A A A A A

Life: [Discernment]


1 Korinťanenge 2:14
Gola kai inai len o Duo e Devleko ni kamen te sikon e ezgode e Duoke, soke lenge si dilipe. Ta von nasti sikon, soke inai len o Duo e Devleko.

1 Korinťanenge 12:10
Nesave len e zor te cheren bare ezgode Devlikane, aver te ppenen so si te avelpe, ta averen del len o Duo te llanen save si e duura kojamne ta o Duo chachuno, ta averen del len te den orba ande chibia, ta i averen te sikaven so ppende ande chibia kai die orba ogola llene.

1 Korinťanenge 14:29-33
[29] Isto gia te avena poraukura, morabi te den orba dui o trin, a ogola morabi te ttoven sama ta te mislinpe so ppendilo.[30] A o Del te sikavela vareso iekke llene kai si besindo kote, ondaka o gua kai dela orba mai anglal morabi te achel.[31] Gia iek po iek ka ppenen so o Del ppenda lenge, te gia saurre ka sikon ta ka barion ando pachape.[32] E poraukura morabi te llanen kana si te ppenen e porouka e Devleki ta kana morabi te na den orba,[33] soke o Del si o Del katar e pas na katar e burkania. Soke gia sar si sikade te cheren ande sa e kkanllira,

1 Jan 2:27
A pe tumende si o Santo Duo kai o Jesukristo bichalda tumenge, ta ni trubul tumen niko te sikavel tumen soke o Duo kai vou dia tumen sikavel tumen katar suako ezgoda ta so sikavel si o chachipe na o kojaipe goleke achen ande iek ttan e Jesusea.

1 Jan 4:1
Pplalalen, na pachan tumen ande suako duo, goleke tumen morabi te dikken dal gala duura si e Devleke o iok; soke but poraukura kojamne likiste ando sueto.

1 Tesaloničanenge 5:21
Zumaven ta len so si mai lacho.

1 Timoteoske 4:1
A o Duo ppenel bristomaia kai ande llivesa kai si te aven mai angle, nesave llene ka muken o pachape ta ka ttoven sama e duonenge kai si kojamne ta e sikadimake kai avel katar e llavolura.

Kološanenge 2:8
Ta arakken tumen: na ttoven sama golenge kai mangen te kojaven tumen alavenchar kai asundon bizai, soke gua bizaipe si e manusengo. Von ttoven sama e duonenge zurale kai si gale suetoke ta ni ttoven sama e Kristoke.

Židenge 4:12
Soke e Devleke alava si len zivoto ta zor. Ta chinen mai but neko nisavo jarni kai si ostro pe dui riga, ta del chak andre katar amaro zivoto ta katar amaro duo, ta del gia andre kai kote dikkel bristomaia so manga te chera ta amare mislure dal si lache o bilache.

Židenge 5:14
A O jape zuralo si e barenge, golenge kai acharen so si o lachipe ta o bilachipe.

Jakob 1:5
Vareko tumendar te trubul le o bizaipe, te mangel le e Devletar, ta vou ka del le o bizaipe; soke o Del saurren del o bizaipe kana mangenle letar.

Jan 7:24
Na ttoven kris pe so tumen mislin kai gia si. Kana ka krisin cheren le chachimaia.

Matuš 10:16
Me bichalau tumen sargo bakre maskar e ruva. Goleke morabi te aven bizai sargo e sapa ta proste sargo e gulubura.

Matuš 24:24
Soke ka aven kojamne mesias ta kojamne poraukura; ta ka cheren bare ezgode te sai kojaven te avelape i e llenen kai isto o Del esvirisarda.

Rimanenge 12:2
Ta na zivin ios sar zivil o sueto; mai sukar si te pparrudon tumare mislura ta tumaro zivoto soke gia ka llanen savi si e volia e Devleki, ta so mangel si lacho posteno orta ta chacho.

Skutki 17:10-11
[10] Kana peli e riat, e pplal cherde te llantar o Pablo ta o Silas karing e Berea. Kana avile llele karing e kkanlliri e judionengi.[11] Gala judiura sea mai lache neko ogola katar e Tesalonika, kote avila lenge drago e porouka ta suako llive chitina o Pisipe te dikken dal saia chachipe so ppenena lenge.

Filipanenge 1:9-10
[9] Kana moliuman mangau te cherdol ios mai baro tumaro volipe, ta te del tumen o Del bizaipe ta te cherel tumen te acharen,[10] te sai llanen te esvirin so si mai lacho, ta gia tumaro zivoto te avel chisto ta te na aven ando bilachipe kana ka irilpe o Kristo;

1 Timoteoske 6:3-5
[3] Vareko te sikavela iek sikadipe kai niko ni pinllarel, ta ni pachal ando sasto sikadipe katar o Gazda o Jesukristo ta ni ande so sikavel amaro pachape,[4] gua lleno si iek barikano kai ni llanel niso. Gua lleno jalpe ta gua si sargo leko nasualipe, ta goleke e llene murzin, kusenpe, jasaren e vera[5] ta marenpe suako llive e llene kai lenge mislura si melale ta ni pinllaren o chachipe, ta o pachape si lenge iek rado te barvaon.

2 Korinťanenge 11:13-15
[13] soke von si iek apostolura kojamne ta furiadon sargo apostolura e Kristoke.[14] Ta gaia ezgoda kai cheren inai chudo, soke isto o Satanas furiadol sargo iek suecho e villeloko;[15] goleke, gola kai pomozin le mangen te dikkon sargo llene kai cheren o lachipe. ¡Ta lengo son ka avel prema e ezgode kai cheren!

Romani Bible 2007
Nuevo Testamento en Romané © Sociedad Bíblica Chilena, 2007