A A A A A

Good Character: [Honor]


1 Peter 2:17
Te avel pe tumende liubao saurrenchar. Volisaren e pplalen, den changa angla o Del, kanden e kralio.

Rimanenge 12:10
Volin tumen sargo pplalorre iek avere, ta traden liubao maskar tumende.

1 Timoteoske 5:17
E ppure kai gazdarin sukar ande kkanlliri trubul te volin len dui droma mai but, ta mai anglal e llenen kai lengo rado si te den orba e Devleki ta kai sikaven.

Jan 5:23
te blagosin saurre e Chave gia sar blagosin e Dade. Kogo ni blagosil e Chave ni blagosil e Dade kai bichalda le.

Jan 4:44
Soke isto vou ppendaia, iekke porauko ni blagosin le ande leki ppuv.

1 Timoteoske 1:17
¡Bariara ta blagosisara e Charo kai gazdaril ostade, gua kai ni merel kai ni dobil le niko ta amaro edino Del! Gia te avelpe.

Rimanenge 13:1-7
[1] Samo o Del si kai del e zor iekke manuse, ta vou si kai dia e zor e charonen kai si amen. Goleke morabi te kanda e llenen kai gazdarin pe ppuv, soke vou ttoda len.[2] Goleke ko ni kamela te kandel e llenen kai gazdarin pe ppuv, ni kamen te kanden so o Del ttoda. A gola kai cherena gia, ka len e duk.[3] Soke e llene kai gazdarin pe ppuv inai ttode te daraven e llenen kai si lache, von si ttode te sai daran lendar e llene kai si bilache.[4] Soke von si ttode te sai radin e Devleke ta te sai pomozin tumen. A te ttovena tumen te cheren o bilachipe morabi te daran, soke o jarni kai von inllaren ni inllarenle te dikkol sukar. Von si ttode te radin e Devleke ta i te dukkaven e llenen kai cheren o bilachipe.[5] Goleke tumen morabi te kanden e llenen kai gazdarin pe ppuv, na samo pala e dar te na dukkaven tumen, soke gua si so trubul te cherdol.[6] E llene kai gazdarin pe ppuv radin e Devleke, gua si so morabi te cheren. Goleke tumen pochinen e love kai mangen e charura.[7] Trubul te pochinen suakone lleneke so morabi te pochinen. Te si te pochine love, pochinenle; kake te si pochinen e love kai mangen e charura, pochinenle; ka si te den liubao, den le.

Rimanenge 2:7
Ka del o zivoto ostade golenge kai trudinpe te cheren o lachipe ta mangen o baripe e Devleko e pachiu ta o zivoto ostade;

Židenge 13:4
E llene kai si zinime morabi te den liubao iek avere pe suako ezgoda ta morabi te aven chache iek averea, soke o Del ka dukkavel gole llenen kai kurvinpe ta kai inai chache kana zininpe.

Jan 12:26
Gua kai mangel te avel mo esluga, morabi te llal pala mande; ta kai go te avava me, kote ka avel mo esluga. Kogo llal pala ma, mo Dad ka falil le.

Efežanenge 6:1-3
[1] Chaurralen, kanden tumare daden gia sar si drago e Gazdake; soke gaia si iek ezgoda chachi.[2] O purvo zakono kai del blagosipe si gava: “De liubao che dade ta i che da,[3] te sai llal chuke sukar ta te zivi but bursa pe ppuv.”

Efežanenge 6:2
O purvo zakono kai del blagosipe si gava: “De liubao che dade ta i che da,

Jan 5:22-23
[22] O Dad ni krisil nika, soke dia kai po Chavo te gazdaril pe kris,[23] te blagosin saurre e Chave gia sar blagosin e Dade. Kogo ni blagosil e Chave ni blagosil e Dade kai bichalda le.

Matuš 15:4
Soke o Del ppenda “De liubao che dade ta i che da,” a “ko dela armaia pe dade o pe da trubul te merel.”

1 Tesaloničanenge 4:4
ta suako lleno te avel murus samo pe romiako lachimaia ta ando liubao,

2 Peter 1:17
Ta dikklam le kana o Del o Dad dia le o baripe ta o liubao, kana e Devleko avazi dragostimaia ppenda: “Vou si mo Chavo kai voliu le, ande le si man veselia.”

