A A A A A

Good Character: [Contentment]


Matuš 6:25-33
[25] “Goleke me ppenau tumenge: Na brigin tumen pala so ka jan te zivin ni pala e patave soia ka premenin tumen; ¿Ni mol o zivoto mai but neko o jape ta e esnaga mai mol neko e patave?[26] Dikken pe chiriklia kai furian, ni ttoven e simiche ande ppuv ta ni chiden len ande sobe ta isto gia tumaro Dad kai si ando miloso del len te jan. ¿Ni mol tumen mai but neko e chiriklia?[27] A vareko i mai te brigilpe, ¿sar ka cherel te zivil iek saiato mai but?[28] “Ta katar e patave, ¿soke triston tumen? Ttoven sama sar barion e lulunlla katar o vos kai ni radin ta ni cheren peke patave;[29] a ppenau tumenge kai ni o charo o Salomon sa pe barimaia ni furiadilo sargo iek lulunllin.[30] A o Del te furiavel gia o zelelenipe kai allive si ando vos ta ttiara ppabardol ande furnava, ¿ni ka furiavel mai but tumen, manusalen kai inai tumen pachape?[31] Goleke na triston tumen, ta na ppenen: “¿So ka ja, o so ka pia, o so ka ttova pe amende?”[32] Sa gala si e ezgode kai brigin e llenen kai ni pachan ando Del, a tumen si tumen iek Dad ando miloso kai llanel sa so trubul tumen.[33] Goleke, roden mai anglal e charoina e Devleki ta leko chachipe, ta i sa gala ezgode ka aven tumenge dine.

2 Korinťanenge 11:23-25
[23] Te si von esluge e Kristoke, me semle mai but neko von, i te avava iek dilo kai ppenau gaia orba. Me radisarden mai but neko von, man ppangle mai but droma neko len, man chalade mai but droma e bichoia neko len, ta but droma sema pasa o meripe.[24] Panch droma e judiura marde man, ta suako drom chalade man tranda ta inia droma e bichoia.[25] Trin droma marde man e kastenchar, ta iek drom chudie e barrenchar ande mande, ta trin droma achili tala o pai e bari llimia kai llava ande late, ta nakklem iek riat ta iek llive andre ande mora ta maka tasivau.

Filipanenge 4:12-13
[12] Llanau so si te zivi ando chorripe, ta llanau so si te zivi i ando barvalipe.[13] Sai nakkau varesavo bilachipe soke o Kristo del man e zor.

Židenge 13:5
Na zivin brigime katar e love; morabi te aven vesele e ezgodenchar kai si tumen, soke o Del ppenda: “Nikada ni ka mukau tut korkorre.”

1 Timoteoske 6:6-7
[6] A chachimaia si iek baro barvalipe samo e llenenge kai si vesele ande so si len.[7] Soke niso ni andam ande gava sueto ta niso nasti inllara amenchar;

Lukaš 12:15
Ta i ppenda: —Arakken tumen katar llia e lovengi. Soke o zivoto ni istardol pe ezgode kai si e manuse.

2 Korinťanenge 12:10
Goleke veseliu man kai sem kovlo, kai kusen man, kai inai man so trubul man, kai mangen te maren man, ta i katar e bari patnia kai nakkau pala o Kristo, soke kana mai kovlo sem, ondaka si kana mai zuralo sem.

1 Timoteoske 6:10-11
[10] Soke o volipe pe love anel suako bilachipe; a si nesave llene kai durile katar o pachape pala o volipe kai si len pe love, ta cherde peke bare nuzde.[11] A tu, Devleko manus, nas katar sa gala ezgode. Morabi te ave chacho, Devlikano, te avel tut pachape, volipe, te ave zuralo ande nuzda, ta cho lio te na avel barikano.

Romani Bible 2007
Nuevo Testamento en Romané © Sociedad Bíblica Chilena, 2007