A A A A A

God: [God's Timing]


1 Timoteoske 3:15
te na avilem oma, gia ka llane sar morabi te zivil o manus ande Devleki familia, kai si e kkanlliri katar o Del o llundo, e kkanlliri kai istarel ta arakkel o chachipe.

Jan 6:54
Ta kogo jal mo mas ta piel mo rat, si le zivoto ostade; ta me ka cherau le te ustel katar o meripe kana ka avel o son e suetoko.

Jan 8:32
ka pinllaren o chachipe, ta o chachipe ka braduil tumen.

Marek 6:3
¿Inai gava o lleno kai cherel ezgode kastune, ta si chavo e Mariako ta pplal e Santiagoko, e Joseeko, e Judaeko ta e Simonoko? ¿Ta ni zivin kate maskar amende i leke pplal? Ta ni pachana ande lete.

Jan 12:48
Gua kai ni kamel te guruvel me alava, si le ko te ttovel pe lete e kris; o alau kai me ppendem, vou ka ttovel pe lete e kris ando llive mai anglal.

Jan 1:1
Mai anglal saia o Alau, ta o Alau saia e Devlea ta o Alau saia o Del.

Galaťanenge 6:9
Goleke morabi te chera o lachipe ta te na chiniva, soke te na jasardam e zor, ka avel o vreme ta o Del ka del amen amaro chari.

Galaťanenge 1:19
A ni dikklem ni iekke katar ogola apostolura samo e Santiago o pplal e Gazdako.

2 Peter 3:8
Ta na bristaren tumen pplalalen, kai e Gazdake iek llive si sargo milia burs, ta milia burs si sargo iek llive.

Skutki 1:7
O Jesus ppenda lenge: —Inai tumenge te llanen o llive ni o vreme kai o Dad ttoda ande po gazdaripe;

Galaťanenge 4:4
A kana avilo o vreme, o Del bichalda pe Chave kai biandilo katar iek diskinia ando zakono e Moiseseko,

Efežanenge 5:16
Ttoven sama so cheren, soke gala llivesa si bilache.

Jan 3:3-5
[3] O Jesus ppenda leke: —Chachimaia ppenau chuke kai kogo ni biandola pale, nasti ka dikkel e charoina e Devleki.[4] O Nikodemo puchla le: —¿Sar iek lleno ande po ppuripe sai biandol pale? ¿sai del o duito drom ande pe dako lli?[5] O Jesus ppenda leke: —Chachimaia ppenau chuke kai kogo ni biandola e paietar ta i e Duotar, nasti ka del ande charoina e Devleki.

Židenge 12:14
Roden e pas saurrenchar ta e santidad, soke bi golea niko ni ka dikkel e Gazda.

Rimanenge 8:28
Llana kai o Del lacharel sa e ezgode po lachipe golenge kai volin le, golenge kai vou ikkarda gia sar vou mangla.

Efežanenge 1:10
Kana ka avel o vreme ka cherel so vou mangel ta ka chidel sa e ezgode katar o miloso ta i katar e ppuv, ta angla lende ka ttovel e Kristo te gazdaril.

Jan 16:13
Kana ka avel o Duo e chachimako, vou ka inllarel tumen kai sa o chachipe; soke ni ka del orba vou petar, A ka ppenel so ka asunel, te llanen e ezgode kai si te aven.

Galaťanenge 4:19
Chaurralen, pale dukkal man sargo kana dukkal iekke diskinia kana bianel, lligo ni ka aven sargo o Kristo.

Matuš 16:18
Ta me ppenau chuke kai tu san o Pedro, ta pe gava barr ka cherau mi kkanlliri, ta e udara katar o meripe ni ka dobin la.

Matuš 18:15-18
[15] “Goleke, cho pplal te cherela chuke varesavo bilachipe, lla tu lete ta cher le te llanel kai cherda o bilachipe; a te asunda tut, dobisardan che pplale.[16] A te na asunda tut, le tuia iekke o duie llenen te asunen e orba.[17] A te na asunela gale llenen, ppen le e kkanllirake; a te na asunela e kkanllira, dikkle sargo iek lleno kai ni pachal ando Del o sargo iek publikano.[18] “Chachimaia ppenau tumenge kai sa so ppandena pe ppuv ka avel ppanglo ando miloso; ta sa so putarena pe ppuv ka avel putardo ando miloso.

