A A A A A

Life: [Focus]


2 Korinťanenge 3:18
Goleke, akana kai saurre sam bi e dikklea kai ucharela amaro mui, sam sargo iek geldala kai sikavel o baripe e Gazdako, ta amaro zivoto pparudol prema lete, ta suako drom si amen mai but katar leko baripe, ta gava si cheres e buchi kai cherel o Duo e Gazdako.

Filipanenge 4:8
Pplalalen, mislin tumen ande sa so si chachuno, so si le liubao, so si chacho ta lacho, so si posteno, sogo si pinllardo kai si lacho, sogo si lachipe kai cherel te chudi tut, mislin tumen ande sogo prilichil letar te avel blagosime.

Rimanenge 12:2
Ta na zivin ios sar zivil o sueto; mai sukar si te pparrudon tumare mislura ta tumaro zivoto soke gia ka llanen savi si e volia e Devleki, ta so mangel si lacho posteno orta ta chacho.

1 Peter 1:13
Goleke, arakken tumen ta mislin tumen so ka cheren, te aven suako drom orta. Morabi te avel tumen vera kai ande Devleko volipe kana ka irilpe o Jesukristo ka del tumen lachipe.

Rimanenge 12:10
Volin tumen sargo pplalorre iek avere, ta traden liubao maskar tumende.

Kološanenge 3:2
Mislin tumen ande ezgode kai si ando miloso, a na ande ezgode e ppuviake.

Židenge 3:1
Goleke pplalalen, tumen kai sen katar o foro santo, kai sen ikkarde e Devletar te aven leke, ttoven sama ko si o Kristo Jesus, vou si o Apostol ta o mai Baro Popo, kai fala leke si amen gava pachape.

Filipanenge 4:13
Sai nakkau varesavo bilachipe soke o Kristo del man e zor.

Židenge 12:1-2
[1] Goleke amen sar si truial amendar pe gachin llene kai sikade po pachape, muka pe iek rig sa so achavel amen ta o bilachipe kai ppariavel amen, ta prasta zoriaia po drom kai si amen angle.[2] Morabi te dikka po Jesus, soke letar avel amaro pachape ta vou si kai bariavel le. O Jesus terpisarda o krusto, ta ni ttoda sama po lallao katar gua meripe, soke llanela kai pala e patnia ka avel le e dragostia ta e veselia; ta beslo pe rig e chachi e Devleki ande leki charoina.

1 Peter 5:8
Arakken tumen ta ttoven sama soke o llavolo llal sargo iek liono divome kai rodel so te jal.

Rimanenge 12:16
Zivin lachimaia iek averea ta na istardon. Na cheren tumen mai bare katar aver; dikken averen sargo isto tumen. Na mislin tumen kai tumen sen e mai bizai.

2 Korinťanenge 10:4-5
[4] Amen ni mara amen ni kastenchar ni churienchar sar marelpe o sueto, so si amen te mara amen si e zor e Devleki kai sai ppagel bare zidura. Ta galea amen ppaga e dos kai ttoven pe amende.[5] Ta i achava gole llenen kai istardon ta kai achaven averen te pinllaren e Devle. Ta suako mislo e manusengo anale kai o Kristo te sai kanden le,

Filipanenge 3:12-14
[12] Galea me ni ppenau tumenge kai me liem sa gala ezgode, ta ni ppenau tumenge kai inai man ni iek bilachipe. Llau angle ta mangau te avau gia, soke o Kristo Jesus reslo mande mai anglal.[13] Pplalalen, me ni ppenau kai ia liem le; so cherau si kai bristarau man katar so achilo palpale ta trudiu man te resau so si angle,[14] te resau kote kai mangau ta te dobiu o chari katar o miloso kai o Del ikkarda amen te la cheres o Kristo Jesus.

Romani Bible 2007
Nuevo Testamento en Romané © Sociedad Bíblica Chilena, 2007