A A A A A

Life: [Being Alone]


Jakob 2:24
Dikken, o Del llinel orta e manuse kana o manus cherel so ppenel o zakono, a na samo pala o pachape.

Lukaš 5:16
A o Jesus llala te molilpe kote kai ni saia niko.

Filipanenge 1:6
Me llanau kai o Del cherda iek rado but lacho tumenchar ta ka lacharel le ios lligo ni ka irilpe o Jesukristo.

1 Timoteoske 3:15
te na avilem oma, gia ka llane sar morabi te zivil o manus ande Devleki familia, kai si e kkanlliri katar o Del o llundo, e kkanlliri kai istarel ta arakkel o chachipe.

Jan 8:32
ka pinllaren o chachipe, ta o chachipe ka braduil tumen.

Jan 6:54
Ta kogo jal mo mas ta piel mo rat, si le zivoto ostade; ta me ka cherau le te ustel katar o meripe kana ka avel o son e suetoko.

Marek 6:3
¿Inai gava o lleno kai cherel ezgode kastune, ta si chavo e Mariako ta pplal e Santiagoko, e Joseeko, e Judaeko ta e Simonoko? ¿Ta ni zivin kate maskar amende i leke pplal? Ta ni pachana ande lete.

2 Tesaloničanenge 2:15
Goleke pplalalen, llan orta ta na bristaren tumen katar o sikadipe e puranengo kai sikadam tumen kana sama tumenchar ta i so sikadam tumen e lilenchar.

Galaťanenge 1:19
A ni dikklem ni iekke katar ogola apostolura samo e Santiago o pplal e Gazdako.

Matuš 28:20
Ta sikaven len te arakken sa ezgode kai ppendem te cheren, ta me sem tumenchar suako llive llik o son e suetoko. Gia te avelpe.

Jan 3:3-5
[3] O Jesus ppenda leke: —Chachimaia ppenau chuke kai kogo ni biandola pale, nasti ka dikkel e charoina e Devleki.[4] O Nikodemo puchla le: —¿Sar iek lleno ande po ppuripe sai biandol pale? ¿sai del o duito drom ande pe dako lli?[5] O Jesus ppenda leke: —Chachimaia ppenau chuke kai kogo ni biandola e paietar ta i e Duotar, nasti ka del ande charoina e Devleki.

Židenge 12:14
Roden e pas saurrenchar ta e santidad, soke bi golea niko ni ka dikkel e Gazda.

Skutki 4:32
But llene sea gola kai pachana ando Jesus ta saurre saia len iek mislo ta iek lio. Ta niko ni ppenela kai leke ezgode sea samo leke, von ppenena kai so saia len saia saurrengo.

Židenge 13:5
Na zivin brigime katar e love; morabi te aven vesele e ezgodenchar kai si tumen, soke o Del ppenda: “Nikada ni ka mukau tut korkorre.”

Matuš 19:9
A me ppenau tumenge kai gua kai mukelpe katar pi romi, te na avelape kai voi lleli avere romea, i vou cherel kurvaluko te zinilape averiaia.

Galaťanenge 4:19
Chaurralen, pale dukkal man sargo kana dukkal iekke diskinia kana bianel, lligo ni ka aven sargo o Kristo.

2 Timoteoske 2:2
So asundan kai me ppendem angla but llene, ppenle i tu e llenenge kai uzdi tut ande lende kai ka llanen te sikavenle averenge.

Jan 6:51
Me sem o marrno llundo kai fulisto katar o miloso; kogo jala katar gava marrno ka zivil ostade. A o marrno kai me ka dau si mo mas, kai me ka dau pala o zivoto e suetoke.”

Jakob 2:26
Soke sargo iek esnaga kai kana inai la duo si muli, isto gia o pachape kana inai le buchi si mulo.

Matuš 16:18
Ta me ppenau chuke kai tu san o Pedro, ta pe gava barr ka cherau mi kkanlliri, ta e udara katar o meripe ni ka dobin la.

Matuš 18:15-18
[15] “Goleke, cho pplal te cherela chuke varesavo bilachipe, lla tu lete ta cher le te llanel kai cherda o bilachipe; a te asunda tut, dobisardan che pplale.[16] A te na asunda tut, le tuia iekke o duie llenen te asunen e orba.[17] A te na asunela gale llenen, ppen le e kkanllirake; a te na asunela e kkanllira, dikkle sargo iek lleno kai ni pachal ando Del o sargo iek publikano.[18] “Chachimaia ppenau tumenge kai sa so ppandena pe ppuv ka avel ppanglo ando miloso; ta sa so putarena pe ppuv ka avel putardo ando miloso.

Efežanenge 1:22-23
[22] Ttoda sa e ezgode telal tala e porrne e Kristoke ta ttoda le te avel o soro e kkanllirako.[23] Soke e kkanlliri si e esnaga e Kristoki, ta letar lel sa so trubul la, soke o Kristo si kai pperel la katar sa so trubul la, ta e kkanlliri achel pperdi.

Efežanenge 5:23
Soke o rom si o soro e romiako, gia sar o Kristo si o soro e kkanllirako ta e kkanlliri si leki esnaga ta vou si lako Braduimari.

1 Korinťanenge 1:10
Pplalorralen, ando anau amare Gazdako o Jesukristo, moliuman tumenge te aven ande iek mislo ta te na avel chingar maskar tumende. Zivin ando volipe, ta te avel tumen iek mislo ta iek lio.

Jan 16:13
Kana ka avel o Duo e chachimako, vou ka inllarel tumen kai sa o chachipe; soke ni ka del orba vou petar, A ka ppenel so ka asunel, te llanen e ezgode kai si te aven.

Jan 14:6
O Jesus ppenda leke: —Me sem o drom, o chachipe ta o zivoto; niko ni llal kai o Dad bi murno.

Jan 14:28
Asunden kai me ppendem tumenge kai ka llautar ta kai ka avau tumende. Te volisardena man veselisailena te llanen kai llautar kai o Dad, soke o Dad si mai baro mandar.

Romani Bible 2007
Nuevo Testamento en Romané © Sociedad Bíblica Chilena, 2007