A A A A A

God: [Being Saved]


Skutki 16:31
Von ppende leke: —Pacha ando Gazda o Jesus, ta ka le o braduipe tu ta chi familia.

Efežanenge 2:8-9
[8] Soke pala o volipe e Devleko tumen lien o braduipe cheres o pachape. Ta gava inai kai tumen dobisarden, soke gaia ezgoda diala tumenge o Del llabe.[9] Inai kai lienla soke cherden vareso, goleke niko nasti falil vou pe katar niso;

Rimanenge 10:9-10
[9] Te ppenea che muiea kai o Jesus si o Gazda ta te pachaia sa che liea kai o Del vazdia le katar o meripe, ka ave braduime.[10] Soke e liea pachalpe te sai avel o manus llindo chacho, ta e muiea ppenel o manus kai pinllarel e Jesukristo te sai avel o manus braduime.

Marek 16:16
Gua kai ka pachal ta ka avel kristime ka avel braduime; a gua kai ni ka pachal, ni ka avel braduime.

Efežanenge 2:8-10
[8] Soke pala o volipe e Devleko tumen lien o braduipe cheres o pachape. Ta gava inai kai tumen dobisarden, soke gaia ezgoda diala tumenge o Del llabe.[9] Inai kai lienla soke cherden vareso, goleke niko nasti falil vou pe katar niso;[10] Soke o Del si kai cherda amen; vou cherda amen ando Jesukristo te sai chera lache ezgode, ta te ppira po drom kai vou lacharda amenge mai anglal.

Rimanenge 10:13
Ta i o Pisipe ppenel gia: “Sa gola kai ikkarena e Devle, ka aven braduime.”

Matuš 10:22
Sa o sueto ka murzil pe tumende pala mo anau; a gua kai llala zoriaia llik kai o son, ka avel braduime.

Skutki 2:38
O Pedro ppenda lenge: —Irin tumen kai o Del ta te kristin tumen suako lleno ande Jesukristoko anau, te sai o Del prostil tumaro bilachipe, ta gia vou ka del tumen o Santo Duo.

Jan 3:16
“Soke pe gachin volisarda o Del e sueto, kai dia pe edine Chave, gia kogo pachal ande lete, te na jasaol, ta te avel le zivoto ostade.

Matuš 25:31-46
[31] “Kana o Chavo e manuseko ka avel maskaral katar o villelo ta sa leke suechura, ka besel pe po trono barimako.[32] E manusa katar sa e ppuvia ka chidiniaon angla le, ta vou ka fulavel iek avere, sargo o chobano kai fulavel e bakren katar e busne.[33] Ka ttovel e bakren pe pi rig e chachi a e busnen pe po stingo.[34] Ta o charo ka ppenel golenge kai si pe leki rig e chachi: ‘Aven tumen kai sen blagosime me Dadetar; len e charoina kai si cherdi tumenge sar katar o Del cherda e sueto.[35] Soke sema bokkalo, ta tumen dien man te jau; sema trusalo, ta tumen dien man te piau; sema sargo iek lleno kai inai le kai te sovel, ta tumen dien man kai te sovau.[36] Ni saia man patave, ta tumen dien len mange; sema nasualo, ta tumen avilen mande; sema ande rubie, ta tumen avilen te dikken man.’[37] Ondaka e llene chache ka puchen le: ‘Gazda, ¿Kana dikklam tut bokkalo, ta diam tut te ja? ¿A kana dikklam tut trusalo, ta diam tut te pie?[38] ¿A kana dikklam tut kai tut ni saia kai te sove, ta diam tut kai te sove, o kai ni saia tut patave, ta diam len chuke?[39] ¿A kana dikklam tut nasualo o ande rubie, ta llelam te dikka tut?’[40] O charo ka ppenen lenge: ‘Chachimaia ppenau tumenge kai sogo cherden pala iek katar me pplal ka si mai prosto, isto mange cherden le.’[41] “Ondaka o charo ka ppenel golenge kai si pe leko stingo: ‘Llantar mandar tumen proketime; llantar ando tufano ostade cherdo e llavoloke ta i leke suechonenge.[42] Soke sema bokkalo, ta tumen ni diem man te jau; sema trusalo, ta tumen ni dien man te piau;[43] ni saia man kai te sovau, ta tumen ni dien man kai te sovau. Ni saia man patave, ta tumen ni dien len mange; sema nasualo, ta ande rubie, ta tumen ni avilen mande.’[44] Ondaka von ka puchen le: ‘Gazda, ¿Kana dikklam tut bokkalo, trusalo, bi patavengo, nasualo, ande rubie, ta ni pomozisardam tut?’[45] O charo ka ppenel lenge: ‘Chachimaia ppenau tumenge kai sa e ezgode kai ni cherden pala iek katar gala llene mai proste, ni mange ni cherden le.’[46] Gala ka llan kai e duk ostade, a e chache ka llan kai o zivoto ostade.”

