A A A A A

Good Character: [Cleanliness]


1 Jan 1:7-9
[7] a te lla amen ando villelo, sargo o Del kai si ando villelo, ondaka maskar amende si volipe, ta o rat e Jesuseko leko Chavo, chistosarel amen katar sa o bilachipe kai amen chera.[8] A te ppena kai amen nikada ni chera o bilachipe, isto amen kojava ta o chachipe inai amenchar.[9] Te ppena e bilache ezgode kai amen chera, vou si lacho te chistosarel amen katar amaro bilachipe.

Skutki 9:1-31
[1] A o Saulo ppenela kai ka mundarel e llenen kai pachan ando Jesus. Goleke llelo kai o mai baro popo,[2] ta mangla letar lila te muken le te llal ande kkanllira e judionenge katar o Damasko te rodel e llenen kai pachana ando sikadipe e Jesuseko, murusen ta i diskinien, te inllarel len ppangle ando Jerusalem.[3] A kana avilo pasa o Damasko, iek villelo kai avela katar o miloso klichisarda truial letar.[4] Ta o Saulo pelotar pe ppuv ta asunda iek avazi kai ppenela leke: “Saulo, Saulo ¿Soke lla pala ma te mare man?”[5] O Saulo puchla: “¿Ko san, Gazda?” O avazi ppenda leke: “Me sem o Jesus, isto gole kai rode te mare.[6] Uste ta de ando foro; kote ka ppenen chuke so si te chere.”[7] E llene kai llana e Sauloia daraile but, soke asunena o avazi a ni dikkena nika.[8] Mapalal o Saulo ustilo katar e ppuv; a kana putarda pe akka, nasti dikkela. Ondaka istarde le e vastetar ta inllarde le ando Damasko.[9] Kote achilo trin llive ta nasti dikkela ta ni jala ni pila niso ande gola llivesa.[10] Ando Damasko zivila iek lleno kai pachala ando Jesus, vou ikkardola Ananias, ta o Del sikadilo leke sargo ande iek suno ta ppenda leke: “¡Ananias!” Vou ppenda: “Kate sem, Gazda”[11] O Gazda ppenda leke: “Uste ta lla po drom kai ikkardol Chacho, ta ando cher o Judas puch katar iek lleno kai si katar o Tarso kai ikkardol Saulo. Ta vou molilpe,[12] ta dikkla sargo ande iek suno iekke llene kai ikkardol Ananias gua lleno dela andre ta ttovela pe lete pe va te dikkel pale.”[13] Kana asunda gua, o Ananias ppenda: “Gazda, but llene ppende mange katar gua lleno ta katar sa o bilachipe kai cherel ando Jerusalem cho santo foro.[14] Ta akana avilo kate, e mai bare popura mukle le te inllarel ando ppandipe sa e llenen kai blagosin cho anau.”[15] A o Gazda ppenda leke: “Lla, soke esvirisardem gole llene te del orba mandar e llenenge katar aver ppuvia, ta lenge charonenge, ta i e llenenge katar o Israel.[16] Me ka sikavau leke kai morabi te nakkel but patnia cheres ma.”[17] O Ananias llelo ando cher kote kai saia o Saulo. Kana dia andre ttoda pe va pe lete, ta ppenda leke: —Pplala Saulo, o Gazda o Jesus, gua kai sikadilo chuke kana avea e dromea, bichalda man te dikke pale ta te ave pperdo katar o Santo Duo.[18] Ondaka kote, katar e akka e Sauloke peletar sargo kore, ta dikkla. Ondaka ustilo ta kristisailo.[19] Mapalal jala ta lia zor, ta achilo nesave llivesa ando Damasko kote kai zivina e llene kai pachan ando Jesus.[20] Mapalal o Saulo ppenda ande kkanllira e judionenge kai o Jesus si e Devleko Chavo.[21] Sa e llene kai asunena le chudinape, ta ppenena: —¿Inai isto gava o lleno kai ando Jerusalem llala te marel e llenen kai blagosina e Jesuseko anau? ¿Inai gava lleno isto gua kai avilo kate te ppandel tumen ta te del tumen kai e gazda e poponenge?[22] A o Saulo sa mai but tromala te del orba, ta e judiura kai zivina ando Damasko ni llanena so ka mislin, ta sikavela lenge kai o Jesus saia o Mesias.[23] Kana nakkle but llivesa, e judiura achile pe orba te mundaren e Saulo,[24] a vou llangla so mangena te cheren. Orachaia ta ollivesea aduricharena le pe udara kai delpe ando foro te mundaren le,[25] A leke disipulura oriat ttode le ande iek bari kotaricha ta fuliarde le katar o zido kai si truial o foro.[26] Kana o Saulo avilo ando Jerusalem, mangla te chidiniaol e llenenchar kai pachana ando Jesus; a sa e llene darana letar soke ni pachana kai i vou pachala.[27] A o Bernabe inllarda le ta sikada le e disipulonenge ta ppenda lenge kai o Saulo dikkla e Gazda po drom, ta kai o Gazda dia lea orba, ta kai ando Damasko o Saulo dia e Jesuseki orba tromanimaia.[28] Ta gia o Saulo achilo ando Jerusalem, ta llala lenchar. Ta dela orba e Jesuseki tromanimaia,[29] ta dela orba e judionenchar kai dena orba griego; a von mangena te mundaren le.[30] Kana e pplal llangle, inllarde e Saulo ande Sesarea, ta kotar inllarde le ando Tarso.[31] Ondaka e kkanlliri ande sa e forura kai si ando Judea, ande Galilea ta ande Samaria, saia len pas ta bariona ando Duo. Zivina ande dar e Gazdaki ta o Santo Duo pomozila te aven mai but llene ande kkanlliri.