Zjaveňie 5:12-13
[12] ta ppenena bare avazea: “¡O Bakro kai saia kurbano: si lacho te lel o gazdaripe ta o barvalipe, o bizaipe e zor, o liubao, o baripe ta o blagosipe!”[13] Ta i sa so si cherdo ando miloso, pe ppuv ta telal katar e ppuv ta ande mora, ta sa e ezgode kai si ande lende, kai ppenena gia: “¡Goleke kai si besindo po trono ta i e Bakreke, te avel o blagosipe, o liubao o baripe ta e zor ostade!”

Zjaveňie 7:12
ta ppenena: “¡Gia te avelpe! O blagosipe, o baripe, o bizaipe, e fala, o liubao ta e zor te aven e Devleke ostade. ¡Gia te avelpe!”

1 Korinťanenge 6:20
soke o Del pochinda tumen. Goleke, morabi te blagosin e Devle tumare esnagaia.

Efežanenge 6:2-3
[2] O purvo zakono kai del blagosipe si gava: “De liubao che dade ta i che da,[3] te sai llal chuke sukar ta te zivi but bursa pe ppuv.”

Zjaveňie 4:9-11
[9] Suako drom kana gola zivotura blagosin ta den liubao, ta den fala gole kai besel po trono,[10] e bis ta star ppure den changa angla gua kai besel po trono ta blagosin gole kai zivil ostade, ta ttoven pe korone angla o trono ta ppenen:[11] “Gazda, tu san lacho te ave blagosime te den tut o liubao, ta te chudenpe katar chi zor, soke tu cherdan sa e ezgode; ta pala chiri volia si ta cherdile.”

Marek 7:1-13
[1] Avile e fariseura kai o Jesus, iekke llenenchar kai sea kovacha e zakonoke kai avilea katar o Jerusalem.[2] Gala llene, kana dikkle kai nesave disipulura e Jesuseke jana ta lenge va sea melale, soke ni jaladea pe va gia sar ppenel o zakono (te cherenle).[3] (Soke e fariseura ta sa e judiura cheren prema o zakono e puranengo, ni jan lligo ni jalaven pe va but droma sar si te cherdol.[4] Ta kana irinpe katar o foro ni jan lligo ni jalaven pe va sar ppenel o zakono e jaladimako. Ta si sikade te cheren i aver but zakonura, te jalaven e tasura, e bralla, e piria sastrune ta i o ttan kai soven)[5] Goleke, e fariseura ta e kovacha e zakonoke puchle le ta ppende leke: —¿Soke che disipulura ni cheren prema so sikade amen e purane, ta jan a lenge va si melale?[6] O Jesus ppenda lenge: —Orta dia orba o porauko Isaias kana ppenda kai sen kojamne ta pisisarda gia: “Gava foro del man liubao pe alavenchar, a lengo lio si dur mandar.[7] Samo gia den man liubao, soke so tumen sikaven si zakonura manusenge.”[8] Tumen ppagen o zakono e Devleko te sai llan pala e zakonura e manusenge.[9] Ta i ppenda lenge: —Tumen nakklen upral po zakono e Devleko te sai cheren tumare zakonura.[10] Soke o Moises ppenda “De liubao che dade ta i che da,”, a “ko dela armaia pe dade o pe da trubul te merel.”[11] A tumen ppenen kai iek manus sai ppenel pe dadeke o pe dake: “Nasti pomoziu tut, soke sa so si man si te daule kurbano e Devleke.”[12] Ta i ppenen kai ko ppenel gola alava inai soke te del liubao pe dade ta ni pe da.[13] Ta gia sar tumen cheren, ppagen e o zakono e Devleko gale zakonoia kai tumen sikaven iek avere, ta cheren ios mai but ezgode sargo gala.

Matuš 15:1-9
[1] Ondaka avile pasa o Jesus nesave fariseura ta i kovacha e zakonoke kai avilea katar o Jerusalem te puchen le:[2] —¿Soke che disipulura ppagen so sikade amen e purane? ¿Soke von ni jalaven pe e va mai anglal te jan marrno?[3] O Jesus ppenda lenge: —¿A soke i tumen ppagen o zakono e Devleko pala tumare zakonura?[4] Soke o Del ppenda “De liubao che dade ta i che da,” a “ko dela armaia pe dade o pe da trubul te merel.”[5] A tumen ppenen kai iek manus sai ppenel pe dadeke o pe dake: “Nasti pomoziu tut, soke sa so si man ppendem kai ka daule e Devleke.”[6] Ta vareko te ppenela gala alava, inai soke te del liubao pe dade o pe da. Gia i tumen ppagen o zakono e Devleko pala tumare zakonura.[7] Manusa kojamne sen, sukar dia orba o porauko Isaias kana ppenda tumendar gia:[8] ‘Gava foro del man liubao pe alavenchar, a lengo lio si dur mandar.[9] Samo gia den man liubao, soke so tumen sikaven si zakonura manusenge.’