Matuš 7:21-23
[21] “Ni ka del ande charoina e milosoki suako lleno kai ppenel mange: ‘Gazda, Gazda.’ O lleno ka del andre si gua kai cherel e volia me Dadeki kai si ando miloso.[22] But llene ka ppenen mange ande gua llive: ‘Gazda, Gazda, ¿Ni ppendam so saia te avelpe ande cho anau, ta ande cho anau tradiam avri e llavolonen ta ande cho anau cherdam but bare ezgode Devlikane?’[23] Ondaka ka ppenau lenge: ‘Nikada ni pinllarden tumen ¡Llantar mandar, soke samo o bilachipe cheren!’

Jan 3:3
O Jesus ppenda leke: —Chachimaia ppenau chuke kai kogo ni biandola pale, nasti ka dikkel e charoina e Devleki.

Rimanenge 3:23
saurre cherde o bilachipe ta si dur katar o Del.

Jakob 2:24
Dikken, o Del llinel orta e manuse kana o manus cherel so ppenel o zakono, a na samo pala o pachape.

Skutki 22:16
Ta akana, na adurichar ios. Uste, kristisao ta jalau cho bilachipe ando anau e Gazdako.’

Rimanenge 6:23
So pochinel o bilachipe si o meripe; a so del o Del si zivoto ostade ando Kristo Jesus, amaro Gazda.

2 Korinťanenge 5:17
Goleke, o lleno kai si e Kristoia si iek manus nevo. E ezgode purane nakkle, ta sa cherdon neve.

Galaťanenge 3:27
soke kana lien e Kristo ando kristope, achilen furiade e Kristoia.

Lukaš 10:25-28
[25] Iek kovachi e zakonoko llelo te del orba e Jesusea, ta te zumavel le puchla le: —Kovachi, ¿so morabi te cherau te lau o zivoto ostade?[26] O Jesus ppenda leke: —¿So si pisime ando zakono? ¿Sar chitisarele?[27] O kovachi e zakonoko ppenda: —‘Volisar e Gazda cho Del sa che liea, sa che duoia, sa che zoriaia, ta sa che misloia’; ta volisar avere sar voli tu tut.’[28] O Jesus ppenda leke: —Sukar dian orba. Te cherdan gua ka avel tut o zivoto.

Jan 3:16-18
[16] “Soke pe gachin volisarda o Del e sueto, kai dia pe edine Chave, gia kogo pachal ande lete, te na jasaol, ta te avel le zivoto ostade.[17] Soke o Del ni bichalda pe Chave ando sueto te proketil e sueto, bichalda le te braduil e sueto.[18] “Kogo pachal ande Devleko Chavo, inai proketime; a gua kai ni pachal, proketime si, soke ni pachaia ando anau katar o edino Chavo e Devleko.

Efežanenge 2:10
Soke o Del si kai cherda amen; vou cherda amen ando Jesukristo te sai chera lache ezgode, ta te ppira po drom kai vou lacharda amenge mai anglal.