Filipanenge 4:8
Pplalalen, mislin tumen ande sa so si chachuno, so si le liubao, so si chacho ta lacho, so si posteno, sogo si pinllardo kai si lacho, sogo si lachipe kai cherel te chudi tut, mislin tumen ande sogo prilichil letar te avel blagosime.

Zjaveňie 1:5
ta i katar o Jesukristo, kai ppenel o chachipe, ta si o purvo kai ustilo katar o meripe ta kai gazdaril pe sa e charura katar e ppuv. O Kristo volil amen ta jalada amen katar amaro bilachipe pe ratea,

2 Korinťanenge 7:1
Goleke pplalalen, soke o Del dia amen po alau ande gala orbe, morabi te acha jalade katar sa so sai meliarel amari esnaga ta amaro duo; ta ande dar e Devleki te ttova amen te ava sante.

2 Peter 3:8
Ta na bristaren tumen pplalalen, kai e Gazdake iek llive si sargo milia burs, ta milia burs si sargo iek llive.

2 Korinťanenge 5:17
Goleke, o lleno kai si e Kristoia si iek manus nevo. E ezgode purane nakkle, ta sa cherdon neve.

Matuš 23:25-28
[25] “¡Tesko tumenge, kovacha e zakonoke ta tumen fariseura, manus kojamne!, kai jalaven avrial o taso ta o charo, a andral sen pperde choripe ta bilachipe.[26] ¡Fariseo korro: Mai anglal jalau o taso andral ta i o charo te sai achel jalado i avrial![27] “¡Tesko tumenge, kovacha e zakonoke ta tumen fariseura, manus kojamne!, kai sen sargo limoria parniarde, kai si sukar avrial a andral si pperde kokala mulenge ta pperde llubri.[28] Gia sen tumen: avrial sikadon lache angla e manusa, a andral sen pperde kojaipe ta bilachipe.

Lukaš 6:31
Cheren e llenenchar isto gia sar mange te cheren tumenchar.

1 Korinťanenge 10:13
Tumen ni nakklen iek zumadipe gia baro kai nasti terpilpe. Ta tumen sai pachan ando Del, kai ni ka mukel tumen te nakken gia baro zumadipe kai tumen nasti ka terpin. Goleke, kana ka avel o zumadipe, o Del ka sikavel tumen te sai terpin o zumadipe ta te sai liken letar.

Matuš 23:26
¡Fariseo korro: Mai anglal jalau o taso andral ta i o charo te sai achel jalado i avrial!

Matuš 5:8
Blagosime gola kai lengo lio si chisto, soke ka dikken e Devle.

Rimanenge 5:8
A o Del sikavel po volipe karing amende, i ando vreme kana amen sama bilache, o Kristo mulo pala amende.

1 Timoteoske 4:12
Na muk nika te ppenel kai ni mol tut pala cho ternipe; e llene kai pachan morabi te sikon tutar sar de orba ta sar san, sar voli, sar pacha, ta sar si cho pachape ando Del.

2 Korinťanenge 6:14-18
[14] Te na avel tumen ni iek posla ande ezgode kai cheren e llene kai ni pachan. Soke ¿sai avel ande iek ttan o chachipe ta i o bilachipe? ¿O sai avel ande iek ttan o villelo ta i o truñariko?[15] Nasti avel isto gua mislo e Kristo ta e llavolo, ta isto gia: o lleno kai pachal nasti avel le isto gua mislo e llenea kai ni pachal.[16] Nasti avel ni iek posla maskar o cher e Devleko ta aver dela. Soke amen sam o cher katar o Del o llundo, isto gia sar vou ppenda: “Ka ziviu lenchar; ta ka ppirau maskar lende ta me ka avau lengo Del a von ka aven mo foro.”[17] Goleke o Gazda ppenel gia: “Liken maskar lende ta fuladon lendar Ta na dodin niso pokalime Ondaka me ka lau tumen”[18] ta ka avau sargo iek Dad tumenge, a tumen ka aven sargo me chaurre ta me chorra, gava ppenel o Gazda kai si le sa e zor.

