| Židenge 10:22 |
| Goleke morabi te aven pasa o Del iekke chache liea ta iekke bare pachamaia, ta te aven jalade amare lie katar e mislura bilache ta te aven jalade i amare esnage iekke paiea kai si bristo. |
|
| Jakob 2:10 |
| Soke vareko te cherel sa so ppenel o zakono a ni cherel iek lendar; gua si sargo kana ni kandel ni iek. |
|
| Židenge 10:2 |
| A te avilaia istina kai o zakono sai jalavel len katar o bilachipe, von ni achardeape dosale ta muklea te den kurbanura. |
|
| 1 Jan 1:9 |
| Te ppena e bilache ezgode kai amen chera, vou si lacho te chistosarel amen katar amaro bilachipe. |
|
| Rimanenge 8:1 |
| Akana inai ni iek dos pe llene kai si ppangle ando Kristo Jesus, |
|
| Židenge 9:14 |
| A te si gaia ezgoda gia, ¡Pe gachin mai but ka avel le zor o rat e Kristoko! Soke katar o Duo kai zivil ostade, o Kristo dia isto vou pe kurbano e Devleke bi dosako, ta leko rat jalavel amen ta Del amen pachape kai sam prostime te sai radi e Devleke kai si llundo. |
|
| 2 Korinťanenge 5:17 |
| Goleke, o lleno kai si e Kristoia si iek manus nevo. E ezgode purane nakkle, ta sa cherdon neve. |
|
| Rimanenge 3:21-23 |
| [21] A akana bi e zakonoia, o Del sikada amenge sar llinel amen chache, ta sikadale amenge isto e zakonoia ta e poraukenchar.[22] O Del llinel chache sa golen kai pachan ando Jesukristo ni chitilpe dal si judiura o inai judiura:[23] saurre cherde o bilachipe ta si dur katar o Del. |
|
| 2 Korinťanenge 5:21 |
| O Kristo ni cherda ni iek bilachipe; a cheres amende o Del llindale bilacho te sai llinel amen chache e Devleke ando Kristo. |
|
| 1 Jan 3:19-20 |
| [19] Gia amen llana kai sam katar o chachipe, ta ande amaro lio ka avel vera angla o Del;[20] soke te ppukavel amen amaro lio katar fiso, o Del si mai baro neko o lio ta llanel sa e ezgode. |
|
| Rimanenge 6:23 |
| So pochinel o bilachipe si o meripe; a so del o Del si zivoto ostade ando Kristo Jesus, amaro Gazda. |
|
| Zjaveňie 12:10 |
| Ondaka asundem iek baro avazi ando miloso kai ppenela: “Akana avilo o braduipe, e zor ta e charoina katar amaro Del, ta o gazdaripe katar leko Mesias; soke avilo tradino avri gua kai dosarela amare pplalen, angla amaro Del ollivesea ta i orachaia; |
|
| 2 Korinťanenge 7:10 |
| soke o tristope kai avel katar e volia e Devleki inllarel amen te pparrudiva ta braduil amen, a o tristope gale zivotoko so del si o meripe. |
|
| Židenge 4:16 |
| Goleke, kana ka trubul amen vareso, morabi te ava bi darako kai o Del, soke vou ka pomozil amen soke si lacho ta volil amen. |
|
| Rimanenge 8:31-39 |
| [31] Samo achel amen te ppena kai o Del te si amenchar, niko nasti avel ande brasnia amenchar.[32] O Del kai ni achada te del amen pe chaurre, ta dia le te merel pala sa amende, ¿Sar ni ka del amen pe chaurrea sa e ezgode?[33] ¿Ko sai dosarel katar fiso golen kai o Del esvirisarda? Kana isto o Del llinda len chache.[34] ¿Ko sai del len ande kris? Kana o Kristo si kai mulo pala lende ta i mai but; vou ustilo katar o meripe ta si pe rig e chachi e Devleki, ta molilpe pala amende.[35] ¿Ko sai fulavel amen katar e Jesukristoko volipe? ¿E duk, e dar, e patnia, e bok, o sil, o meripe?[36] Sar ppenel o pisipe: “Cheres tu suako drom san ttode po meripe; inllaren amen sargo bakren kote kai mundaren len.”[37] Maskar sa amare dukka, pacha kai o Jesukristo ka cherel amen te dobisara soke vou volisarda amen.[38] Me pachau kai nisavi ezgoda ka fulavel amen katar o volipe e Devleko: ni o meripe, ni o zivoto, ni e suechura, ni e duura, ni so si akana, ni so si te avel,[39] ni so si mai upre, ni so si mai tele, ta nisave ezgode cherde e Devletar. ¡Niso nasti ka fulavel amen katar o volipe kai o Del sikada amenge ando Kristo Jesus amaro Gazda! |
