaite:[37] Maɓasa ose ŋgaaɓatwe namazuʋa matanhatu, asi zuʋa recinomŋe rinofanira kuʋa kwamuri zuʋa dɀene, saɓata rokuzorora kwaɀo pamberi paJehova; aninani unoɓate‐ɓasa ripi neripi naro, ŋgaaʋurawe.[38] Regai kuʋesa mŋoto padzimba dzenyu dzose nezuʋa resaɓata.[39] Mosesi akataura neʋuŋgano yose yaʋana ʋaIsraeri, akati: Ndico cinhu cakarairwa naJehova, aciti:[40] Ripirai Jehova cipo paɀinhu ɀenyu; aninani unomŋoyo unoɗa, ŋgaaʋuye naco, ciʋe cipo caJehova, ɀinoti: Ndarama, nesirveri, nendarira,[41] ne ɀakarukwa ɀitema, neɀishaʋa, neɀitȿuku, nemiceka yakaiȿo‐naka, ne mʋere dzembudzi,[42] namatebge amakondobge akazodzwa ɀitȿuku, namatebge amatenhe, namatanda omuakasia,[43] namafuta omŋenje, neɀinonhuwira ɀamafuta okuzodza, noʋupfu ʋunonhuwira,

Dheuteronomio 16:9-25
[9] Unofanira kuʋereŋga maviki manomŋe; kubva paŋguʋa yaunotaŋga kukohwa ɀiyo ɀigere kukohiwa, unofanira kuʋereŋga maviki manomŋe.[10] Ɀino uitire Jehova Mŋari wako mutambo wamaviki, uciʋuya muruʋoko rwako necipo cokuɗa kwako, ucipa seɀawakaropafadzwa naJehova Mŋari wako.[11] Unofanira kufara pamberi paJehova Mŋari wako, iwe nomŋanakomana wako nomŋanasikana wako, nomuranda wako, nomurandakadzi wako, nomuRevi uri mukati mamasuʋo ako, nomŋeni, nenherera, necirikadzi, ʋagere pakati pako, panɀimbo icatsaurwa naJehova Mŋari wako, kuti agarise zita rake’po.[12] Unofanira kuraŋgarira kuti iwe wakaŋga uri muranda paEgipita; unofanira kuceŋgeta nokuita iɀi ɀakatemŋa.[13] Unofanira kutamba mutambo wamatumba mazuʋa manomŋe, kana wapedza kuʋuŋganidza ɀose ɀapaɓuriro rako neciȿiniro cako cewaini.[14] Unofanira kufara pamutambo wako, iwe, nomŋanakomana wako, nomŋanasikana wako, nomuranda wako, nomurandakadzi wako, nomuRevi, nomŋeni, nenherera, necirikadzi, ʋari mukati mamasuʋo ako.[15] Unofanira kutambira Jehova Mŋari wako mutambo mazuʋa manomŋe panɀimbo icatsaurwa naJehova; nokuti Jehova Mŋari wako ucakuropafadza paɀiɓereko ɀose ɀeminda yako, napamaɓasa ose amaʋoko ako, kuti ufare kwaɀo.[16] Ʋarume ʋenyu ʋose ʋanofanira kuʋuya pamberi paJehova Mŋari wako katatu pagore panɀimbo yaacatsaura, pamutambo weciŋgwa cisina‐kuʋiriswa, napamutambo wamaviki, napamutambo wamatumba; haʋafaniri kuʋuya pamberi paJehova ʋasinecinhu.[17] Mumŋe nomumŋe ŋgaaʋuye necipo mumaʋoko ake, seɀaanogona, seɀawakaropafadzwa naJehova Mŋari wako, seɀaakakupa.[18] Unofanira kuɀitsaurira ʋatoŋgi naʋakuru mukati mamasuʋo ako, aunopiwa naJehova Mŋari wako, namarudzi ako; iʋo ʋanofanira kutoŋga ʋanhu nokutoŋga kwakarurama.[19] Usakaŋganisa pakutoŋga kwako, usatsaura ʋanhu, usagamucira fufuro, nokuti fufuro inopofumadza meso aʋakaŋgwara, nokuminamisa mashoko aʋakarurama.[20] Teʋera ɀakarurama kwaɀo cete, kuti urarame, ugare nhaka yenyika yaunopiwa naJehova Mŋari wako.[21] Usaɀisimira matanda okunamata nawo, emiti ipi neipi, parutiʋi rweartari yaJehova Mŋari wako, yaunofanira kuɀiitira.[22] Ʋuye usaɀimisira shoŋgwe, inoʋeŋgwa naJehova Mŋari wako.[23] Usaɓayira Jehova Mŋari wako ŋombe kana gwai rakaremara, kana rinecakaipa cipi necipi; nokuti iɀo ɀinonyaŋgadza Jehova Mŋari wako.[24] Kana pakati pako mukati merimŋe ramasuʋo ako, aunopiwa naJehova Mŋari wako, murume kana mukadzi akawanikwa, unoita ɀakaipa pamberi paJehova Mŋari wako, aciɗarika suŋgano yake,[25] akandoshumira ʋamŋe ʋamŋari, akanamata kwaʋari, kana kuzuʋa kana mŋedzi, kana kunecimŋe cehondo dzokuɗeŋga, candisina‐kukuraira;

Mabasa 2:1-13
[1] Ɀino zuʋa rePentekosta rakati raȿika, ʋakaŋga ʋakaʋuŋgana ʋose pamŋe cete panɀimbo imŋe.[2] Pakarepo kutinhira sokwemhepo inovuvuta nesimba kwakabva kuɗeŋga, kukazadza imba yose maʋakaŋga ʋagere.[3] Ʋakaʋona ʋo ndimi dziciparadzana, dzineŋge dzomŋoto; ndokumhara pamusoro womumŋe nomumŋe waʋo.[4] Ʋose ʋakazadzwa noMŋeya Mutȿene, ʋakataŋga kutaura nedzimŋe ndimi, paʋakapiwa napo noMŋeya kureʋa.[5] Ɀino paJerusarema pakaŋga pagere ʋaJuda, ʋarume ʋakarurama, ʋaibva kumarudzi ose pasi peɗeŋga.[6] Ɀino kutinhira uku kwakati kwanzwika, ʋanhu ʋazhinji ʋakaʋuŋgana, ʋakakaŋganiswa, nokuti mumŋe nomumŋe wakaʋanzwa, ʋacitaura norurimi rwake.[7] Ʋakakatyamara ʋose, nokushamiswa, ʋaciti: Tarirai, aʋa ʋose ʋanotaura haʋazi ʋaGarirea here?[8] Ɀino tinogoʋanzwa seiko mumŋe nomumŋe norurimi rweɗu, rwatakaɓerekwa narwo?[9] ƲaPartia, naʋaMedia, naʋaErami, naʋanogara Mesopotamia, neJudea, neKapadokia, nePonto, neAsia,[10] neFrigia, nePamfiria, neEgipita, namatiʋi enyika dzeRibia, dziri pedyo neKurine, naʋaeni ʋabva Roma, naʋaJuda, naʋaproserite,[11] naʋaKrete, naʋaArabia, tinoʋanzwa ʋacitaura nendimi dzeɗu maɓasa makuru aMŋari.[12] Ʋakakatyamara ʋose, ʋakakaŋganiswa, ndokutaurirana, ʋaciti: Iɀi ɀinoti kuɗiniko?[13] Asi ʋamŋe ʋakaseka, ʋaciti: Ʋaguta waini itȿa.

Shona Bible 1949
© British and Foreign Bible Society 1949, 2018