A A A A A

Life: [Trials]


Jakob 1:2-4
[2] Pplalalen, tumen morabi te aven but vesele kana nakken patnia pala o Kristo.[3] Soke tumen llanen kai kana nakken patnia, tumaro pachape si ttodo ando zumadipe, ta gia tumen sikon te terpin.[4] Ta gua terpipe morabi te avel chacho ta te cherel tumen te aven bare ando pachape, ta te na trubul tumen niso.

1 Peter 1:6
Goleke tumen sen vesele, a akana si o vreme kai morabi te nakken ando zumadipe ta e duk.

Jan 16:33
Sa gala ezgode ppendemlem tumenge te avel tumen pas ande mande. Ando sueto ka avel tumen brige, A vazden tumari vera soke me dobisardem e sueto.

Rimanenge 8:28
Llana kai o Del lacharel sa e ezgode po lachipe golenge kai volin le, golenge kai vou ikkarda gia sar vou mangla.

Rimanenge 12:12
Zivin vesele soke tumen aduricharen e Devle; kana nakke duk pala o Del sikon te terpin; na muken te molintumen e Devleke.

Jakob 1:12
Blagosime o lleno kai terpil o zumadipe, soke kana ka terpil le, ka lel e korona e zivotoki kai o Del ppenda kai ka del golen kai volin le.

1 Peter 5:10
A kana tumen ka nakken gaia patnia nesavo vreme o Del ka cherel tumen orta ta zurale te na kovlion ta gia suako llive ka avel tumen pachape. Isto o Del kai ande po baro volipe ikkarda amen e Jesukristoia te ava i amen ande leki dragostia ostade.

Rimanenge 8:18
Pachau kai e patnia kai nakka ande gava vreme inai niso te ttovaia len e bare ezgodenchar kai si te dikka mai angle.

1 Peter 4:12
Pplalalen na chudin tumen, soke o zumadipe kai tumen nakken inai iek ezgoda nevi.

1 Tesaloničanenge 5:16-18
[16] Morabi te aven vesele suako llive.[17] Molintumen sorro llive.[18] Den fala e Devle pala sa so del tumen, vou mangel tumendar goia ezgoda soke pachan ando Kristo Jesus.

1 Korinťanenge 10:13
Tumen ni nakklen iek zumadipe gia baro kai nasti terpilpe. Ta tumen sai pachan ando Del, kai ni ka mukel tumen te nakken gia baro zumadipe kai tumen nasti ka terpin. Goleke, kana ka avel o zumadipe, o Del ka sikavel tumen te sai terpin o zumadipe ta te sai liken letar.

Filipanenge 4:6-7
[6] Na brigin tumen katar niso, molintumen ta ppenen sa tumare brige e Devleke; mangen letar ta den le fala.[7] Ta o Del ka del tumen pi pas kai si gia bari kai o sueto nasti acharel la, ta goia pas ka arakkel tumaro lio ta tumare mislura cheres o Kristo Jesus.

Rimanenge 5:3-5
[3] Ta na samo gava, i ka chera baripe ande patnia; soke llana kai e patnia cherel amen zurale te terpi,[4] ta gava zuralipe cherel amen te lika sukar, ta te likistam sukar ka pperdiva dragostia.[5] Ta gaia dragostia ni mukel amen peradine, soke o Del pperda pe volimaia amaro lio ta gava si ttodo katar o Santo Duo kai vou dia amen.

Marek 4:17
a sar inai len zile, oma muken o drom e Devleko ta kana avel e patnia ta kana mangen te maren len cheres e orba e Devleki, jasaren po pachape.

Rimanenge 8:35
¿Ko sai fulavel amen katar e Jesukristoko volipe? ¿E duk, e dar, e patnia, e bok, o sil, o meripe?

1 Peter 4:12-13
[12] Pplalalen na chudin tumen, soke o zumadipe kai tumen nakken inai iek ezgoda nevi.[13] Veselin tumen kai nakken e patnia kai o Kristo nakklo, te aven vesele kana ka avel o Kristo pale o duito ande po baripe ta ande pi zor.

Jakob 4:7
Goleke tumen morabi te kanden e Devle. Ta o llavolo ka nasel tumendar.

2 Korinťanenge 1:3-4
[3] Blagosime te avel o Del, o Dad amare Gazdako e Jesukristoko, soke vou si o Dad kai si leke zalba amendar ta o Del kai suako drom pomozil amen.[4] Vou pomozil amen ande sa amare nuzde ta ande amare dukka te sai i amen pomozi golen kai si ande nuzda, ta gia sar o Del pomozisarda amen isto gia amen te pomozi averen.

Filipanenge 4:13
Sai nakkau varesavo bilachipe soke o Kristo del man e zor.

Filipanenge 4:19
Goleke, o Del ka del tumen sa so trubul tumen, katar po glamno barvalipe kai si ando Kristo Jesus.

Rimanenge 5:3-4
[3] Ta na samo gava, i ka chera baripe ande patnia; soke llana kai e patnia cherel amen zurale te terpi,[4] ta gava zuralipe cherel amen te lika sukar, ta te likistam sukar ka pperdiva dragostia.

Romani Bible 2007
Nuevo Testamento en Romané © Sociedad Bíblica Chilena, 2007