A A A A A

Life: [Exercise]


Lukaš 22:25
O Jesus ppenda lenge: “Maskar e llene kai ni pachan, e charura gazdarin silnomaia pe llene kai zivin ande gola ppuvia, ta e llenenge kai gazdarin ppenen e llenenge kai von si lache lenchar.

Zjaveňie 13:12
Ta si la sa o gazdaripe katar e purvi azdava, ta gazdaril angla la ta cherel e ppuv ta e llene kai zivin pe late te blagosin e purve azdava kai lako ranipe merimako te sastiloia.

Matuš 20:25
Ondaka o Jesus ikkarda len, ta ppenda: —Tumen llanen kai maskar e llene kai ni pachan ando Del e gazde gazdarin silnomaia pe llene kai zivin ande gola ppuvia ta e bare cheren sogo mangen lenchar.

Marek 10:42
A o Jesus ikkarda len, ta ppenda lenge: —Tumen llanen kai maskar e llene kai ni pachan ando Del si gazde kai misin kai sai gazdarin silnomaia pe llene kai zivin ande gola ppuvia ta e bare cheren sogo mangen lenchar.

Kološanenge 2:23
De istina si kai gola ezgode sai dikkon kai si len bizaipe, soke mangen katar o manus te avel mai Devlikano ta prosto ta te trudilpe but. A gala ezgode ni achaven o bilachipe gale suetoko.

Židenge 5:14
A O jape zuralo si e barenge, golenge kai acharen so si o lachipe ta o bilachipe.

1 Peter 5:2
Arakken e bakren kai o Del dia tumende; arakken len chache liea, na samo soke si te arakken len pala e love; arakken e bakre e Devleke chachimaia.

Matuš 8:9
Soke i pe mande gazdarin ta i me gazdariu, ta si tala mo va boñikura, ta ppenau goleke lla, ta vou llal; a ogoleke: aide; ta vou avel. A kana me ppenau me eslugake cher gaia ezgoda, vou cherel la.

1 Timoteoske 4:8
Soke o rado kai cheren e llene te sai zuriaol e esnaga ta te avel sasti si lacho e esnagake, a o volipe si lacho varesave ezgodake soke del amen o lachipe ande gava zivoto ta i ande o gua zivoto kai ka avel mai angle.

1 Korinťanenge 6:19-20
[19] ¿A tumen ni llanen kai tumari esnaga si o cher katar o Santo Duo kai o Del dia tumen, ta kai o Santo Duo zivil ande tumende? goleke ni sen gazda pe tumende,[20] soke o Del pochinda tumen. Goleke, morabi te blagosin e Devle tumare esnagaia.

Filipanenge 4:13
Sai nakkau varesavo bilachipe soke o Kristo del man e zor.

1 Korinťanenge 10:31
Goleke te jana o te piena, o te cherena aver ezgoda, cherenle sa te blagosin e Devle.

2 Timoteoske 2:5
Isto gia, o lleno kai leko rado si te prastel te dobil averen, nasti lel po chari te na prastela prema e zakonura.

1 Timoteoske 2:12
ta ni mukau e diskinien te sikaven angla e llene ta te na gazdarin po murus. Mangau te achen esmino,

Rimanenge 12:1
Goleke pplalalen, pala o volipe kai si e Devle pala tumende, mangau tumendar te ttoven tumen te radin leke sa tumare zivotoia ta te cheren so si leke drago. Gia si sar morabi te blagosi le.

Skutki 24:16
Goleke suako llive cherau so sai te aven chiste me mislura angla o Del ta angla e llene.

