A A A A A

Sins: [Procrastination]


1 Korinťanenge 14:40
ta ande sa gala ezgode te avel liubao ta te cherenle sar trubulpe.

Galaťanenge 6:9
Goleke morabi te chera o lachipe ta te na chiniva, soke te na jasardam e zor, ka avel o vreme ta o Del ka del amen amaro chari.

Židenge 12:11
Chachimaia, kana den pe amende ondaka inai amenge drago soke dukkal amen; a amen te sikilam, mapalal del amen iek zivoto kai si le pas ta chachipe.

Židenge 10:12
A o Jesukristo sikada samo iek kurbano pala o bilachipe ostade, ta mapalal beslo pe chachi rig e Devleki.

Jakob 4:17
Suako lleno kai llanel te cherel o lachipe ta ni cherel le, cherel o bilachipe.

Jan 9:4
So si ollivesea, morabi te cherau e buchi goleki kai bichalda man; e riat avel kana niko nasti radil.

Lukaš 12:35
“Si te aven lacharde ta tumare lampare ppabarde;

Lukaš 12:40
I tumen morabi te aven lacharde, soke o Chavo e manuseko ka avel ando saiato kai tumen ni llanen.

Matuš 6:33
Goleke, roden mai anglal e charoina e Devleki ta leko chachipe, ta i sa gala ezgode ka aven tumenge dine.

Filipanenge 4:13
Sai nakkau varesavo bilachipe soke o Kristo del man e zor.

Rimanenge 7:20-21
[20] Akana te cherau so ni kamam te cherau, ni sem me ko cherel le, ko cherel le si o bilachipe kai si ande mande.[21] Ondaka acharau kai i te mangava te cherau o lachipe, samo o bilachipe si mange po va te cherau.

Efežanenge 5:15-17
[15] Goleke, arakken tumen ta na zivin dilimaia, soke sar morabi te zivin si bizaimaia.[16] Ttoven sama so cheren, soke gala llivesa si bilache.[17] Na cheren e ezgode dilimaia; morabi te acharen savi si e volia e Gazdaki.

Lukaš 9:59-62
[59] O Jesus ppenda avereke: —Aide pala ma. A vou ppenda leke: —Gazda, muk man mai anglal te prajou me dade.[60] O Jesus ppenda leke: —Muk e llene kai si mule te prajon pire mulen; a tu lla ta de orba katar e charoina e Devleki.[61] Aver lleno ppenda leke: —Gazda, mangau te llau pala tu, muk te llau mai anglal kai mi familia te ppenau lenge kai ka llautar.[62] O Jesus ppenda leke: —Gua kai lel o kas te putarel lea e ppuv ta dikkel pala pe, inai letar e charoina e Devleki.

Romani Bible 2007
Nuevo Testamento en Romané © Sociedad Bíblica Chilena, 2007