A A A A A

Life: [Putting God First]


Rimanenge 1:16
Ni lallau katar e lachi viasta, soke si zor e Devleki te braduil sa golen kai pachan, mai anglal e judionen, ta i golen kai inai judiura.

Matuš 6:33
Goleke, roden mai anglal e charoina e Devleki ta leko chachipe, ta i sa gala ezgode ka aven tumenge dine.

Matuš 22:37
O Jesus ppenda leke: —‘Volisar che Devle sa che liea, sa che zivotoia ta sa che misloia.’

Galaťanenge 2:20
Ta akana ni ziviu me, o Kristo zivil ande mande. Ta o zivoto kai akana ziviu ande esnaga ziviule cheres o pachape kai si man ande Devleko Chavo kai volisarda man ta dia po zivoto pala ma.

Jan 3:16
“Soke pe gachin volisarda o Del e sueto, kai dia pe edine Chave, gia kogo pachal ande lete, te na jasaol, ta te avel le zivoto ostade.

Matuš 6:31-33
[31] Goleke na triston tumen, ta na ppenen: “¿So ka ja, o so ka pia, o so ka ttova pe amende?”[32] Sa gala si e ezgode kai brigin e llenen kai ni pachan ando Del, a tumen si tumen iek Dad ando miloso kai llanel sa so trubul tumen.[33] Goleke, roden mai anglal e charoina e Devleki ta leko chachipe, ta i sa gala ezgode ka aven tumenge dine.

1 Korinťanenge 10:13
Tumen ni nakklen iek zumadipe gia baro kai nasti terpilpe. Ta tumen sai pachan ando Del, kai ni ka mukel tumen te nakken gia baro zumadipe kai tumen nasti ka terpin. Goleke, kana ka avel o zumadipe, o Del ka sikavel tumen te sai terpin o zumadipe ta te sai liken letar.

1 Korinťanenge 1:18
E orba katar o meripe e Jesukristoko po krusto si iek dilipe golenge kai ka jasaon, a golenge kai braduinpe, gava si amenge, gaia orba si zor e Devleki.

Zjaveňie 2:4
A iek ezgoda inai mange drago tutar, kai muklan o volipe kai saia tut mai anglal.

Židenge 12:2
Morabi te dikka po Jesus, soke letar avel amaro pachape ta vou si kai bariavel le. O Jesus terpisarda o krusto, ta ni ttoda sama po lallao katar gua meripe, soke llanela kai pala e patnia ka avel le e dragostia ta e veselia; ta beslo pe rig e chachi e Devleki ande leki charoina.

Matuš 6:24
“Niko nasti radil duie gazdenge, soke ka murzil pe iek ta ka volil ogole; o ka kandel iekke a ogoleke ni ka ttovel sama. Nasti radilpe e Devleke ta i e barvalimake.

Kološanenge 3:1-4
[1] Goleke soke tumen te ustilen katar o meripe e Kristoia, morabi te roden e ezgode kai si upre kote kai o Kristo besel pe rig e chachi e Devleki.[2] Mislin tumen ande ezgode kai si ando miloso, a na ande ezgode e ppuviake.[3] Soke tumen mulen ta o Del lacharda tumenge te zivin e Kristoia.[4] O Kristo si tumaro zivoto ta kana vou ka avel, i tumen ka aven lea ando baripe.

Rimanenge 1:20
Soke so nasti dikkola e Devletar, akana sai pinllardol te ttovaia amen te misli so vou cherda. Sar kana cherda e ppuv, dikkol bristomaia kai vou si o Del ta kai leki zor si ostade. Goleke e bilache inai len so te ppenen.

