A A A A A

God: [God's Grace]


Efežanenge 2:8-9
[8] Soke pala o volipe e Devleko tumen lien o braduipe cheres o pachape. Ta gava inai kai tumen dobisarden, soke gaia ezgoda diala tumenge o Del llabe.[9] Inai kai lienla soke cherden vareso, goleke niko nasti falil vou pe katar niso;

Titoske 2:11
Soke kana o Del dia po braduipe sa e suetoke, sikada amenge kai vou volil amen.

Rimanenge 11:6
O Del si lacho ta goleke esvirisarda len na soke von cherde varesavo lachipe vou te esviril len.

Skutki 15:11
A inai gia, amen pacha kai von ta i amen sam braduime llabe pala o lachipe e Gazdako o Jesus.

Židenge 4:16
Goleke, kana ka trubul amen vareso, morabi te ava bi darako kai o Del, soke vou ka pomozil amen soke si lacho ta volil amen.

Skutki 20:32
“Akana, pplalalen, mukau tumen ande Devleke va ta ande leki orba katar leko volipe. Le si e zor te cherel tumen te barion ando Duo ta te del tumen sa so ppenda kai ka del e llenen katar leko foro o santo kana dia po alau.

Jakob 4:6
A amen volil ios mai but, goleke ando Pisipe ppenel: “E Devleke inai drago e llene kai falinpe, ta del po volipe e llenen kai si proste”

Efežanenge 1:7
Ando Kristo, fala katar leko rat kai perada, si amen braduipe ta o prostipe katar o bilachipe. Soke o Del bariarda pe amende po baro barvalipe volimako,

Rimanenge 5:1-2
[1] Soke o Del ia llinda amen chache, ta si amen pas e Devlea cheres amaro Gazda o Jesukristo.[2] Pala o Jesukristo sai avilam pasa o Del cheres o pachape, reslam te la letar gava sukaripe, ta sam zurale, ta chera baripe ande so adurichara kai ka avel amen iek ttan ando baripe e Devleko.

Titoske 3:7
ta gia kana ka llinel amen chache pala e zalba kai si le pe amende, ka del amen o zivoto ostade kai adurichardam letar bute bursenchar.

Rimanenge 3:20-24
[20] Soke niko nasti ka avel llindo chacho angla o Del samo soke kandel so ppenel o zakono; soke o zakono samo sikavel amenge kai sam bilache.[21] A akana bi e zakonoia, o Del sikada amenge sar llinel amen chache, ta sikadale amenge isto e zakonoia ta e poraukenchar.[22] O Del llinel chache sa golen kai pachan ando Jesukristo ni chitilpe dal si judiura o inai judiura:[23] saurre cherde o bilachipe ta si dur katar o Del.[24] A o Del ande po volipe ta llabe llinel amen chache, ta cheres o Kristo Jesus braduisarda amen katar e duk kai saia te la pala amaro bilachipe.

Jan 1:17
soke o zakono diale katar o Moises, a o volipe ta o chachipe avile katar o Jesukristo.

2 Timoteoske 2:1
Tu kai san mo chaurro, trudisao ando volipe kai si amen ando Kristo Jesus.

2 Timoteoske 1:9
O Del braduisarda amen ta ikkarda amen te ava katar leko santo foro inai pala vareso kai amen cherdam, soke leki volia saia ta pala o volipe kai avilale amenchar cheres o Kristo mai anglal te avel o vreme ta e bursa.

2 Korinťanenge 12:9
a o Gazda ppenda mange: “Tut trubul samo mo volipe; soke mi zor sikadol ando kovlipe.” Goleke mange si mai sukar te faliu man ande mo kovlipe, gia te avel pe mande e zor e Kristoki.

Rimanenge 3:24
A o Del ande po volipe ta llabe llinel amen chache, ta cheres o Kristo Jesus braduisarda amen katar e duk kai saia te la pala amaro bilachipe.

Skutki 20:24
A me ni ttovau sama katar niso ni katar mo zivoto o te si te merau samo te resau kote kai prastau veselimaia kote kai getolpe o drom ta te cherau so ppenda mange o Gazda o Jesus te ppenau e lachi viasta katar o volipe e Devleko.

