A A A A A

Life: [Beauty]


1 Peter 3:3-4
[3] Na mislin kai o sunakai o e klea o e patave kai mol len but love ka cheren tumen ios mai sukar,[4] o sukaripe inai so dikkol avrial; soke o sukaripe chachuno kai si ando lio si kana o manus si pachivalo ta guglo. Gua sukaripe nikada ni jasaol ta angla o Del si but kuch.

2 Korinťanenge 4:16
Goleke ni chiniva i te avela kai gaia esnaga murilpe avrial, soke andral cherdol nevi suako llive.

Efežanenge 2:10
Soke o Del si kai cherda amen; vou cherda amen ando Jesukristo te sai chera lache ezgode, ta te ppira po drom kai vou lacharda amenge mai anglal.

Filipanenge 4:8
Pplalalen, mislin tumen ande sa so si chachuno, so si le liubao, so si chacho ta lacho, so si posteno, sogo si pinllardo kai si lacho, sogo si lachipe kai cherel te chudi tut, mislin tumen ande sogo prilichil letar te avel blagosime.

Rimanenge 8:6
Te zivia samo te misli amen ande sa o bilachipe kai mangel amare esnage, ondaka ka acha fulade e Devletar. A te misli amen ande sa so mangel o Santo Duo, ondaka ka avel amen o zivoto ostade ta e pas.

Matuš 6:28-29
[28] “Ta katar e patave, ¿soke triston tumen? Ttoven sama sar barion e lulunlla katar o vos kai ni radin ta ni cheren peke patave;[29] a ppenau tumenge kai ni o charo o Salomon sa pe barimaia ni furiadilo sargo iek lulunllin.

1 Timoteoske 2:9-10
[9] Ta mangau katar e diskinie te furiadon sukar liubaimaia, te na furiadon barimaia, te na lacharen pe bal barikamaia, te na ttoven ni sunakai ni klea ni patave kai si but kuch.[10] O sukaripe kai morabi te ttoven pe pete si e lache ezgode kai cheren, gia sar morabi te aven e diskinia kai mangen te blagosin e Devle.

Galaťanenge 3:26-27
[26] Soke cheres o pachape ando Kristo Jesus sa tumen sen e Devleke chave,[27] soke kana lien e Kristo ando kristope, achilen furiade e Kristoia.

Jakob 1:23
A o lleno kai samo asunel o alau o chacho ta ni kandel le, si sargo iek lleno kai dikkel po mui pe iek geldala:

Matuš 23:28
Gia sen tumen: avrial sikadon lache angla e manusa, a andral sen pperde kojaipe ta bilachipe.

Romani Bible 2007
Nuevo Testamento en Romané © Sociedad Bíblica Chilena, 2007