Lukaš 14:7-8
[7] Kana o Jesus dikkla sar e llenen kai sea ikkarde esvirina e estoliche e mai glamne pe sinia, ppenda lenge:[8] —Kana vareko ka ikkarel tut te ja pe iek biau, na bes po ttan o mai angluno soke sai avel aver lleno kai si mai glamno neko tu;

2 Korinťanenge 6:8
Nesave droma den amen pachiu, a aver droma kusen amen; a nesave droma den orbe lache amendar, a aver droma den orbe bilache. Dikken amen sargo kojamne, kana amen so ppena si o chachipe.

Zjaveňie 5:13
Ta i sa so si cherdo ando miloso, pe ppuv ta telal katar e ppuv ta ande mora, ta sa e ezgode kai si ande lende, kai ppenena gia: “¡Goleke kai si besindo po trono ta i e Bakreke, te avel o blagosipe, o liubao o baripe ta e zor ostade!”

Zjaveňie 4:11
“Gazda, tu san lacho te ave blagosime te den tut o liubao, ta te chudenpe katar chi zor, soke tu cherdan sa e ezgode; ta pala chiri volia si ta cherdile.”

1 Timoteoske 6:16
Vou si o edino kai ni merel, kai zivil ande iek villelo kai niko nasti avel pase. Nisavo manus ni dikkla le ta nasti dikkel le. ¡Leko si ostade o baripe ta e zor! Gia te avelpe.

Židenge 5:4
Ta niko nasti avel o mai Baro Popo samo soke vou mangel, soke o Del si kai ikkarel le ta del le goia dragostia gia sar cherdale e Aaronoia.

Matuš 15:8
‘Gava foro del man liubao pe alavenchar, a lengo lio si dur mandar.

Matuš 19:19
de liubao che dade ta che da, ta volisar avere sar voli tu tut.’

Lukaš 18:20
Tu llane e zakonura: ‘Na cher kurvaluko, na mundar, na chor, na ikan bune ta de liubao che dade ta che da.’

Matuš 13:57
Ta saurre joliaona cheres lete. A o Jesus ppenda lenge: —Inai porauko te den le pachiu isto ande piri ppuv ta i ande piro cher.

Marek 6:4
A o Jesus ppenda lenge: —Pe suako rig den liubao iekke porauko. Samo ande leki ppuv ni den le liubao, ni maskar pi familia ta ni ande leko cher.

Jan 12:23-26
[23] O Jesus ppenda lenge: —Avilo o llive te avel blagosime o Chavo e manuseko.[24] Chachimaia ppenau tumenge, e simicha katar o lliu te na perela pe ppuv ta te na merela, achela korkorre; a te merela, ka del but kuchorra.[25] O lleno kai volil po zivoto, ka jasarel le; a o lleno kai ni volil po zivoto ande gava sueto ka zivil ando zivoto ostade.[26] Gua kai mangel te avel mo esluga, morabi te llal pala mande; ta kai go te avava me, kote ka avel mo esluga. Kogo llal pala ma, mo Dad ka falil le.

Židenge 2:9
A akana dikka e Jesuse kai o Del cherda le cherricha mai minono neko e suechura samo cherricha vreme, kai si le e korona barimaki ta vou gazdaril pala o meripe kai nakkla. Ta o Del ande po volipe, mangla te llanel o Jesus so si o meripe pala o lachipe saurrengo:

1 Timoteoske 5:3
Pomozisar e ppivlien kai inai len kate te llan te pomozin len.

1 Timoteoske 6:1
E llene kai si esluge morabi te avel len liubao pe gazdenchar, te na den orbe bilache katar o Del ta katar amaro sikadipe.

Romani Bible 2007
Nuevo Testamento en Romané © Sociedad Bíblica Chilena, 2007