A A A A A

Life: [Parenting]


Kološanenge 3:21
Tumen e dada na joliaven tumare chaurren, te na jasaren pi zor.

Efežanenge 6:4
Ta tumen kai sen dada, na cheren tumare chaurren te joliaon, mai sukar sikaven len ando bizaipe kai mangel o Gazda.

Židenge 12:11
Chachimaia, kana den pe amende ondaka inai amenge drago soke dukkal amen; a amen te sikilam, mapalal del amen iek zivoto kai si le pas ta chachipe.

Matuš 6:33-34
[33] Goleke, roden mai anglal e charoina e Devleki ta leko chachipe, ta i sa gala ezgode ka aven tumenge dine.[34] Goleke na triston tumen katar o llive kai si te avel, soke o llive kai si te avel ka anel e brige. Dosta suako lliveseke leko bilachipe.

Filipanenge 4:6-7
[6] Na brigin tumen katar niso, molintumen ta ppenen sa tumare brige e Devleke; mangen letar ta den le fala.[7] Ta o Del ka del tumen pi pas kai si gia bari kai o sueto nasti acharel la, ta goia pas ka arakkel tumaro lio ta tumare mislura cheres o Kristo Jesus.

1 Peter 5:2-3
[2] Arakken e bakren kai o Del dia tumende; arakken len chache liea, na samo soke si te arakken len pala e love; arakken e bakre e Devleke chachimaia.[3] Na sargo kana gazdarin pe llene kai o Del dia tumende; so morabi te cheren si te aven lache lenchar, ta gia von ka sikon tumendar.

Skutki 2:38-39
[38] O Pedro ppenda lenge: —Irin tumen kai o Del ta te kristin tumen suako lleno ande Jesukristoko anau, te sai o Del prostil tumaro bilachipe, ta gia vou ka del tumen o Santo Duo.[39] Soke dia po alau tumenge ta tumare chaurrenge, ta i sa golenge kai si dur; ta suakone lleneke kai o Gazda amaro Del mangela te ikkarel.

2 Timoteoske 3:14-16
[14] Tu morabi te lla orta ande sa so sikilan, soke llane kai si chachipe. Tu llane katar sikilan gola ezgode.[15] De tut golli kai sar kana sana minono pinllare o Pisipe, kai sai sikavel tut ta sai inllarel tut kai o zivoto ostade pala o pachape ando Kristo Jesus.[16] Sa o Pisipe si cherdo katar e volia e Devleki, o Pisipe sikavel, ortol ta sikavel amen te avel amaro zivoto orta,

Efežanenge 6:1-4
[1] Chaurralen, kanden tumare daden gia sar si drago e Gazdake; soke gaia si iek ezgoda chachi.[2] O purvo zakono kai del blagosipe si gava: “De liubao che dade ta i che da,[3] te sai llal chuke sukar ta te zivi but bursa pe ppuv.”[4] Ta tumen kai sen dada, na cheren tumare chaurren te joliaon, mai sukar sikaven len ando bizaipe kai mangel o Gazda.

Židenge 12:7-11
[7] A tumen te nakken patnia akana, gua si soke o Del volil tumen ta mangel te sikavel tumen sargo chaurren. ¿A si varesavo chaurro kai leko dad ni sikavel le?[8] A o Del te na sikavel tumen gia sar sikavel sa pe chaurren, a te avelpe gia, tumen ni avilena chachimaia leke chaurre.[9] Kana sama minone, amare dada kate pe ppuv sikavena amen, ta amen daia len liubao. Goleke, ios mai but morabi te kanda amare Devle kai si amaro Dad, kai si ando miloso te sai la o zivoto.[10] Amare dada kate pe ppuv sikavena amen pe gava zivoto kai si le cherricha vreme, soke von mislinape kai gua saia mai lache te cheren, a o Del sikavel amen pe amaro chachuno lachipe te sai cherel amen sante sargo vou.[11] Chachimaia, kana den pe amende ondaka inai amenge drago soke dukkal amen; a amen te sikilam, mapalal del amen iek zivoto kai si le pas ta chachipe.

Titoske 2:2-8
[2] E ppure morabi te na aven perasenge, morabi te aven ando liubao ta te llanen te mislinpe; te avel chacho lengo pachape, lengo volipe ta lengi zor te cherel len te terpin e patnia.[3] Ta i e ppuria si te avel len liubao, ta te na inllaren orbe cher cherete, ta te na maton. Morabi te sikon lendar e llene[4] ta te sikaven e mai ternen te volin pe rome ta pe chaurren,[5] te aven bizai, chache, te arakken pi chara, te aven postene ta te kanden pe rome, te na del niko bilache orba katar e orba e Devleki.[6] De zor i e ternen te aven bizai[7] ande suako ezgoda, ta te sikon tutar te sai cheren o lachipe. Kana ka sikave len, cherle chachimaia ta bi perasenchar,[8] de orba lachimaia, te na dosarel tut niko. Gia vareko te mangela te jalpe amenchar ka avel leke lallao, soke nasti ka ppenel amendar niso bilacho.

Romani Bible 2007
Nuevo Testamento en Romané © Sociedad Bíblica Chilena, 2007