A A A A A

Math Signs: [Number 8]


Zjaveňie 13:18
Kate si bizaipe; ko acharel te llinel o numero katar e azdava, soke si numero manuseko, ta o numero si sou stotine ta sovardes ta sou.

1 Korinťanenge 6:9-11
[9] Na muken te kojavel tumen niko, tumen llanen kai gola kai cheren o bilachipe ni ka avel len ttan ande charoina e Devleki. Gola kai denpe ando kurvaluko, gola kai blagosin avere devlen, ni e murusa kai si sargo diskinie, ni e murusa kai cheren kurvaluko e murusenchar,[10] ni e chorane, ni e lakomura, ni e matarne, ni gola kai den armaia. Ni iek lendar ni ka den ande charoina e Devleki.[11] Ta nesave tumendar sena sargo gala llene; a akana lien o jaladipe santo ta sen llinde chache ando anau e Gazdako o Jesukristo katar o Duo amare Devleko.

Zjaveňie 11:2-3
[2] Na llin e pole kai si avrial katar o cher e Devleko, soke gava ttan si dino golenge kai ni pachan. Von ka gazdarin ando Jerusalem saranda ta dui chon.[3] A me ka bichalau dui poraukura te ppenen murni viasta chachuni. Ka bichalau len furiade ande patave krupne te den orba milia ta dui stotine ta sovardes llive.”

Skutki 8:11-24
[11] Ta ttovena leke sama soke kojadaia e llenen but vreme pe chirimatenchar.[12] A kana o Felipe ppenda lenge e lachi viasta katar e charoina e Devleki ta katar o Jesukristo, e murus ta e diskinie kristisaile.[13] Ta isto o Simono pachaia ta kristisailo, ta llelo e Felipea, ta chudilape katar e bare ezgode Devlikane kai dikkela.[14] Kana e apostolura kai sea ando Jerusalem asunde kai e llene katar e Samaria pachaie ande alava e Devleke, bichalde incha e Pedro ta e Juane.[15] Kana avile, molisaile pala e llene kai pachan kai si katar e Samaria, te len o Santo Duo.[16] Soke ni ios ni aviloia o Santo Duo pe ni iek lendar; samo kristisailea ando anau e Gazdako o Jesus.[17] Ondaka o Pedro ta o Juan ttode pe va pe lende, ta gia lie o Santo Duo.[18] Kana o Simono dikkla kai o Santo Duo avela kana e apostolura ttovena pe va pe llene, ppenda kai ka del len love,[19] ta ppenda lenge: —Den i man goia zor, ta gia gola llene kai ka ttovau me va pe llene i von ka len o Santo Duo.[20] Ondaka o Pedro ppenda leke: —¡Te ave proketo, tu ta i che love, soke manglan te chine e lovenchar so si dino llabe e Devletar![21] Inai tutar gala ezgode, soke angla o Del cho lio inai chacho.[22] Muk o bilachipe kai chere, ta molisao e Devleke, te dikke dal ka prostil chuke so mangea te chere.[23] Soke me dikkau kai san pperdo zalba ta o bilachipe istarda tut ppanglo.[24] O Simono ppenda leke: —Molintumen e Devleke pala ma, te na nakkau gola ezgode kai ppenden mange.

1 Korinťanenge 6:9
Na muken te kojavel tumen niko, tumen llanen kai gola kai cheren o bilachipe ni ka avel len ttan ande charoina e Devleki. Gola kai denpe ando kurvaluko, gola kai blagosin avere devlen, ni e murusa kai si sargo diskinie, ni e murusa kai cheren kurvaluko e murusenchar,

Jan 1:8
Vou ni saia o villelo, vou avilo te sai del orba chachi katar o villelo.

Zjaveňie 4:6-8
[6] Ta angla o trono saia sargo iek mora serchavaki kai saia but bristi. Ta pasa o trono ta truial katar o trono, sea star zivotura pperde akka, anglal ta i palal.[7] O purvo zivoto saia sargo iek liono, o duito sargo guruv, o trito leko mui saia sargo manuseko, ta o starto sargo iek agila kana furial.[8] Ta suako iek katar e star zivotura sea len sou pakka, ta truial ta andral sea pperde akka. Ta ni orachaia ni ollivesea ni achena te ppenen: “¡Santo, santo, santo si o Gazda, o Del kai si le sa e zor, Gua kai saia, kai si, ta kai si te avel!”

Zjaveňie 13:5
Ta avilo lake dino iek mui kai dela bare orbe ta kusela e Devle, ta avila lake dino te gazdaril saranda ta dui chon.

Romani Bible 2007
Nuevo Testamento en Romané © Sociedad Bíblica Chilena, 2007