Skutki 9:1-20
[1] A o Saulo ppenela kai ka mundarel e llenen kai pachan ando Jesus. Goleke llelo kai o mai baro popo,[2] ta mangla letar lila te muken le te llal ande kkanllira e judionenge katar o Damasko te rodel e llenen kai pachana ando sikadipe e Jesuseko, murusen ta i diskinien, te inllarel len ppangle ando Jerusalem.[3] A kana avilo pasa o Damasko, iek villelo kai avela katar o miloso klichisarda truial letar.[4] Ta o Saulo pelotar pe ppuv ta asunda iek avazi kai ppenela leke: “Saulo, Saulo ¿Soke lla pala ma te mare man?”[5] O Saulo puchla: “¿Ko san, Gazda?” O avazi ppenda leke: “Me sem o Jesus, isto gole kai rode te mare.[6] Uste ta de ando foro; kote ka ppenen chuke so si te chere.”[7] E llene kai llana e Sauloia daraile but, soke asunena o avazi a ni dikkena nika.[8] Mapalal o Saulo ustilo katar e ppuv; a kana putarda pe akka, nasti dikkela. Ondaka istarde le e vastetar ta inllarde le ando Damasko.[9] Kote achilo trin llive ta nasti dikkela ta ni jala ni pila niso ande gola llivesa.[10] Ando Damasko zivila iek lleno kai pachala ando Jesus, vou ikkardola Ananias, ta o Del sikadilo leke sargo ande iek suno ta ppenda leke: “¡Ananias!” Vou ppenda: “Kate sem, Gazda”[11] O Gazda ppenda leke: “Uste ta lla po drom kai ikkardol Chacho, ta ando cher o Judas puch katar iek lleno kai si katar o Tarso kai ikkardol Saulo. Ta vou molilpe,[12] ta dikkla sargo ande iek suno iekke llene kai ikkardol Ananias gua lleno dela andre ta ttovela pe lete pe va te dikkel pale.”[13] Kana asunda gua, o Ananias ppenda: “Gazda, but llene ppende mange katar gua lleno ta katar sa o bilachipe kai cherel ando Jerusalem cho santo foro.[14] Ta akana avilo kate, e mai bare popura mukle le te inllarel ando ppandipe sa e llenen kai blagosin cho anau.”[15] A o Gazda ppenda leke: “Lla, soke esvirisardem gole llene te del orba mandar e llenenge katar aver ppuvia, ta lenge charonenge, ta i e llenenge katar o Israel.[16] Me ka sikavau leke kai morabi te nakkel but patnia cheres ma.”[17] O Ananias llelo ando cher kote kai saia o Saulo. Kana dia andre ttoda pe va pe lete, ta ppenda leke: —Pplala Saulo, o Gazda o Jesus, gua kai sikadilo chuke kana avea e dromea, bichalda man te dikke pale ta te ave pperdo katar o Santo Duo.[18] Ondaka kote, katar e akka e Sauloke peletar sargo kore, ta dikkla. Ondaka ustilo ta kristisailo.[19] Mapalal jala ta lia zor, ta achilo nesave llivesa ando Damasko kote kai zivina e llene kai pachan ando Jesus.[20] Mapalal o Saulo ppenda ande kkanllira e judionenge kai o Jesus si e Devleko Chavo.

1 Korinťanenge 15:29
Nesave kristinpe ando ttan iekke lleneko kai mulo. A te si de istina kai e mule ni ka usten katar o meripe, ¿soke te kristinpe pala lende?

Rimanenge 1:26-27
[26] Goleke o Del muklalen te cheren ezgode bilache lallaimake. Llik lenge romia pparrude so si orta e diskinienge pe gola ezgode kai ni trubul te cheren.[27] Ta isto gia e murusa, mukle ezgode kai sea sikade te cheren e diskinienchar ta ppabon ande po bilache iek averea. Murus murusea cheren ezgode lallaimake, goleke lie e duk isto ande pi esnaga soke isto von rodiela.

1 Korinťanenge 14:40
ta ande sa gala ezgode te avel liubao ta te cherenle sar trubulpe.

Matuš 7:18-23
[18] O kas o lacho nasti del bilache septelie, ni o kas bilacho del septelie lache.[19] Suako kas kai ni del lache septelie, chinen le ta chuden le ande iag.[20] Goleke pala lenge septelie ka pinllaren len.[21] “Ni ka del ande charoina e milosoki suako lleno kai ppenel mange: ‘Gazda, Gazda.’ O lleno ka del andre si gua kai cherel e volia me Dadeki kai si ando miloso.[22] But llene ka ppenen mange ande gua llive: ‘Gazda, Gazda, ¿Ni ppendam so saia te avelpe ande cho anau, ta ande cho anau tradiam avri e llavolonen ta ande cho anau cherdam but bare ezgode Devlikane?’[23] Ondaka ka ppenau lenge: ‘Nikada ni pinllarden tumen ¡Llantar mandar, soke samo o bilachipe cheren!’

Jan 5:39-40
[39] Tumen roden te sikon ando Pisipe; soke tumen mislin kai ando Pisipe si tumen zivoto ostade; ta isto kote del orba chachi mandar,[40] ta ni kamen te aven mande te avel tumen o zivoto.

Romani Bible 2007
Nuevo Testamento en Romané © Sociedad Bíblica Chilena, 2007