A A A A A

God: [Who God Is]


Kološanenge 1:16
Ande lete o Del cherda sa so si ando miloso ta pe ppuv, so sai dikkol ta so nasti dikkol, ta i e duura kai gazdarin zoriaia, ta sa ande lete si cherde ta leke si cherde.

Židenge 1:3
O Chavo sikavel amenge o baripe e Devleko, soke vou si isto sar si o Del ta si pe suako ezgoda, ta pe bare zoriaia cherel sa e ezgode te avel len zivoto; ta vou cherda te prostil amen o Del katar amaro bilachipe, ta mapalal llelo ando miloso ta beslo pe rig e chachi e Devleki, kote kai si leki charoina.

Židenge 4:12
Soke e Devleke alava si len zivoto ta zor. Ta chinen mai but neko nisavo jarni kai si ostro pe dui riga, ta del chak andre katar amaro zivoto ta katar amaro duo, ta del gia andre kai kote dikkel bristomaia so manga te chera ta amare mislure dal si lache o bilache.

Jan 1:1
Mai anglal saia o Alau, ta o Alau saia e Devlea ta o Alau saia o Del.

Jan 1:14
Ta gua Alau cherdilo manus, ta inzarda pi chara maskar amende, pperdo volipe ta chachipe; ta dikklam leki dragostia, dragostia sar o edino Chavo e Devleko.

Jan 3:16
“Soke pe gachin volisarda o Del e sueto, kai dia pe edine Chave, gia kogo pachal ande lete, te na jasaol, ta te avel le zivoto ostade.

Jan 4:24
O Del si Duo, ta gola kai blagosin le morabi ando Duo ta ando chachipe te blagosin le.

1 Jan 1:5
Gaia si e viasta kai o Jesukristo sikada amen, ta kai amen ppena tumenge: O Del si villelo ta ande lete inai truñariko.

1 Jan ৪:৮
A gua kai ni volil ni pinllarel e Devle soke o Del si volipe.

1 Jan 4:16
Goleke amen llana ta i pacha kai o Del volil amen. O Del si volipe, ta suako lleno kai volil pe pplalen si e Devlea a o Del lea.

Jan 17:3
O zivoto ostade si te pinllaren tut, o edino Del o chachuno, ta i e Jesukristo gole kai bichaldan.

Zjaveňie 1:1
Gava si so sikada o Del e Jesukristoke katar e ezgode kai si te avenpe oma, te sai sikavel vou e llenen kai si leke esluge. Goleke o Jesukristo bichalda iekke suecho te sikavel gala ezgode e Juaneke kai si leko esluga,

Zjaveňie 22:13
Me sem e alfa ta e omega, o mai angluno ta o mai paluno.”

Rimanenge 5:8
A o Del sikavel po volipe karing amende, i ando vreme kana amen sama bilache, o Kristo mulo pala amende.

Zjaveňie ১:১৭-১৮
[১৭] Kana dikklem le pelemtar kai leke porrne sargo mulo. Vou ttoda po va o chacho pe mande, ta ppenda mange: Na dara; me sem o mai angluno ta o mai paluno,[১৮] gua kai zivil. Me sema mulo, ta akana ziviu ostade, ta mande si e kluchura katar o meripe.

2 Timoteoske 3:16-17
[16] Sa o Pisipe si cherdo katar e volia e Devleki, o Pisipe sikavel, ortol ta sikavel amen te avel amaro zivoto orta,[17] ta gia e llene kai radin e Devleke ka aven pperde katar o sikadipe, te sai cheren suako lachipe.

Jan 10:30-33
[30] Me ta mo Dad sam iek.[31] Ondaka e judiura pale lie peke barra te chuden ande lete,[32] A o Jesus ppenda lenge: —Me sikadem tumenge but lache bucha me Dadeke; ¿katar savi lendar mangen te chuden e barrenchar ande ma?[33] E judiura ppende: —Ni ka chuda e barrenchar ande tute pala nisavi lachi buchi kai cherdan, amen ka chuda barra ande tute soke che alavenchar kuslan e Devle; soke tu kai san manus chere tut o Del.

Romani Bible 2007
Nuevo Testamento en Romané © Sociedad Bíblica Chilena, 2007