1 Peter 5:10
A kana tumen ka nakken gaia patnia nesavo vreme o Del ka cherel tumen orta ta zurale te na kovlion ta gia suako llive ka avel tumen pachape. Isto o Del kai ande po baro volipe ikkarda amen e Jesukristoia te ava i amen ande leki dragostia ostade.

Efežanenge 2:4-9
[4] A o Del avila leke gia bari zalba ta volisarda amen pe gachin,[5] kai dia amen zivoto ande iek ttan e Kristoia kana sama mule cheres amaro bilachipe. Pala o volipe e Devleko tumen lien o braduipe.[6] Ta ande iek ttan e Jesukristoia vazdia amen katar o meripe, ta cherda amen te besa lea ando miloso.[7] Gala ezgode cherda len te sai sikavel po volipe ando vreme kai ka avel mai angle ta kai si posteno amenchar ando Kristo Jesus.[8] Soke pala o volipe e Devleko tumen lien o braduipe cheres o pachape. Ta gava inai kai tumen dobisarden, soke gaia ezgoda diala tumenge o Del llabe.[9] Inai kai lienla soke cherden vareso, goleke niko nasti falil vou pe katar niso;

Rimanenge 2:8-10
[8] ta ka dukkavel jolinaia golen kai roden e chingar, ta kai ni kamen te cheren o lachipe.[9] Ka avel duk ta patnia sa golenge kai cheren o bilachipe, mai anglal e judionenge ta i golenge kai inai judiura.[10] A o Del ka del baripe pachiu ta e pas sa golen kai cheren o lachipe, mai anglal e judionen ta i e llenen kai inai judiura.

1 Korinťanenge 15:10
A sem so sem soke o Del si lacho manchar; ta leko volipe manchar ni avila samo gia. Soke me radisardem mai but neko sa ogola; a o chachipe ni sema me, o Del saia kai ande po volipe pomozisarda man te cherau gala ezgode.

Efežanenge 2:5
kai dia amen zivoto ande iek ttan e Kristoia kana sama mule cheres amaro bilachipe. Pala o volipe e Devleko tumen lien o braduipe.

Titoske 2:11-12
[11] Soke kana o Del dia po braduipe sa e suetoke, sikada amenge kai vou volil amen.[12] Gua volipe e Devleko sikavel amen te muka o bilachipe ta o zelnipe pe ezgode e suetoke, ta cherel ande gava vreme te ava bizai, te ava chache, ta te avel amen zalba,

2 Korinťanenge 12:8-9
[8] Ta trin droma molisailem e Gazdake te lel mandar gaia patnia;[9] a o Gazda ppenda mange: “Tut trubul samo mo volipe; soke mi zor sikadol ando kovlipe.” Goleke mange si mai sukar te faliu man ande mo kovlipe, gia te avel pe mande e zor e Kristoki.

Jan 1:14
Ta gua Alau cherdilo manus, ta inzarda pi chara maskar amende, pperdo volipe ta chachipe; ta dikklam leki dragostia, dragostia sar o edino Chavo e Devleko.

Efežanenge 4:7
A suakone llene amendar o Kristo dia amen so vou mangla te del amen.

2 Peter 1:2
Me mangau e Devletar te len but volipe ta pas katar o sikadipe kai si tumen katar o Del ta katar o Jesus amaro Gazda.

Rimanenge 1:7
ta te aven katar o santo foro e Devleko saurre kai sen ande Roma. O Del amaro Dad ta o Gazda o Jesukristo te del tumen po volipe ta pi pas.

Rimanenge 5:17
A pala o bilachipe e Adaneko o meripe charoil pe ppuv, ios mai but akana cheres o Jesukristo, amen ka charoi ando nevo zivoto. Soke o Del volil amen, lia amen bi te mangel amendar niso.

