A A A A A

Sins: [Gluttony]


1 Korinťanenge 6:12
Nesave llene ppenen gia: “Me sai cherau so me mangau.” Gua si chachipe, a na sa so mangel o manus trubul le. A te cherau so me mangau morabi te na mukau nisavi ezgoda te gazdaril pe ma.

1 Korinťanenge 10:7
Goleke tumen na blagosin avere devlen sar cherdele nesave lendar, gia ppenel o Pisipe: “O sueto beslo te jal ta te piel, ta ttodepe te blagosin avere devlen chelimaia.”

1 Korinťanenge 15:32
Ando Efeso mardem man e llenenchar kai sea dive sargo zivirinie. A te avela chachipe kai e mule ni ka usten katar o meripe, ¿So dobisardem golea? te si gia, chera sar ppenen nesave llene: “¡Ja ta pia, kai ttiara ka mera!”

Filipanenge 3:19
ta von si te jasaon. Lengo del si o jape, ta cheren baripe ande so saia te avel lenge lallao. Samo mislinpe ande ezgode gale suetoke.

Rimanenge 13:14
Mai sukar furiadon amare Gazdatar o Jesukristo, ta na den tumare esnaga o bilachipe kai mangel.

Titoske 1:12
Isto ande Kreta iek porauko lengo ppenda gia: “E llene kai zivin ande Kreta si kojamne, dive, jan but ta ni radin.”

1 Korinťanenge 6:19-20
[19] ¿A tumen ni llanen kai tumari esnaga si o cher katar o Santo Duo kai o Del dia tumen, ta kai o Santo Duo zivil ande tumende? goleke ni sen gazda pe tumende,[20] soke o Del pochinda tumen. Goleke, morabi te blagosin e Devle tumare esnagaia.

Rimanenge 14:13-17
[13] Morabi te na da orbe bilache iek averetar. Mai sukar ttoven ande tumaro mislo te na peraven tumare pplale katar o pachape.[14] Cheres o pachape kai si man ando Kristo Jesus, me llanau kai niso inai melalo vou petar. A vareko te mislilape kai varesavi ezgoda si melali, sai avel melali goleke kai mislilape kai si melali.[15] A te avelpe kai cho pplal dukkadola pala o jape kai tu ja ondaka tu ni lla volimaia. ¡Na cher cheres cho jape te jasaol gua lleno kai o Kristo mulo pala le![16] Na cheren te den orbe bilache cheres o lachipe kai tumen cheren.[17] Soke e charoina e Devleki inai jape o pipe, e charoina e Devleki si chachipe, pas ta veselia ando Santo Duo.

2 Timoteoske 3:1-9
[1] Ta i morabi te llane kai ande llivesa kana ni ka achel ios vreme ka aven llivesa bilache.[2] E llene ka aven lakomure, ka mislinpe samo te aven len but love, ka istardon ta ka mislin kai von si e mai glamne. Ka den bilache orbe katar o Del, ni ka ttoven sama pe dadenge, ni ka den fala ta ka maren espurnia katar o pachape.[3] Ni ka avel len volipe ni zalba, nasti ka achavenpe kana ka zelin vareso, ka aven bilache ta ka murzin pe suako ezgoda lachi.[4] Nasti ka avel vera ande lende ta ka aven tromane, ka joliaon kana avere ka avel le vareso, ta ka roden mai but e dragostia kai del o sueto neko e Devle.[5] Ka cherenpe kai si llene pachamake a ka achardol pe lende kai inai len e zor katar pachape. Gole llenenchar na amisao.[6] Soke gia si e llene kai den ande chera ta kojaven e diskinien kai inai len bizaipe ta kai si pperde bilachipe, ta sar nasti achaven e bilache mislure kai si ande lende,[7] sikon ta sikon a nikada ni acharen o chachipe.[8] Ta sargo o Janes ta o Jambres kai ni kamle te cheren so ppenela o Moises, i gola llene ni kamen o chachipe. Gole llenengo mislo si pperdo bilachipe ta nikada ni barilo lengo pachape.[9] Ni ka llan but mai angle, soke sa o sueto ka acharel kai si dile, isto sargo gola dui llene kai ni kamle te cheren so ppenda lenge o Moises.

Romani Bible 2007
Nuevo Testamento en Romané © Sociedad Bíblica Chilena, 2007