A A A A A

God: [Curse]


Galaťanenge 3:13
O Kristo braduisarda amen katar e prokestia e zakonoki ta cheres amende cherdilo proketo, soke ando Pisipe ppenel gia: “Proketo gua kai umblaven le pe iek kas.”

Lukaš 6:28
blagosisaren golen kai ppenen tumenge bilache alava, molintumen pala gola kai kusen tumen.

Galaťanenge 5:1
O Kristo mukliarda amen te na ava esluge, goleke llan orta ande gua mukliardipe ta na cherdon pale esluge.

2 Korinťanenge 5:17
Goleke, o lleno kai si e Kristoia si iek manus nevo. E ezgode purane nakkle, ta sa cherdon neve.

1 Jan 4:4
Chavalen, tumen sen e Devleke ta dobisarden gole poraukonen kojamne, soke o gua kai si ande tumende si mai baro neko o llavolo.

Rimanenge 8:37-39
[37] Maskar sa amare dukka, pacha kai o Jesukristo ka cherel amen te dobisara soke vou volisarda amen.[38] Me pachau kai nisavi ezgoda ka fulavel amen katar o volipe e Devleko: ni o meripe, ni o zivoto, ni e suechura, ni e duura, ni so si akana, ni so si te avel,[39] ni so si mai upre, ni so si mai tele, ta nisave ezgode cherde e Devletar. ¡Niso nasti ka fulavel amen katar o volipe kai o Del sikada amenge ando Kristo Jesus amaro Gazda!

1 Peter 5:8-9
[8] Arakken tumen ta ttoven sama soke o llavolo llal sargo iek liono divome kai rodel so te jal.[9] Ta terpin leke zurale ando pachape soke tumen llanen kai ande sa e ppuvia si but pplal kai nakken patnia isto sargo tumen.

Efežanenge 6:10-17
[10] Ta akana pplalalen, roden te zuriaon ando Gazda ta ande leki zor.[11] Arakken tumen, len e patave sastrune kai o Del dia tumen, te sai aven zurale ta te terpin kana ka avel pe tumende o kojaipe e llavoloko.[12] Soke ni mara amen manusenchar kai si sargo amen, amen mara amen duonenchar kai si zurale ta bilache kai si katar o miloso, kai von gazdarin ta charoin po sueto katar o truñariko kai si truial amendar.[13] Goleke len sa e patave sastrune kai o Del dia tumen, te sai terpin ando llive bilacho, ta kana ka aven lacharde sukar, te achen zurale.[14] Goleke achen zurale, furiade e chachimaia.[15] Llan vrenimaia te ppenen e lachi viasta katar e pas.[16] Ta ttoven angla tumende o pachape te mundaren sa e fleche ppabarde kai chudel ande tumende o llavolo.[17] O braduipe te avel e challi sastruni te arakkel tumaro soro, ta e alava e Devleke te avel o jarni kai del tumen o Santo Duo.

Matuš 5:22
A me ppenau tumenge: Kai vareko te joliaola pe pplalea, ka avel dosalo pe kris; ta i kogo ppenela dilea pe pplaleke, ka avel dosalo pe mai bari kris, a vareko te kusela zurale pe pplale sai avel ttodo ando tufano iagako.

Rimanenge 3:23
saurre cherde o bilachipe ta si dur katar o Del.

Rimanenge 6:23
So pochinel o bilachipe si o meripe; a so del o Del si zivoto ostade ando Kristo Jesus, amaro Gazda.

Rimanenge 12:14
Na den armaia golen kai mangen te maren tumen. Mai sukar mangen e Devletar te blagosil len.

Romani Bible 2007
Nuevo Testamento en Romané © Sociedad Bíblica Chilena, 2007