A A A A A

Good Character: [Confidence]


1 Jan 4:17
Gia cherdol chachipe o volipe maskar amende, ta gia kana ka avel o llive e krisako, te avel amen vera; soke amen zivi sar zivisarda o Jesukristo pe gava sueto.

1 Jan 5:14
Si amen vera ando Del, soke llana kai te mangla fiso prema so drago leke, vou asunel amen.

Efežanenge 3:12
Ta ando Kristo likistam katar o ppandipe te sai resa pasa o Del bi darako cheres o pachape kai si amen ande lete.

Židenge 4:16
Goleke, kana ka trubul amen vareso, morabi te ava bi darako kai o Del, soke vou ka pomozil amen soke si lacho ta volil amen.

Filipanenge 1:6
Me llanau kai o Del cherda iek rado but lacho tumenchar ta ka lacharel le ios lligo ni ka irilpe o Jesukristo.

Filipanenge 4:13
Sai nakkau varesavo bilachipe soke o Kristo del man e zor.

Filipanenge 3:3-5
[3] soke e chachune llene kai si sirkunsidime sam amen, gola kai o Duo cherel amen te voli e Devle ta achara kai sam blagosime soke sam e Jesukristoke, ta ni uzdi amen ande so chera.[4] A i me sai uzdiu man ande gola ezgode. Chachimaia me sem o lleno kai mai but sai uzdiu man ande gola ezgode:[5] kana biandilem ta nakkle ojto llive, cherde mange e sirkunsision; me sem israelita katar e vicha e Benjamineki, ebreo ta chavo katar e ebreura. Me sema o lleno kai mai acharela ando zakono e judionengo ta i fariseo;

2 Korinťanenge 3:1-4
[1] Kana ppena sa gala ezgode inai te da orba lachi isto amen amendar. Soke ni trubul amen lila te ppenen kai amen sam lache, ta ni manga tumendar te pisinlen te sikavalen averenge. Aver llene trubul len te cheren gala ezgode.[2] Tumen sen o lil kai del orba lachi amendar, gua si so trubul amen: iek lil pisime ande amaro lio, kai saurre pinllaren ta sai chitin.[3] Ta dikkol bristomaia kai tumen sen iek lil pisime isto e Kristotar ta kai isto amen diamle; iek lil kai pisisardale o Duo e Devleko kai si llundo; pisisardale ando lio e manusengo, na pe kotora barrustune.[4] Soke pala o Jesukristo si amen vera ando Del, ta pacha gala ezgode.

Romani Bible 2007
Nuevo Testamento en Romané © Sociedad Bíblica Chilena, 2007