Efežanenge 1:22-23
[22] Ttoda sa e ezgode telal tala e porrne e Kristoke ta ttoda le te avel o soro e kkanllirako.[23] Soke e kkanlliri si e esnaga e Kristoki, ta letar lel sa so trubul la, soke o Kristo si kai pperel la katar sa so trubul la, ta e kkanlliri achel pperdi.

Efežanenge 5:23
Soke o rom si o soro e romiako, gia sar o Kristo si o soro e kkanllirako ta e kkanlliri si leki esnaga ta vou si lako Braduimari.

Skutki 4:32
But llene sea gola kai pachana ando Jesus ta saurre saia len iek mislo ta iek lio. Ta niko ni ppenela kai leke ezgode sea samo leke, von ppenena kai so saia len saia saurrengo.

1 Korinťanenge 1:10
Pplalorralen, ando anau amare Gazdako o Jesukristo, moliuman tumenge te aven ande iek mislo ta te na avel chingar maskar tumende. Zivin ando volipe, ta te avel tumen iek mislo ta iek lio.

Jan 14:6
O Jesus ppenda leke: —Me sem o drom, o chachipe ta o zivoto; niko ni llal kai o Dad bi murno.

Jan 14:6-28
[6] O Jesus ppenda leke: —Me sem o drom, o chachipe ta o zivoto; niko ni llal kai o Dad bi murno.[7] Te pinllaren man, i me Dade ka pinllaren; ta akana pinllaren le ta dikken le.[8] O Felipe ppenda leke: —Gazda, sikau amenge e Dade, ta golea si amenge dosta.[9] O Jesus ppenda leke: —Felipe, gachin cherel kai sem tumenchar, ¿ta ni pinllardan man? Kogo dikkla man, dikkla e Dade; ¿soke ppene: Sikau amenge e Dade?[10] ¿Ni pacha kai me sem ando Dad a o Dad si ande mande? E alava kai me ppenau tumenge, ni ppenau len me mandar. O Dad kai zivil ande mande vou cherel e bucha.[11] Pachan man kai me sem ando Dad a o Dad si ande mande; a te na, pachan man isto pala e ezgode kai cherau.[12] Chachimaia ppenau tumenge kai kogo pachal ande ma, e ezgode kai me cherau i vou ka cherel len; ta ios mai bare ka cherel len, soke me llautar kai o Dad.[13] Ta sogo tumen mangena e Dadetar ande mo anau, ka cherau le, te sai avel o Dad blagosime.[14] Te mangena vareso ande mo anau, ka cherau le.[15] “Te volina man, cheren so ppenen me zakonura.[16] Me ka moliuman e Dadeke ta vou ka del tumen aver kai ka del tumen zor te avel tumenchar suako llive:[17] o Duo e chachimako, gole kai o sueto nasti lel, soke ni dikkel le, ta ni pinllarel le; A tumen pinllaren le, soke zivil tumenchar ta i ka avel tumenchar.[18] “Ni ka mukau tumen bidadeko; ka avau tumenchar.[19] Cherricha ios, ta o sueto ni ka dikkel man ios; A tumen ka dikken man, ta ka zivin soke me ziviu.[20] Gua llive tumen ka llanen kai me sem ande mo Dad, a tumen ande mande, ta me ande tumende.[21] Gua kai si le me zakonura ta cheren len, gua si kai volil man. Ta mo Dad ka volil le, ta i me ka voliu le ta ka sikavau leke sar sem.”[22] O Judas (na o Iskariote) puchla le: —Gazda, ¿soke ka sikado amenge a e suetoke iok?[23] O Jesus ppenda leke: —Gua kai volil man cherel so ppenau; ta mo Dad ka volil le, ta mo Dad ta me ka ava lete ta ka zivisara ande lete.[24] Gua kai ni volil man, ni cherel so ppenau. O alau kai asunden inai murno, e Dadeko si kai bichalda man.[25] “Ppenau tumenge gala ezgode akana kai sem tumenchar;[26] A o Santo Duo kai o Dad ka bichalel ande mo anau, vou ka sikavel tumen sogo si e ezgode ta ka cherel te den tumen golli sa so ppendem tumenge.[27] “E pas mukau tumenge. Murni pas dau tumen; ni dau la tumenge gia sar del la o sueto. Te na tristolpe tumaro lio, na daran.[28] Asunden kai me ppendem tumenge kai ka llautar ta kai ka avau tumende. Te volisardena man veselisailena te llanen kai llautar kai o Dad, soke o Dad si mai baro mandar.

Romani Bible 2007
Nuevo Testamento en Romané © Sociedad Bíblica Chilena, 2007