|
| Rimanenge 3:26 |
| soke vou mangla te sikavel ande gava vreme po chachipe ta te llinel amen chache gia sar si vou chacho ta llinel chache sa golen kai pachan ando Jesus. |
|
| Rimanenge 14:23 |
| A ko mislilpe kai inai sukar so vou jal, ta te jala, vou pe dosarel, soke cherel le bi pachamaia; soke sa so cherdol bi pachamaia si bilacho. |
|
| Jan 3:17 |
| Soke o Del ni bichalda pe Chave ando sueto te proketil e sueto, bichalda le te braduil e sueto. |
|
| Skutki 3:19 |
| Goleke, irin tumen kai o Del ta muken tumaro bilachipe, te sai vou kosel tumaro bilachipe |
|
| 1 Jan 2:1 |
| Chavalen, me pisiu tumenge gala ezgode te na cheren o bilachipe. A te avel iek tumendar kai cherda o bilachipe, si amen abogado angla o Dad, o Jesukristo o chacho. |
|
| Lukaš 15:18-19 |
| [18] Ka iriuman kai me dadeko cher, ta ka ppenau leke: Dade, cherdem o bilachipe e Devleke ta i chuke;[19] ia ni sem lacho te avau cho chaurro; cher man sargo iek katar e llene kai radin chuke.’ |
|
| Matuš 18:21-35 |
| [21] Ondaka avilo pasa le o Pedro ta ppenda leke: —Gazda, ¿Pe gachin droma morabi te prostiu me pplale kai cherda mange varesavo bilachipe? ¿Llik kai efta droma?[22] O Jesus ppenda leke: —Ni ppenau chuke llik kai efta; so ppenau chuke si llik kai eftavardes droma efta.[23] “Soke e charoina e milosoki si sargo iek charo kai mangla te lachardol pe eslugenchar te sai llanel pe gachin faidava achela le.[24] Kana ttodape pe gaia buchi, ande lete iekke esluga kai saia leke unllile des milie talentura.[25] Gava esluga sar ni saia le love te pochinel, o charo ppenda te bichinen gole llene ta i leke romia ta i leke chaurre ta sa so saia le, te sai pochinel sa so saia unllile.[26] Ondaka gua esluga, ttodo changenchar molilape leke gia: ‘Te avel chuke zalba mandar ta ka pochinau chuke sa.’[27] Ondaka o gazda katar gua esluga avila leke zao, ta prostisarda leke sa so saia leke unllile.[28] “A kana likisto gua esluga, maladilo avere eslugaia kai saia leke unllile stotina denariura; ta istarda le ta ppenda leke gia: ‘¡Pochin mange so san mange unllile.!’[29] Ondaka o gua esluga dia changa angla le ta ppenda leke gia: ‘Te avel chuke zalba mandar ta ka pochinau chuke sa.’[30] A vou ni kamla, ta ppangla le ande rubie te achel kote lligo ni ka pochinel sa so saia leke unllile.[31] Kana ogola esluga dikkle so cherela, tristosaile but, ta llele ta ppende sa pe gazdake.[32] Ondaka o charo ikkarda gole esluga ta ppenda leke: ‘¡Esluga bilacho! ¿Ni prostisardem tut sa so sana mange unllile kana molisailan mange?[33] ¿Ni saia te avel i chuke zao katar o gua esluga gia sar avila mange zao tutar?’[34] Ondaka o charo jolailo pe gachin kai ppenda te ppanden le ande rubie lligo ni ka pochinel sa so saia leke unllile.”[35] Isto gia mo Dad kai si ando miloso ka cherel tumenchar te na prostina e pplal iek avere sa tumare liea o bilachipe kai cheren. |
|
| Romani Bible 2007 |
| Nuevo Testamento en Romané © Sociedad Bíblica Chilena, 2007 |