A A A A A

God: [Unconditional Love]


1 Jan 4:16-18
[16] Goleke amen llana ta i pacha kai o Del volil amen. O Del si volipe, ta suako lleno kai volil pe pplalen si e Devlea a o Del lea.[17] Gia cherdol chachipe o volipe maskar amende, ta gia kana ka avel o llive e krisako, te avel amen vera; soke amen zivi sar zivisarda o Jesukristo pe gava sueto.[18] Ando volipe inai dar. O volipe cherel te duriol o dar. A te daral fiko kai o Del ka del le patnia, gua si kai ni sikilo te volil de istina.

1 Peter 4:8
Te avel maskar tumende volipe, soke o volipe prostil but bilachipe.

Kološanenge 3:14
A furiadon mai but e volimaia, soke o volipe si kai ka cherel tumen te aven saurre ande iek ttan.

Efežanenge 2:8
Soke pala o volipe e Devleko tumen lien o braduipe cheres o pachape. Ta gava inai kai tumen dobisarden, soke gaia ezgoda diala tumenge o Del llabe.

Efežanenge 5:25
Romalen, volin tumare romien gia sar o Kristo volisarda e kkanllira ta dia po zivoto pala la.

Jan 3:16
“Soke pe gachin volisarda o Del e sueto, kai dia pe edine Chave, gia kogo pachal ande lete, te na jasaol, ta te avel le zivoto ostade.

1 Korinťanenge 13:7
Ka si le volipe sai prostil suako ezgoda, sa sai pachal, sa sai aduricharel, ta sa sai terpil.

1 Korinťanenge 13:13
Si trin ezgode kai nikada ni ka meren: O pachape, so adurichara ta o volipe; a o mai baro lendar si o volipe.

1 Jan 3:1
Dikken pe gachin volil amen o Dad kai ikkarel amen chave e Devleke, goleke o sueto ni pinllarel amen, soke o sueto ni pinllarda le.

1 Jan 3:16
Amen pinllara so si o volipe soke o Jesukristo dia po zivoto pala amende; i amen si te da amaro zivoto pala amare pplalen.

1 Jan 4:8
A gua kai ni volil ni pinllarel e Devle soke o Del si volipe.

Jan 14:21
Gua kai si le me zakonura ta cheren len, gua si kai volil man. Ta mo Dad ka volil le, ta i me ka voliu le ta ka sikavau leke sar sem.”

Jan 15:12-13
[12] Gava si murno zakono. Te volisaren tumen iek avere, gia sar me volisardem tumen.[13] O volipe mai baro si, o manus kai del po zivoto pala pe amal.

Lukaš 6:27
“A tumenge kai asunen ppenau: Volisaren tumare dusmanonen, cheren o lachipe golenge kai murzin pe tumende,

Rimanenge 3:23
saurre cherde o bilachipe ta si dur katar o Del.

Rimanenge 5:5-8
[5] Ta gaia dragostia ni mukel amen peradine, soke o Del pperda pe volimaia amaro lio ta gava si ttodo katar o Santo Duo kai vou dia amen.[6] Soke kana amen ni saia e zor te bradui amen, o Kristo, kana saia te avel o vreme, mulo pala e bilache.[7] Na vareko ka mukel te mundaren le pala aver lleno. Ni pala iek lleno chacho; a sai avelpe kai iek lleno sai mukela te mundaren le pala iek lleno kai cherda leke iek baro lachipe.[8] A o Del sikavel po volipe karing amende, i ando vreme kana amen sama bilache, o Kristo mulo pala amende.

Rimanenge 8:35
¿Ko sai fulavel amen katar e Jesukristoko volipe? ¿E duk, e dar, e patnia, e bok, o sil, o meripe?

Rimanenge 12:9-10
[9] Volin tumen chachimaia iek avere. Murzin po bilachipe ta na durion katar o lachipe.[10] Volin tumen sargo pplalorre iek avere, ta traden liubao maskar tumende.

Titoske 3:4-5
[4] A o Del amaro Braduimari sikada amenge kai si lacho ta kai volil e sueto,[5] amen ni cherdam nisavo lachipe, a vou braduisarda amen soke avila leke zalba amendar, kosla amaro bilachipe, nevarda amen sargo kana biandilam pale gava cherdale e Santone Duoa.

