A A A A A

Good Character: [Love]


1 Korinťanenge 16:14
Ta sogo cherena, cheren le volimaia.

1 Jan 4:8-18
[8] A gua kai ni volil ni pinllarel e Devle soke o Del si volipe.[9] O Del sikada amenge po volipe kana bichalda pe Chave o edino, te sai amen zivi cheres lete.[10] Leko volipe si inai kai amen volisardam e Devle; o volipe si kai vou volisarda amen ta bichalda pe Chave ta cheres lete amaro bilachipe achel prostime.[11] Pplalalen, te volisarda amen gia o Del, amen morabi te voli amen maskar amende.[12] E Devle niko nikada dikkla le, a te voli amen maskar amende o Del si amenchar ta leko volipe ka achel amenchar.[13] Amen llana kai sam e Devlea ta kai vou si amenchar, soke dia amen po Duo.[14] Isto amen dikklam kai o Dad bichalda pe Chave te braduil e sueto.[15] Suako lleno kai ppenel kai o Jesus si e Devleko Chavo, o Del achel lea a vou e Devlea.[16] Goleke amen llana ta i pacha kai o Del volil amen. O Del si volipe, ta suako lleno kai volil pe pplalen si e Devlea a o Del lea.[17] Gia cherdol chachipe o volipe maskar amende, ta gia kana ka avel o llive e krisako, te avel amen vera; soke amen zivi sar zivisarda o Jesukristo pe gava sueto.[18] Ando volipe inai dar. O volipe cherel te duriol o dar. A te daral fiko kai o Del ka del le patnia, gua si kai ni sikilo te volil de istina.

Jan 3:16
“Soke pe gachin volisarda o Del e sueto, kai dia pe edine Chave, gia kogo pachal ande lete, te na jasaol, ta te avel le zivoto ostade.

1 Peter 4:8
Te avel maskar tumende volipe, soke o volipe prostil but bilachipe.

Kološanenge 3:14
A furiadon mai but e volimaia, soke o volipe si kai ka cherel tumen te aven saurre ande iek ttan.

Jan 13:34-35
[34] Iek nevo zakono dau tumen: Te volin tumen iek avereke. Isto gia sar me voliu tumen, volisaren tumen, iek avereke.[35] Cheres gava, saurre ka llanen kai tumen sen me disipulura, te volisarden iek avere.

Jan 15:13
O volipe mai baro si, o manus kai del po zivoto pala pe amal.

1 Korinťanenge 13:13
Si trin ezgode kai nikada ni ka meren: O pachape, so adurichara ta o volipe; a o mai baro lendar si o volipe.

1 Jan 4:19
Amen voli soke vou volisarda amen mai anglal.

1 Jan 4:7
Pplalalen, si te voli amen soke o volipe avel e Devletar. Suako lleno kai volil si chavo e Devleko ta pinllarel e Devle.

Romani Bible 2007
Nuevo Testamento en Romané © Sociedad Bíblica Chilena, 2007