Jan 1:16
Soke saurre liam katar leko barvalipe ta katar leko chachipe,

Titoske 2:11-14
[11] Soke kana o Del dia po braduipe sa e suetoke, sikada amenge kai vou volil amen.[12] Gua volipe e Devleko sikavel amen te muka o bilachipe ta o zelnipe pe ezgode e suetoke, ta cherel ande gava vreme te ava bizai, te ava chache, ta te avel amen zalba,[13] gia adurichara te avel gua veselo llive, kana ka irilpe amaro Del ta amaro Braduimari o Jesukristo.[14] Vou mulo pala amende te ikanel amen katar o bilachipe, te chistol amen ta te cherel amen te ava leko foro, ta te ava vrene te chera o lachipe.

Rimanenge 5:2
Pala o Jesukristo sai avilam pasa o Del cheres o pachape, reslam te la letar gava sukaripe, ta sam zurale, ta chera baripe ande so adurichara kai ka avel amen iek ttan ando baripe e Devleko.

2 Korinťanenge 6:1
Amen radi e Devleke ta moli amen tumenge te na len samo gia o volipe e Devleko,

2 Tesaloničanenge 1:12
Ta gia cheres tumende ka avel blagosime o anau katar o Gazda o Jesus ta vou ka blagosil tumen prema o lachipe kai si e Devle ta e Gazda e Jesukristo.

1 Timoteoske 1:13-16
[13] a me omanglal ppenava bilache ezgode letar, llava te marau man e llenenchar kai pachan ande le ta kusava le. A e Devleke avila zalba mandar, soke ondaka me ni pachava ta ni llanava so cherava.[14] Ta amaro Gazda cherda pi volia manchar, ta dia man o pachape ta o volipe kai sai avel amen pala o Kristo Jesus.[15] Gava si chachipe ta saurre morabi te pachan: kai o Kristo Jesus avilo pe ppuv te braduil e bilachen, ta me sem o purvo lendar.[16] Goleke o Del avila leke zalba mandar, te sai sikavel o Jesukristo po volipe. Ta gia te sikon mandar e llene kai ka pachan ande lete te sai len o zivoto ostade.

Rimanenge 6:23
So pochinel o bilachipe si o meripe; a so del o Del si zivoto ostade ando Kristo Jesus, amaro Gazda.

Rimanenge 3:23
saurre cherde o bilachipe ta si dur katar o Del.

2 Korinťanenge 9:8
O Del sai del tumen but ezgode, gia te sai avel tumen sa so trubul tumen, ta i mai but. Ta gia sai ka pomozin averen.

Jakob 2:8
Tumen, te cherden chachimaia so ppenel o glamno zakono prema sar ppenel ando Pisipe; blago tumenge ka avel. Gua si: “Volisar avere sar voli isto tu tut”

1 Jan 5:3
Soke gava si te voli e Devle, te chera leki buchi, ta inai trudno te cherale.

2 Peter 3:9
Inai kai o Gazda si leno te cherel so ppenda kana dia po alau gia sar ppenen nesave llene, soke e Gazdake si zalba ta vou aduricharel tumen ta mangel te keimpe saurre ta te na jasaol niko.

Skutki 2:38
O Pedro ppenda lenge: —Irin tumen kai o Del ta te kristin tumen suako lleno ande Jesukristoko anau, te sai o Del prostil tumaro bilachipe, ta gia vou ka del tumen o Santo Duo.

Rimanenge 3:27
¿Kai talo akana o baripe e manuseko angla o Del? ¡gua baripe achel mulo! ¿Pala so? ¿Pala o zakono? Iok, pala o pachape.

Jakob 2:12
Gia morabi te da orba, gia morabi te chera, soke ando llive e krisako o Del ka chinel amenge e kris e zakonoia katar o mukliardipe.

Rimanenge 7:12
Goleke o zakono chachimaia si santo, ta sa e alava e zakonoke si sante, chache ta lache.

Rimanenge 1:16
Ni lallau katar e lachi viasta, soke si zor e Devleki te braduil sa golen kai pachan, mai anglal e judionen, ta i golen kai inai judiura.

Romani Bible 2007
Nuevo Testamento en Romané © Sociedad Bíblica Chilena, 2007