1 Korinťanenge 12:13
Soke katar iek Duo sama saurre kristime ande iek esnaga; i te avena judiura o griegura, o te avena o te na avena esluge, ta saurren dia isto gua Santo Duo.

2 Peter 3:9
Inai kai o Gazda si leno te cherel so ppenda kana dia po alau gia sar ppenen nesave llene, soke e Gazdake si zalba ta vou aduricharel tumen ta mangel te keimpe saurre ta te na jasaol niko.

Skutki 17:30
Bute bursenchar o Del prostisarda e llenenge kai cherena gala ezgode soke ni llanena so cheren, a akana ppenel saurrenge pe suako rig te irinpe lete.

Jakob 2:18
Vareko sai ppenel: “Tut si pachape, a me cherau e buchi e Devleki. Sikau mange cho pachape bi te chere e buchi e Devleki, a me ka sikavau chuke mo pachape pala e buchi e Devleki kai me cherau.”

Jan 8:24
Goleke ppendem tumenge kai ka meren ande tumaro bilachipe; soke te na pachana kai me sem, ande tumaro bilachipe ka meren.

Lukaš 13:3
Ppenau tumenge kai iok; a i tumen te na irisailen kai o Del, i tumen ka meren.

Jakob 2:14-17
[14] Pplalalen, ¿So dobil o lleno kai ppenel kai si le pachape ta ni cherel e Devleki buchi? ¿So mislin tumen; gua lleno ka braduilpe samo pala o pachape?[15] Te si iek pplal o iek ppei kai inai len patave te ttoven pe pete, ta inai len so te jan,[16] a iek tumendar ppenel lenge: “llan ande pas; na nakken sil, jan sogo kamen”, a ni del len so trubul len, ¿so mol gole lleneke leko pachape?[17] Isto gia o pachape si mulo kana ni cherdol e buchi e Devleki.

Jan 6:47
Chachimaia ppenau tumenge, kogo pachal ande mande, si le zivoto ostade.

Jan 11:25-26
[25] Ondaka o Jesus ppenda lake: —Me sem o llundipe ta o zivoto. Ko pachal ande mande, i te avela mulo, ka zivil;[26] ta i kogo zivil ta pachal ande mande, nikada ni ka merel. ¿Pacha gava?

Židenge 6:4-6
[4] Soke gola llene kai lie o villelo ta zumade so del o Del ta lie o Santo Duo,[5] ta zumade e lachi viasta e Devleki ta e zor kai ka avel ande nevi ppuv,[6] te perena pale, nasti andonpe pale kai o Del, soke isto von pale krustosaren e Devleke Chave ta von cheren saurre te maren letar espurnia.

1 Jan 5:13
Me pisiu tumenge kai pachan ande Devleko Chavo te llanen kai si tumen o zivoto ostade.

Jan 3:17
Soke o Del ni bichalda pe Chave ando sueto te proketil e sueto, bichalda le te braduil e sueto.

Jan 14:6
O Jesus ppenda leke: —Me sem o drom, o chachipe ta o zivoto; niko ni llal kai o Dad bi murno.

2 Timoteoske 2:10
Goleke sa so nakkau, nakkaule pala e llene kai o Del esvirisarda, te sai resen i von kai o braduipe ta kai o blagosipe kai si ostade ando Kristo Jesus.

Rimanenge 8:29-30
[29] O Del mai anglal llanela ka ka esviril te aven sargo leko chaurro, te sai vou avel o chavo mai purano maskar e but pplalorre.[30] Ta golen kai vou esvirisardaia, ikkarda len ta golen kai ikkarda, llinda len chache; ta golen kai llinda len chache dia len po baripe.

Matuš 3:11
Me, chachimaia kristiu tumen e paiea te sai irin tumen katar tumare bilache droma. A gua kai avel mapalal mandar, vou si mai zuralo neko me, kai ni sem lacho ni te inllarau leke sinele. Vou ka kristil tumen e Santone Duoia ta e iagaia.

Romani Bible 2007
Nuevo Testamento en Romané © Sociedad Bíblica Chilena, 2007