| 1 Korinťanenge 8:6 |
| a amenge si samo iek Del, o Dad, kai cherda sa e ezgode, ta amen leke zivi. Ta si samo iek Gazda, o Jesukristo, kai letar sa e ezgode cherdile, ta fala leke amen zivi. |
|
| 2 Korinťanenge 3:17 |
| Soke o Gazda si o Duo; ta kote kai si o Duo e Gazdako, si mukliardipe. |
|
| 2 Korinťanenge 13:14 |
| Me o Pablo ni sem bichaldo e manusendar ta ni sem ttodo lendar te cherau gaia buchi, isto o Jesukristo bichalda man, ta o Del o Dad kai cherda e Jesuse te ustel katar o meripe, |
|
| Kološanenge 2:9 |
| Soke sa so si o Del, dikkol ando Kristo. |
|
| Jan 1:14 |
| Ta gua Alau cherdilo manus, ta inzarda pi chara maskar amende, pperdo volipe ta chachipe; ta dikklam leki dragostia, dragostia sar o edino Chavo e Devleko. |
|
| Jan 10:30 |
| Me ta mo Dad sam iek. |
|
| Lukaš 1:35 |
| O suecho ppenda leke: —O Santo Duo ka avel upral pe tute ta e zor katar o Del e milosoko ka ucharel tut sargo iek oblako. Goleke o minono kai ka biandol ka avel Santo Chavo e Devleko. |
|
| Matuš 1:23 |
| “Iek chei ka achel ppari ta ka maladol lake iek minono, kai ka ttoven leko anau Emanuel” gua si: “O Del amenchar.” |
|
| Matuš 28:19 |
| Goleke llan ta cheren disipulura pe sa e ppuvia ta kristin len ando anau e Dadeko e Chaveko ta ando Santone Duoko. |
|
| Matuš 3:16-17 |
| [16] Kana o Jesus kristisailo, likisto katar o pai ta o miloso putailo leke ta dikkla kai o Duo e Devleko fuliela sargo iek gulubo upral pe lete.[17] Ondaka asundilo iek avazi katar o miloso kai ppenela: “Gava si mo Chaurro kai voliu le.” |
|
| Rimanenge 14:17-18 |
| [17] Soke e charoina e Devleki inai jape o pipe, e charoina e Devleki si chachipe, pas ta veselia ando Santo Duo.[18] Ko radila gia e Kristoke, si drago e Devleke ta e llene ka den len liubao. |
|
| Lukaš 3:21-22 |
| [21] Kana o Juan kristisarela sa e llenen, i o Jesus kristisailo ta kana vou molilape, o miloso putailo[22] ta o Santo Duo fuliela upral pe lete sargo iek gulubo, ta asundilo iek avazi katar o miloso kai ppenenela: —Tu san mo Chavo kai voliu; ande tu si man veselia. |
|
| Jan 5:7-8 |
| [7] O nasuali ppenda leke: —Inai man ko te ttovel man ando bunari kana miskolpe o pai. Suako drom kana me llau, avel aver ta ttovelpe mai anglal mandar.[8] O Jesus ppenda leke: —Uste, vazde chi postelia ta ppir. |
|
| 1 Peter 1:1-2 |
| [1] Me o Pedro apostol e Jesukristoko, blagosiu golen kai zivin dur katar lengi ppuv, ando Ponto, Galasia, Kapadosia, Asia ta Bitinia,[2] gia sar saia leki volia o Del o Dad ezvisarda tumen te aven leko foro, ta e Santone Duoia ta e merimaia e Jesukristoki chistosarda len katar sa o bilachipe te cheren leki volia. Mangau o Del te volil tumen but ta te del tumen te zivin ande pas. |
|
| 2 Korinťanenge 1:21-22 |
| [21] Man ta i tumen, o Del cherel amen zurale ande iek ttan e Kristoia ta vou esvirisarda amen,[22] ta te sikavel kai sam leke, dia amen po Santo Duo. |
|
| 1 Korinťanenge 12:4-6 |
| [4] Ande kkanlliri o Duo dia suakone llene so te cherel ta sa gola ezgode del le isto gua Duo.[5] Si but bucha te radi e Gazdake, ta isto gua Gazda si kai del len.[6] Sai cherdon but ezgode, a isto gua Del si kai del e zor suakone llene te cherenlen. |
|
| Efežanenge 4:4-6 |
| [4] samo iek esnaga ta samo iek Duo gia sar o Del ikkarda tumen ande iek pachape.[5] Samo iek Gazda, iek pachape, ta samo iek kristope;[6] samo iek Del kai si o Dad saurrengo kai si upral pe sa ta radil saurrenchar ta si ande sa. |
|
| Kološanenge 1:15-17 |
| [15] O Kristo si sar dikkol o Del kai nasti dikka le; vou si leko edino Chavo kai saia mai anglal katar sa so si cherdo.[16] Ande lete o Del cherda sa so si ando miloso ta pe ppuv, so sai dikkol ta so nasti dikkol, ta i e duura kai gazdarin zoriaia, ta sa ande lete si cherde ta leke si cherde.[17] O Kristo saia mai anglal katar sa e ezgode, ta pala lete sa ezgode achen pe po ttan. |
|
| Jan 14:9-11 |
| [9] O Jesus ppenda leke: —Felipe, gachin cherel kai sem tumenchar, ¿ta ni pinllardan man? Kogo dikkla man, dikkla e Dade; ¿soke ppene: Sikau amenge e Dade?[10] ¿Ni pacha kai me sem ando Dad a o Dad si ande mande? E alava kai me ppenau tumenge, ni ppenau len me mandar. O Dad kai zivil ande mande vou cherel e bucha.[11] Pachan man kai me sem ando Dad a o Dad si ande mande; a te na, pachan man isto pala e ezgode kai cherau. |
|
| Filipanenge 2:5-8 |
| [5] Morabi te avel tumen isto o mislo e Kristoko,[6] O Kristo saia sargo o Del, Ta makar saia sar o Del ni kamla te avel leki zor ande goia ezgoda[7] Ta mukla pe iek rig vou pe ta cherdilo sargo iek esluga. Ta cherdilo sargo sa e manusa ta sikadilo sargo varesavo manus,[8] Ta kana saia sargo iek manus kandia e Devle, llik kai o meripe, llik kana mulo po krusto. |
|
| Jan 10:30-36 |
| [30] Me ta mo Dad sam iek.[31] Ondaka e judiura pale lie peke barra te chuden ande lete,[32] A o Jesus ppenda lenge: —Me sikadem tumenge but lache bucha me Dadeke; ¿katar savi lendar mangen te chuden e barrenchar ande ma?[33] E judiura ppende: —Ni ka chuda e barrenchar ande tute pala nisavi lachi buchi kai cherdan, amen ka chuda barra ande tute soke che alavenchar kuslan e Devle; soke tu kai san manus chere tut o Del.[34] O Jesus ppenda lenge: —Ande tumaro zakono si pisime: ‘Me ppendem kai tumen sen dela.’[35] Amen llana kai so si pisime ando zakono nasti ppagol, ta o Del ikkarda dela golen kai avila lende leko alau.[36] A me kai o Del bichalda man ando sueto, ¿sar tumen ppenen mange kai kojavau soke ppendem o Chavo e Devleko sem? |
|
| Romani Bible 2007 |
| Nuevo Testamento en Romané © Sociedad Bíblica Chilena, 2007 |