A A A A A

Life: [Mental Illness]


1 Jan 4:18
Ando volipe inai dar. O volipe cherel te duriol o dar. A te daral fiko kai o Del ka del le patnia, gua si kai ni sikilo te volil de istina.

Galaťanenge 5:22-23
[22] A so cherel o Duo si: o volipe, e veselia, e pas, o terpipe, o pachivalipe, postenipe, e dragostia,[23] te na avel istardipe ta te llanel o manus te achavel vou pe. Ni iek zakono nasti marelpe gale ezgodenchar.

2 Timoteoske 1:7
Soke o Del ni dia amen o duo katar e dar, dia amen o duo katar e zor, katar o volipe ta katar o bizaipe.

Filipanenge 4:6-7
[6] Na brigin tumen katar niso, molintumen ta ppenen sa tumare brige e Devleke; mangen letar ta den le fala.[7] Ta o Del ka del tumen pi pas kai si gia bari kai o sueto nasti acharel la, ta goia pas ka arakkel tumaro lio ta tumare mislura cheres o Kristo Jesus.

1 Peter 5:7
Muken ande Devleke va sa tumare brige, soke vou arakkel tumen.

Filipanenge ४:१३
Sai nakkau varesavo bilachipe soke o Kristo del man e zor.

Matuš 11:28-30
[28] Aven mande sa gola kai sen radime ta kai inllaren pparipe, ta me ka cherau te lelpe tumendar o chiñipe.[29] Kanden mo zakono ta sikon mandar kai ni istardivau ta mo lio si kovlo ta manchar ka lelpe tumendar o chiñipe.[30] Soke mo zakono sai inllardol ta inai pparo.”

Rimanenge 15:13
O Del kai del o pachape, te del tumen bari veselia ta pas tumen kai pachan ande lete, ta te del tumen but pachape ande zor katar o Santo Duo.

1 Jan ४:८
A gua kai ni volil ni pinllarel e Devle soke o Del si volipe.

2 Tesaloničanenge 2:11
Goleke o Del mukel te aven kojade katar so inai chacho ta te pachan ando kojaipe,

Matuš 4:24
Ta lleli leki viasta ande sa e ppuv katar e Siria, ta anena lete sa golen kai sea nasuale o kai dukkala len vareso, ta i golen kai sea e llavolura ande lende, ta i gola kai perena bengendar, ta i golen kai nasti ppirena, ta o Jesus sastarela len.

Rimanenge 8:28
Llana kai o Del lacharel sa e ezgode po lachipe golenge kai volin le, golenge kai vou ikkarda gia sar vou mangla.

2 Timoteoske 3:16-17
[16] Sa o Pisipe si cherdo katar e volia e Devleki, o Pisipe sikavel, ortol ta sikavel amen te avel amaro zivoto orta,[17] ta gia e llene kai radin e Devleke ka aven pperde katar o sikadipe, te sai cheren suako lachipe.

1 Peter ५:१०
A kana tumen ka nakken gaia patnia nesavo vreme o Del ka cherel tumen orta ta zurale te na kovlion ta gia suako llive ka avel tumen pachape. Isto o Del kai ande po baro volipe ikkarda amen e Jesukristoia te ava i amen ande leki dragostia ostade.

Filipanenge 1:6
Me llanau kai o Del cherda iek rado but lacho tumenchar ta ka lacharel le ios lligo ni ka irilpe o Jesukristo.

Židenge 12:1
Goleke amen sar si truial amendar pe gachin llene kai sikade po pachape, muka pe iek rig sa so achavel amen ta o bilachipe kai ppariavel amen, ta prasta zoriaia po drom kai si amen angle.

Efežanenge ४:२३
Morabi te aven neve ando duo tumare mislura

1 Timoteoske 1:5
Gaia orba cherel amen te voli iek avere ta gua volipe te likel katar iek lio chisto, katar iek lacho mislo ta katar iek pachape chacho.

Filipanenge 4:8
Pplalalen, mislin tumen ande sa so si chachuno, so si le liubao, so si chacho ta lacho, so si posteno, sogo si pinllardo kai si lacho, sogo si lachipe kai cherel te chudi tut, mislin tumen ande sogo prilichil letar te avel blagosime.

Efežanenge 5:18
Na maton, soke e mol inllarel kai o bilachipe; mai sukar pperdon katar o Santo Duo.

Romani Bible 2007
Nuevo Testamento en Romané © Sociedad Bíblica Chilena, 2007