A A A A A

Good Character: [Humble / Humility]


Kološanenge 3:12
O Del volil tumen ta esvirisarda tumen te aven katar o foro santo. Morabi te avel tumen volipe pala aver llene. Morabi te aven lache, proste, postene ta te terpin.

Efežanenge 4:2
Te aven proste ta lache ta te terpin iek avere volimaia;

Jakob 4:6-10
[6] A amen volil ios mai but, goleke ando Pisipe ppenel: “E Devleke inai drago e llene kai falinpe, ta del po volipe e llenen kai si proste”[7] Goleke tumen morabi te kanden e Devle. Ta o llavolo ka nasel tumendar.[8] Aven pasa o Del, ta vou ka avel pasa tumende. ¡Jalaven tumare va, tumen kai sen duie misloke! ¡Chiston tumaro lio, tumen kai mangen te volin e Devle ta i e sueto![9] ¡Tristosaon, roven ta kukin! ¡Tumaro asape te cherdol rovipe ta tumari veselia tristope![10] Morabi te avel tumenge lallao angla o Del, ta vou ka blagosil tumen.

1 Peter 5:5
Isto gia tumen e terne morabi te kanden golen kai gazdarin ande kkanlliri ta te kanden iek avere postenimaia, ta na te istardon soke: “E Devleke inai drago e llene kai istardon, a pomozil e llenen kai lengo lio si kovlo.”

Lukaš 14:11
Soke gua kai bariarel vou pe, ka avel ttodino ando lallao; a o lleno kai cherel vou pe minono, ka avel bariardo.

Rimanenge 12:3
Soke o Del ande po volipe ttoda man apostol ta goleke mangau tumendar te na mislin tumen kai sen mai lache neko so sen. Mai sukar dikken isto pe tumende prema o pachape kai o Del dia tumen, soke sen llene kai llan pala o Kristo.

Rimanenge 12:16
Zivin lachimaia iek averea ta na istardon. Na cheren tumen mai bare katar aver; dikken averen sargo isto tumen. Na mislin tumen kai tumen sen e mai bizai.

2 Korinťanenge 12:9-10
[9] a o Gazda ppenda mange: “Tut trubul samo mo volipe; soke mi zor sikadol ando kovlipe.” Goleke mange si mai sukar te faliu man ande mo kovlipe, gia te avel pe mande e zor e Kristoki.[10] Goleke veseliu man kai sem kovlo, kai kusen man, kai inai man so trubul man, kai mangen te maren man, ta i katar e bari patnia kai nakkau pala o Kristo, soke kana mai kovlo sem, ondaka si kana mai zuralo sem.

Filipanenge 2:3-4
[3] Na cheren niso ande joli ni pala o baripe, cherenle prostimaia, ta suako lleno te dikkel avere mai baro neko vou pe.[4] Niko te na rodel o lachipe samo vou peke, morabi te rodel o lachipe i ogolenge.

Matuš 23:10-12
[10] Na roden te ikkaren tumen gazda, soke o Kristo si tumaro Gazda.[11] O mai baro tumendar morabi te avel tumaro esluga.[12] Soke gua kai bariavel vou pe, ka achel ando lallao; a o lleno kai cherelpe minono, ka avel bariardo.

Jakob 4:14-16
[14] ¡A ni llanen so ka avelpe tumende ttiara! tumaro zivoto si sargo e tufina kai likel iek cherricha vreme ta mapalal llaltar.[15] So morabi te ppenen si: “Te kamela o Del ka zivi ta ka chera so manga.”[16] A tumen samo falin tumen; ta o falipe inai sukar.

Filipanenge 2:5-8
[5] Morabi te avel tumen isto o mislo e Kristoko,[6] O Kristo saia sargo o Del, Ta makar saia sar o Del ni kamla te avel leki zor ande goia ezgoda[7] Ta mukla pe iek rig vou pe ta cherdilo sargo iek esluga. Ta cherdilo sargo sa e manusa ta sikadilo sargo varesavo manus,[8] Ta kana saia sargo iek manus kandia e Devle, llik kai o meripe, llik kana mulo po krusto.

Romani Bible 2007
Nuevo Testamento en Romané © Sociedad Bíblica Chilena, 2007