1 Jan 4:9-10
[9] O Del sikada amenge po volipe kana bichalda pe Chave o edino, te sai amen zivi cheres lete.[10] Leko volipe si inai kai amen volisardam e Devle; o volipe si kai vou volisarda amen ta bichalda pe Chave ta cheres lete amaro bilachipe achel prostime.

Jan 13:34-35
[34] Iek nevo zakono dau tumen: Te volin tumen iek avereke. Isto gia sar me voliu tumen, volisaren tumen, iek avereke.[35] Cheres gava, saurre ka llanen kai tumen sen me disipulura, te volisarden iek avere.

1 Korinťanenge 13:4-7
[4] Kana e manuse si le volipe suako ezgoda terpil ta si lacho; inai le joli, ni blagosil vou pe, ta ni cherel baripe ande pe,[5] ni ppenel bilache alava, inai lakomo ta ni achel joliariko averea;[6] ni veselilpe ando bilachipe, veselilpe ando chachipe.[7] Ka si le volipe sai prostil suako ezgoda, sa sai pachal, sa sai aduricharel, ta sa sai terpil.

Matuš 5:43-48
[43] Asunden kai ppendo si: ‘Volisaren tumare llenen, ta murzisaren pe tumare dusmanura.’[44] A me ppenau tumenge: Volisaren tumare dusmanonen ta molintumen pala gola llene kai roden te maren tumen.[45] Ta gia tumen ka aven chave katar tumaro Dad kai si ando miloso, kai cherel te likel o kkam upral pe bilache ta i pe lache, ta cherel te del peke pe chache ta i pe gola kai inai chache.[46] Soke te volina tumen samo golen kai volin tumen, ¿so ka dobin? ¿Ni cheren gia e publikanura?[47] A te ppene sar san, samo che pplalenge ¿savo lachipe chere? I gola kai ni pachan ando Del cheren gia.[48] Tumen morabi te aven orta gia sar si orta tumaro Dad kai si ando miloso.

1 Korinťanenge 1:1-13
[1] Me o Pablo, ikkardo pala e volia e Devleki te avau apostol e Jesukristoko, ta o pplal o Sostenes.[2] Bichala salami tumenge kai sen katar e kkanlliri e Devleki kai si ando Korinto, kai ando Kristo Jesus, tumen sen esvirime pe iek rig ta ikkarde te aven katar leko foro santo, ta gia ka aven ande iek ttan sa e llenenchar kai blagosin e Jesukristo amaro Gazda, ta i Gazda katar o foro santo.[3] O Del kai si amaro Dad, ta amaro Gazda o Jesukristo te del tumen volipe ta e pas.[4] Suako drom dau fala e Devle pala tumende, pala o volipe kai dia tumen ando Kristo Jesus.[5] Soke cheres lete o Del dia tumen sa o barvalipe Duoko alavengo ta bizaimako,[6] soke e orba e Jesukristoki achili zurali maskar tumende.[7] Goleke, so tumen aduricharen e Kristo te avel, ni ka trubul tumen ni iek blagosipe e Devletar.[8] Gia ni ka jasaren tumaro pachape ando Jesus, ta kana ka avel amaro Gazda o Jesukristo, niko ni ka dosarel tumen katar nisavo bilachipe.[9] Chacho si o Del kai ikkarda tumen te aven ande iek ttan leke Chavea e Jesukristoia amaro Gazda.[10] Pplalorralen, ando anau amare Gazdako o Jesukristo, moliuman tumenge te aven ande iek mislo ta te na avel chingar maskar tumende. Zivin ando volipe, ta te avel tumen iek mislo ta iek lio.[11] Ppenau gava, pplalorralen, soke llanglem katar e familia e Kloeki kai si chingara maskar tumende.[12] Mangau ppenau, kai nesave llene maskar tumende ppenen gia: “Me sem e Pabloko;” aver ppenen: “Amen sam e Apoloke;” a aver ppenen: “Amen sam e Sefaseke;” ta aver ppenen: “Amen sam e Kristoke.”[13] ¿Sai avelpe kai o Kristo si fulado? ¿So, e Pablo krustosarde pala tumende? ¿O tumen kristisarde ando anau e Pabloko?

Romani Bible 2007
Nuevo Testamento en Romané © Sociedad Bíblica Chilena, 2007