A A A A A

God: [Offerings]


2 Korinťanenge 9:7
Suako lleno morabi te del so ttoda ande po lio te del, na tristomaia o pe zor, soke o Del volil gole llene kai del veselimaia.

Skutki 20:35
Ta sa o vreme sikadem tumen kai gia si sar trubul te radi ta te pomozi golen kai trubul len, ta te da amen golli katar gola alava kai o Gazda o Jesus ppenda: ‘Mai but veselia si kana de neko kana le.’ ”

Židenge 13:15-16
[15] Goleke ando Jesukristo morabi te blagosi e Devle suako llive. Gava blagosipe si o kurbano kai morabi te da. Goleke ¡Blagosi le amare alavenchar![16] Na bristaren tumen te cheren o lachipe ta te pomozin averen soke gala si e kurbanura kai si drago e Devleke.

Lukaš 6:38
Den averen, ta o Del ka del tumen. Ka del tumen so trubul tumen. Isto gia sar tumen den averen, o Del ka del i tumen.”

Lukaš 16:10
“Gua kai arakkel so si eftino, arakkel i so si kuch; a ko inai chacho pe so si eftino, inai chacho pe so si kuch.

Matuš 23:23
“¡Tesko tumenge, kovacha e zakonoke ta tumen fariseura, manus kojamne! kai ikanen e Devleke e desengo katar e menta, eneldo ta i o komino, a ni ttoven sama katar o sikadipe mai baro katar o zakono kai si o chachipe, e zalba, o pachape. Gava si te cheren, ta te na muken te cheren i ogola ezgode.

Rimanenge 12:1
Goleke pplalalen, pala o volipe kai si e Devle pala tumende, mangau tumendar te ttoven tumen te radin leke sa tumare zivotoia ta te cheren so si leke drago. Gia si sar morabi te blagosi le.

Lukaš 12:33-34
[33] Bichinen so si tumen, ta den golen kai trubul len. Cheren tumenge anbave kai ni ka pparradon ta barvalipe ando miloso kote kai inai o son, kai o chorano nasti del andre ta kai ni e papuruge nasti zatril.[34] Soke kote kai si tumaro barvalipe, i kote ka avel tumaro lio.

Matuš 6:19-21
[19] “Na cheren tumenge barvalipe pe ppuv, kate kai e papuruga ta e pauzina zatrin ta kai e chor den ta vazden;[20] mai lache si te cheren tumenge barvalipe ando miloso, kote kai ni e papuruga ni e pauzina ni zatrin, ta kote kai e chor ni den te choren.[21] Soke kote kai si cho barvalipe, i kote ka avel cho lio.

Matuš 6:31-33
[31] Goleke na triston tumen, ta na ppenen: “¿So ka ja, o so ka pia, o so ka ttova pe amende?”[32] Sa gala si e ezgode kai brigin e llenen kai ni pachan ando Del, a tumen si tumen iek Dad ando miloso kai llanel sa so trubul tumen.[33] Goleke, roden mai anglal e charoina e Devleki ta leko chachipe, ta i sa gala ezgode ka aven tumenge dine.

Marek 12:41-44
[41] Iek llive o Jesus besela angla e baulia kote kai chidena e love katar o cher e Devleko, ta dikkela sar ttovena e love. Ta but barvale ttovena but love.[42] Ta avili iek ppivli chorri, ta ttoda dui tolaricha jarkune, kai ni mol len but.[43] Ondaka o Jesus ikkarda pe disipulonen, ta ppenda lenge: —Ppenau tumenge kai gaia ppivli chorri dia mai but neko sa ogola llene kai ttovena e love ande baulia;[44] soke sa die katar so ni trubul len, a voi ande po chorripe, dia sa so saia la te pravarelpe.

Lukaš 21:1-4
[1] O Jesus dikkela sar e llene barvale ttovena love ande baulicha kote kai llan e love dine,[2] ta i dikkla kai iek ppivli chorri ttovela dui tolaricha jarkune.[3] Ondaka ppenda: —Chachimaia ppenau tumenge kai gaia ppivli dia mai but neko sa e llene;[4] soke sa die katar so ni trubula len, a voi, ande po chorripe, dia sa so saia la te zivil.

Romani Bible 2007
Nuevo Testamento en Romané © Sociedad Bíblica Chilena, 2007