A A A A A

Life: [Verse For Men]


1 Korinťanenge 15:58
Goleke, pplalalen kai voliu tumen, llan zoriaia ta radi suako drom mai but ta mai but e Gazdake, ta llanen kai sa so radin e Devleke inai samo gia.

1 Korinťanenge 16:13
Achen llungade ta zurale ando pachape ta te aven tromane.

1 Peter 5:5
Isto gia tumen e terne morabi te kanden golen kai gazdarin ande kkanlliri ta te kanden iek avere postenimaia, ta na te istardon soke: “E Devleke inai drago e llene kai istardon, a pomozil e llenen kai lengo lio si kovlo.”

1 Timoteoske 4:8
Soke o rado kai cheren e llene te sai zuriaol e esnaga ta te avel sasti si lacho e esnagake, a o volipe si lacho varesave ezgodake soke del amen o lachipe ande gava zivoto ta i ande o gua zivoto kai ka avel mai angle.

1 Timoteoske 4:12
Na muk nika te ppenel kai ni mol tut pala cho ternipe; e llene kai pachan morabi te sikon tutar sar de orba ta sar san, sar voli, sar pacha, ta sar si cho pachape ando Del.

2 Korinťanenge 4:16
Goleke ni chiniva i te avela kai gaia esnaga murilpe avrial, soke andral cherdol nevi suako llive.

Galaťanenge 1:10
Me ni rodau te avau drago e llenenge, me rodau te avau drago e Devleke. Ni rodau te achau lacho e manusenchar. ¡Te rodiema te achau lacho e manusenchar, ni avilema iek esluga e Kristoko!

Židenge 4:12
Soke e Devleke alava si len zivoto ta zor. Ta chinen mai but neko nisavo jarni kai si ostro pe dui riga, ta del chak andre katar amaro zivoto ta katar amaro duo, ta del gia andre kai kote dikkel bristomaia so manga te chera ta amare mislure dal si lache o bilache.

Jakob 5:16
Goleke ppenen iek avereke tumaro bilachipe, ta molintumen iek pala aver te aven saste. Kana molilpe e Devleke iek lleno lacho, leko molipe sai cherel but.

Lukaš 10:27
O kovachi e zakonoko ppenda: —‘Volisar e Gazda cho Del sa che liea, sa che duoia, sa che zoriaia, ta sa che misloia’; ta volisar avere sar voli tu tut.’

1 Korinťanenge 10:12-13
[12] Goleke, gua kai mislilpe kai si zuralo, te arakkelpe te na perel.[13] Tumen ni nakklen iek zumadipe gia baro kai nasti terpilpe. Ta tumen sai pachan ando Del, kai ni ka mukel tumen te nakken gia baro zumadipe kai tumen nasti ka terpin. Goleke, kana ka avel o zumadipe, o Del ka sikavel tumen te sai terpin o zumadipe ta te sai liken letar.

Matuš 6:19-20
[19] “Na cheren tumenge barvalipe pe ppuv, kate kai e papuruga ta e pauzina zatrin ta kai e chor den ta vazden;[20] mai lache si te cheren tumenge barvalipe ando miloso, kote kai ni e papuruga ni e pauzina ni zatrin, ta kote kai e chor ni den te choren.

Rimanenge 12:1-2
[1] Goleke pplalalen, pala o volipe kai si e Devle pala tumende, mangau tumendar te ttoven tumen te radin leke sa tumare zivotoia ta te cheren so si leke drago. Gia si sar morabi te blagosi le.[2] Ta na zivin ios sar zivil o sueto; mai sukar si te pparrudon tumare mislura ta tumaro zivoto soke gia ka llanen savi si e volia e Devleki, ta so mangel si lacho posteno orta ta chacho.

Židenge 10:24-25
[24] Ta morabi te roda te pomozi iek avere te sai avel amen mai but volipe ta te chera o lachipe.[25] Ta na muka te chidiniaiva, gia sar cheren nesave llene, mai sukar da amen zor iek avere; ta mai but kana dikka kai o llive e Devleko si mai pase.

Jakob 1:19-20
[19] Pplalalen kai voliu tumen, ttoven sama pe gaia orba kai ka ppenau tumenge: tumen morabi te asunen avere llenen, a na te joliaon ta te den but orbe.[20] Soke gua lleno kai joliaol, ni cherel so si orta angla o Del.

2 Timoteoske 3:16-17
[16] Sa o Pisipe si cherdo katar e volia e Devleki, o Pisipe sikavel, ortol ta sikavel amen te avel amaro zivoto orta,[17] ta gia e llene kai radin e Devleke ka aven pperde katar o sikadipe, te sai cheren suako lachipe.

1 Timoteoske 6:11-12
[11] A tu, Devleko manus, nas katar sa gala ezgode. Morabi te ave chacho, Devlikano, te avel tut pachape, volipe, te ave zuralo ande nuzda, ta cho lio te na avel barikano.[12] Lla po lacho drom katar o pachape; le o zivoto ostade, soke goleke ikkarda tut o Del, ta goleke dian orba sukar katar cho pachape angla but llene.

1 Peter 5:8-9
[8] Arakken tumen ta ttoven sama soke o llavolo llal sargo iek liono divome kai rodel so te jal.[9] Ta terpin leke zurale ando pachape soke tumen llanen kai ande sa e ppuvia si but pplal kai nakken patnia isto sargo tumen.

Marek 10:43-45
[43] A maskar tumende nasti avelpe gia. A ko mangela te cherdol baro maskar tumende, morabi te avel tumaro esluga,[44] a kogo mangela te avel mai anglal maskar tumende, morabi te avel esluga saurengo.[45] Soke llik o Chavo e manuseko ni avilo te radin leke, vou avilo te radil, ta te del po zivoto, ta pe zivotoia te sai pochinel amen.

Romani Bible 2007
Nuevo Testamento en Romané © Sociedad Bíblica Chilena, 2007