Rimanenge 15:13-19
[13] O Del kai del o pachape, te del tumen bari veselia ta pas tumen kai pachan ande lete, ta te del tumen but pachape ande zor katar o Santo Duo.[14] Ppalalen pachau kai tumen sen pperde volipe ta kai llanen but, ta llanen te sikaven iek avere;[15] A ande gava lil avila mange te pisiu tumenge chachimaia katar nesave ezgode, te sai na bristaren tumen. Cheraule soke o Del avilo lacho manchar,[16] te avau esluga katar o Kristo Jesus ta te pomoziu e llenen kai inai judiura. Goleke pala o lachipe katar gola kai inai judiura morabi te avau lenge sargo iek popo, te dau len e lachi viasta e Devleki ta te inllarau len angla lete sargo iek ezgoda dini sukar, dini samo leke ta blagosime katar o Santo Duo.[17] Sai cherau baripe ando Kristo Jesus katar o rado kai cherdem e Devleke,[18] chachimaia ni ka dau ni iek orba te na avela katar so cherda o Kristo manchar te sai inllarel e llenen kai inai judiura te kanden e Devle. Ta cherdale me alavenchar, ta pala e ezgode kai cherdem,[19] pala e bari zor katar o Santo Duo cherdem e bare ezgode Devlikane. Ta gia inllardem ta ppendem e lachi viasta e Jesukristoki, pe suako rig katar o Jerusalem llik kai e ppuv katar o lliria.

Efežanenge 3:7
Ta mo rado si te inllarau gaia lachi viasta pala o volipe kai o Del avila leke mandar, ta gia sikada pi bari zor.

Rimanenge 9:22
Gia mangla o Del, te sikavel pi joli te sai pinllarel leki zor sa o sueto. Terpisarda but gole llenenge kai saia te dukkavel len ta kai llana kai o jasardipe.

Jan 3:30
Vou trubul te bariol, a me te chiknivau.

Matuš 6:19-21
[19] “Na cheren tumenge barvalipe pe ppuv, kate kai e papuruga ta e pauzina zatrin ta kai e chor den ta vazden;[20] mai lache si te cheren tumenge barvalipe ando miloso, kote kai ni e papuruga ni e pauzina ni zatrin, ta kote kai e chor ni den te choren.[21] Soke kote kai si cho barvalipe, i kote ka avel cho lio.

Jan 15:5
“Me sem o kas drakkengo a tumen e krangura. Gua kai achel ande mande a me ande lete, gava del but drak; soke bi murno tumen nasti cheren niso.

Matuš 24:12
ka avel pe gachin bilachipe, kai but llene ka jasaren o volipe.

Skutki 20:35
Ta sa o vreme sikadem tumen kai gia si sar trubul te radi ta te pomozi golen kai trubul len, ta te da amen golli katar gola alava kai o Gazda o Jesus ppenda: ‘Mai but veselia si kana de neko kana le.’ ”

Rimanenge 8:5
Gola kai zivin ta ni achaven po bilachipe, samo mislin te cherel bilachipe. A gola kai zivin te kanden so ppenel o Santo Duo mislinpe samo te cheren so o Santo Duo mangela.

Filipanenge 4:13
Sai nakkau varesavo bilachipe soke o Kristo del man e zor.

2 Korinťanenge 12:7-10
[7] cheres e ezgode Devlikane kai sikada mange o Del. Ta te na pperdivau baripe, avila mange iek patnia sargo iek karrno ande mi esnaga, iek karrno bichaldo katar o Satanas te dukkavel man.[8] Ta trin droma molisailem e Gazdake te lel mandar gaia patnia;[9] a o Gazda ppenda mange: “Tut trubul samo mo volipe; soke mi zor sikadol ando kovlipe.” Goleke mange si mai sukar te faliu man ande mo kovlipe, gia te avel pe mande e zor e Kristoki.[10] Goleke veseliu man kai sem kovlo, kai kusen man, kai inai man so trubul man, kai mangen te maren man, ta i katar e bari patnia kai nakkau pala o Kristo, soke kana mai kovlo sem, ondaka si kana mai zuralo sem.

Romani Bible 2007
Nuevo Testamento en Romané © Sociedad Bíblica Chilena, 2007