1 Timoteoske 4:7
A muk pe iek rig e paramiche e suetoke kai si dile, ta ttou tut te chere o lachipe.

Židenge 12:2-11
[2] Morabi te dikka po Jesus, soke letar avel amaro pachape ta vou si kai bariavel le. O Jesus terpisarda o krusto, ta ni ttoda sama po lallao katar gua meripe, soke llanela kai pala e patnia ka avel le e dragostia ta e veselia; ta beslo pe rig e chachi e Devleki ande leki charoina.[3] Goleke mislin tumen so sai sikon katar o Jesus, kai jala gia bari patnia katar e bilache llene; goleke na chinion ta na triston tumen.[4] Soke tumen ni ios ni terpin o bilachipe llik kai o meripe,[5] tumen bristrailen so ppenel tumenge o Del sargo pe chaurrenge. Gia ppenel ando Pisipe: “Ttou sama, bre chaurrea kana o Del sikavel tut, ta na tristosao kana vou del pe tute.[6] Soke o Del sikavel gole kai vou volil, ta del pe gua lleno kai lel le sargo pe chaurre.”[7] A tumen te nakken patnia akana, gua si soke o Del volil tumen ta mangel te sikavel tumen sargo chaurren. ¿A si varesavo chaurro kai leko dad ni sikavel le?[8] A o Del te na sikavel tumen gia sar sikavel sa pe chaurren, a te avelpe gia, tumen ni avilena chachimaia leke chaurre.[9] Kana sama minone, amare dada kate pe ppuv sikavena amen, ta amen daia len liubao. Goleke, ios mai but morabi te kanda amare Devle kai si amaro Dad, kai si ando miloso te sai la o zivoto.[10] Amare dada kate pe ppuv sikavena amen pe gava zivoto kai si le cherricha vreme, soke von mislinape kai gua saia mai lache te cheren, a o Del sikavel amen pe amaro chachuno lachipe te sai cherel amen sante sargo vou.[11] Chachimaia, kana den pe amende ondaka inai amenge drago soke dukkal amen; a amen te sikilam, mapalal del amen iek zivoto kai si le pas ta chachipe.

1 Peter 2:14
kanden e sudonen kai o kralio ttoda te patin gole llene kai cheren bilachipe ta te den liubao golen kai cheren lachipe.

1 Peter 2:1
Muken o bilachipe kai cheren. Na kojaven, te na joliaon kana averenge llal sukar na den orba bilachi katar aver llene.

1 Korinťanenge 6:19
¿A tumen ni llanen kai tumari esnaga si o cher katar o Santo Duo kai o Del dia tumen, ta kai o Santo Duo zivil ande tumende? goleke ni sen gazda pe tumende,

3 Jan 1:2
Pplala, mangau e Devletar, te llal chuke sukar ande suako ezgoda, te ave sasto, ta te llal chuke sukar ande cho pachape.

1 Korinťanenge 9:24-27
[24] Tumen llanen kai kana sa prasten samo iek dobisarel. Goleke morabi tumen te prasten sar trubulpe te sai dobisaren.[25] Gola kai lacharenpe te chelenpe pe varesavi ezgoda, arakkenpe katar suako ezgoda te na jasaren pi zor te sai dobin iek korona patrengi kai but oma murilpe; a amen cherale te dobisara so ni ka murilpe nikada.[26] A me ni prastau bi te llanau kai llau ta ni marau man sargo kana dau dumukka ande balau.[27] Me dukkavau mi esnaga te sai cherau la te kandel man pe zor te na avau me ikando katar o prastipe kana me sikadem averen.

1 Peter 3:3-4
[3] Na mislin kai o sunakai o e klea o e patave kai mol len but love ka cheren tumen ios mai sukar,[4] o sukaripe inai so dikkol avrial; soke o sukaripe chachuno kai si ando lio si kana o manus si pachivalo ta guglo. Gua sukaripe nikada ni jasaol ta angla o Del si but kuch.

2 Timoteoske 4:7
Llelem po lacho drom, avilem kote kai inai ios drom angle, llelem chachimaia.

1 Korinťanenge 9:26-27
[26] A me ni prastau bi te llanau kai llau ta ni marau man sargo kana dau dumukka ande balau.[27] Me dukkavau mi esnaga te sai cherau la te kandel man pe zor te na avau me ikando katar o prastipe kana me sikadem averen.

Romani Bible 2007
Nuevo Testamento en Romané © Sociedad Bíblica Chilena, 2007